يهددني ياعرس عائلي ولامافي سفر

يا عزيزتي ....اهم شيء بالزواج التفاهم و المودة و الرحمة... انتي غلطي العرس مو شيء اساسي مجرد مظاهر وصرف فلوس على الفاضي

الاهم راحتك معاه و سعادتك....هو ما قصر معاك قال لك يا حفلة يا سفر....وانتي اختاري لكن ما تقدري تجبريه على الاثنين

ولا تحملينه ديون من بداية حياتكم لانه انتي المتضررة الاولى و الاخيرة...اهلك راح ينبسطوا بالعرس لكن انتي بعدين الي

حتعيشي في ضيق و حاجة.

و عندي لك حل ...ممكن تسوين عرس بسيط في ستراحة تجمعن فيه الاهل و الاحباب و سافري لكن لدولة تكون مصاريفها رخيصة

مثل اندونيسيا و بكذا انتي تكوني فرحتي و سافرتي وما كلفتي زوجك مالا يطيق.

اول شي ياحياتي مشكوووووووورة....انتي اول رد يوصلني ياقلبوجزاك الله خير
حبيبتي جماعتنا صديقاتي لازم يجون شسوي قوليلي
وش بيقولون العالم؟
هو يقول عائلي يعني مايبي احد غير عائلتنا وصديقاتي بس
وربي ماانمت للحين

ماعليج من كلام الناس وغيرة
اهم شي راحتج وراحت زوجج

واهو شايف ان العرس صرف وتبذير من غير فايده وعلى كثر مابتخسرون على العرس الناس راح اتذم

وراح تتعبون شهور عشان ليله وحده

و بعدين انتي اللي راح اتعيشين معاه
يعني اذا سويتي عرس

يبيلج اتسوين شي فخم
واذا سويتي شي فخم راح تترتب عليه ديون
واذا ترتبت عليه ديون
ماراح يسوي لج اللي في خاطرج بعد الزواج

ولا راح تلبسين لبس اللي بخاطرج
ولا راح تتتسوقين بالسوق اللي يعجبج

يعني بتعيشون على قدكم و في اشياء وايد بتتنازلين عنها
وبعدين مالج حق اتبطلين حلجج و تتذمرين على عيشتج وياه

ترة كل خساير العرس راح تركب فوق ظهرج

وماعليج من خاطرج ولا خاطر هلج ولا حجي الغير

اهم شي راحتج معاه بعد العرس

والعرس العائلي ابروحه خسارة

واهو زين ان بيسفرج بعد

في بنات مايسون حفله سيده سفر
وفي بنات لو سوو حفله مافي سفر

ارضي باللي يقدر عليه زوجج

حفله عائليه و سفر

ترة وناااسه والله وبتستانسين اكثر مما اتسوين عرس خالي

وانتي جوفي اشلون العرس العائلي بيسويه لج وبعدين احكمي

>>تجربتي

سويت حفله حنه بس لان زوجي ماكان يقدر يسويلي عرس مع ان كان خاطري بعرس..
وعزمت الكل و استانسوو وايد فالحنه والكل يمدح فيه

وكان في قاعه و سويت كوشه وكل شي

ولبست اللبس الاخضر و بعدها غيرت ملابسي ولبست اللبس الابيض عشان خاطري

والحمد الله والشكر لك يارب

الحين البس احسن اللبس و واغلاها
وكل ماجاته فلوس عدله شرالي اللي اتمناه ولو شنو كانت سعرها
وسيارة لي اخر موديل

انا عن نفسي مقتنعه بلي عندي
والعرس مو مهم
ولا السفر مهم

المهم راحتي بعد الزواج

فكري عدل ولا تستعيلين ولا تدخلين اهلج بالموضوع

والله يوفقج ويوفقنه

شكلك انتِ واهلك من النوع اللي يفكرون بكللام الناس وايد على حساب راحتكم
حبيبتي هذي كلها مظاهر فاضيه ، والناس بيتكلمون بيتكلمون ، لأن رضا الناس غاية لاتدرك
والله لو شتسوين ،،بعد فيه شي بيتم ناقص بعيونهم
والله ريلك عاقل ماشاءالله ووده تفرحون وتستانسون وتغيرون جو
عموما رضا زوجك أهم..
لكن ان كنتِ حابه تسوين عرس لاتحملينه فوق طاقته واتخلينه يتسلف وعقب ينغص عليك عيشتك لأنكم تبون تطلعون وتستانسون واهو ماعنده

صدقيني السفر بيقربكم من بعض..

عموما خير الامور الوسط..

لاتسمعين كلام الناس اللي تقول لك لازم سفر وعرس فخم وعفسه وتشرطي وخليه يسوي كل اللي تبينه ومشي كلامك عليه..

انتِ اللي بتحملين لين صرتوا في بيت بروحكم
اما الناس بيجون ساعتين والا ثلاث ومع السلامه وبعد بيتكلمون
المهم في كل الموضوع رضا ربك ثم زوجك
اخذي الامور ببساطه ،الدنيا ماتسوى

صدقيني محد بنافعك
والله يسعدك ويوفقك

اول شي مبروك على الملكة حبيبتي . ليش زعلانة ياحبيبتي الموضوع ما يستاهل كلش انتي تقدرين تسوين اللي في خاطرج و بنفس الوقت ما تكلفين على زوجج ولا تخسرون اكثر من اللازم سوي حفلة وعزمي اللي تبينه ولبسي الابيض عشان ما يصير في خاطرج عقب لانه هالفستان كل بنت تحلم تلبسه و بس موب شرط اتسوين عرس فخم و حاله واشياء مالها داعي وتبتدين حياتج بديون عشان ليلة انتي قعدي معاه وتفاهموا وإن شاء الله بتتفقون على كل شي والله يوفقج عزيزتي

والله ياقلبي الله يوفقك معاه بدايه ...

لكن هو من اول ما كان متفق معاكم فجاه قال ابي عائلي ؟؟ليش ؟

تقدرون تسوين حفله زواج في استراحه لكن كبيره نوعا ما وطبعا اعزمي فيها كل الي نفسك فيه ....... حلو
وتلبسين وتكشخين كنك في قاعه ..

او تأخذون فندق ..مثلا تسون فيه العرس ..
ارخص من قصر ..
وانا انصحك بالفندق ..اكشخ واحلاا وارخص .

واذا اهلك رافضين ..

خلاص قوليله الزواج اولا

والسفر ممكن يتأجل 6 اشهر او الصيف الجاي ..

ع حسب امكانيته ...

بس انا اتوقع ان شاء الله بليله الزفاف تجيه فلوس من الاقارب والاخوان ..
وكذا ليش مايسافر فيها ..
وياخذ قاعه مرتبه يرضيكي فيها ..؟

ممكن تاخذين وتعطين معاه وشوفي ليش رافض ؟؟ فكره الزواج الكبير ؟

والله يوفقك معاه هو اهم شئ الصراحه .............. :)

الله ييسر اموركم ويرزقكم من واسع فضله

اختي البنات ما قصرو ما شاء الله ..

واخذيها مني سوي العرس عائلي وفخم ومرتب واعزمي صاحباتك ... وروحي السفر .. انا سويت عرس بسيط وحلو .. وخليت كل شي للسفر الناس عمرها ما بترضى عنك في العرس وما بتاخذين غير النميمه ..

السفر لك انتي وزوجك.....

والله يتمم على خير

ام جنى

ما شاء الله البنات ما قصروا في ردودهم
الله يوفقك أختي ويحققلك إللي فيه الخير لك ولزوجك وحياتك
حبيبتي أهم شيء رضا زوجك وراحته الخير والبركة في القليل .
ربي يسعدك ويهنيك مع زوجك طول العمر .

انتي ما سويتي شي غلط
مافيها شي اذا سوا لج حفلة كبيرة
واذا المسألة مسألة فلوس خله الحين يسوي لج الحفلة وبعد كم شهر اذا صار عنده ميزانية سافرو
هاذي رايي الشخصي طبعاً

انتي واضح انج مب متفاهمه معاه في هنقطه اخذيه حبه حبه

قولي له فرحه عمري تبي تحرمني منها وازعل اهلي وذا ع السفر مو لازم بعد الزواج سوي الي براسك وخلي عرس احبابك واهلك وصديقاتك وبعدها كم شهر قولي له عن السفر وسافري

حياتى اعيشها مع زوجى بالطول والعرض وماضيع سفر معاه مشان معازيم

بصراحة لا تحاتين و لا شي
يعني صديقاتك صدقيني دامهم يحبونك ما راح يهمهم كون العرس عام او عائلي
و بصراحة انا اختي قال لها زوجها ما نقدر ع العرس الكبير لان المصاريف ما تكفي و بصير علينا ديون و و و
و بعدين سوت بصالة فخمة لكنها صالة صغيرة لكن تصلح للعرس و فخمة جدا و سعرها مناسب
هي بالأساس استراحة لكن فيه صالة جانبيه للعروس و الأفراح
و جاو صديقاتها و كان العرس مرة فله ووساعه صدر والكل مستانس و الكل رقص
و بعدين راحت سافرت في دولة خليجية 4 ايام و استانست و جات
والحين والله مستانسة بحياتها رجلها يصرف عليها و مو مقصر معها ولله الحمد

و حركة خطيبك يوم قال طيب بنام في خاطره ما يبغي يقول لك كلام يجرحك ابدا
هو عارف نفسه و واضح ان خطيبك عاقل بما إنك رضيتي فيه كـ زوج إقبلي باللي يقوله
او إذا تبغون عرس كبير ساعدوهم فيه دفعوا لهم مبلغ وقدره يعني عطوهم 100,000 ريال

يمكن تقولين لا ما اقدر او العرس على اهل المعرس بس هذا استطاعتهم و هذا اللي يقدرون عليه ما يجوز تجبرينه على شي ما يقدر عليه
إرضي بالواقع و كلام الناس ما عليك منه والله ياما حظرت عروس عائلية و الناس ما عليها من احد
بتخلين الناس تمشيك على كيف كيفهااا !!

مفروض تقولين أنا اللي امشي الناس على كيفي
لا تهمك المظاهر الدنيا رايحة و كلنا بتراب واحد <<< هههههههههه بتعكر مزاجك

بس والله جد الوضع اوك حمدي ربك حفلة و سفر احسن من ياخذك كذا و يقعدك في بيته

ما شاء الله البنات ما قصروا بنصايحهم...

بقولج تجربتي... أنا زواجي كان عائلي لكن بإختياري، أهلي كانوا يبون حفلة كبيرة بس أنا رفضت لأكثر من سبب... غير صرف الفلوس في أشياء ما لها داعي، قلت أريح بالي من التخطيط و المشاوير و الإستعداد و هم الحجوزات و التحضير من كوشة و طاولات و طقاقة وووووو... في هالفترة محتاجة بالي يكون رايق و مرتاح مو أكون متوترة و منفعلة و شي يضبط و شي ما يضبط!

و غير كذا ما عمري شفت عروس تستانس بعرسها! الحفلة الكبيرة بتكون للمعازيم و انتي بتقعدين ساعة و بتطلعين و ما انتي شايفة شي و لا راح تستانسين... إلا بالعكس بتكونين خايفة و متوترة و على أعصابج! فأنا اخترت زواجي عائلي عشان أنبسط مع أهلي و حبايبي... كنت جالسة معاهم طول الوقت و رقصت معاهم و تعشيت معاهم يعني عشت الليلة بطولها و أنا فرحانة بدون قلق...
و على فكرة أنا زواجي كان في بيت أهل زوجي، يعني مو صالة و لا إستراحة!

و بعد زواجنا سافرنا مو بس دولة وحدة! سافرنا 3 دول و انبسطنا و فليناها الحمد لله... أصلاً كان يكفيني رضا زوجي عني و أنا أشوفه مرتاح من هم الديون و تعب المصاريف... لكن بعد ما رجعنا أهلي سووا لي حفل استقبال كبير و عزمنا كل اللي ما قدرنا نعزمهم في الزواج و الكل جا و انبسطنا معاهم، يعني كان مثل حفل زواج ثاني...

انتي تكلمي معاه عن اللي في باله... في أي حدود يقدر يسوي لج حفل الزواج... يعني هل يقصد عائلي في بيت و لا عائلي في استراحة أو في صالة صغيرة و معازيم مقتصرين؟ شوفي انتي إمكانياته و لا تضغطين عليه... و تفاهموا مع بعض من غير زعل...

الله يسخركم لبعض و يوفقكم F:

اختي انا عارفه انج تبين تفرحين وجدييييييه بس لازم انتي تقدرين الفرحه والسعاده الزوجيه مو بكبر العرس ولا تهتمي بكلام الناس انتي اللي بتكملي معاه اقنعي وارضي بنصيبج ياما ناس تكلفوا بالعرس وسوا باكبر قاعه وصارت عليهم ديون وماقدروا يستمروا الزواج مو مظاهر ومثل ماقالوا البنات اسمعي كلامهم وانتي محتاجه بصراحه تتثقفين بامور الزواج وتقرين واييييد مواضيع ونصايح موجوده بالمنتدى اقري عنها لان حفله الزواج بس ليله المهم بعد الزواج كيف بتقدري تكملي وتتفاهمي معاه فيه امور اكبر من الفستان والطقطقه والناس مالهم الا الظاهر بس تحب تتكلم سويتي عرس فخم والا عادي ياكلون ويدمون ويعيبون على العروس خل تفكيرج اكبر من جديييييه مو محدود بامور سطحيه

اختي الله يهديج تبجين علمود حفلة وتالي عيونج تنفخ:-o
انتي الان لازم تكونين اخر رواقة وفرفشة
وتحسبين الساعات الى ان يجي اليوم الموعود
وتفرحين وتفرحين اهلج وناسج
عرس عائلي وكل الناس البيه فرحانين الج ويتمنولج الخير
افضل بمليون مرة من عرس فخم تشوفين البنات كل وحدة بوزهة شبر
اللي تصنف على العروسة
واللي تصنف على الفستان
واللي تاكل وتكول لا الاكل مكان طيب
وغيرؤ وغيرهة من الكلام اللي لايودي ولايجيب
وتبدون حياتكم توفون بالديون
بالعكس اصلا لا تكسرين بخاطرخطيبج
لا تبدون بخلافات على امور مو ضرورية
شوفي الفستان الابيض ولمة الاهل حلم كل فتاة
بس الصرف اكثر من اللازم مالة داعي
وبس انتي وزوجج راح تتحملون هم هالشي
صدكيني الاعراس الفخمة موضمانة السعادة
وحتة شهر العسل صدكيني
مو كل البنات راحو شهر عسل
واني من البنات مرحنة شهر عسل
مو اخر الدنية
نكدر في اي وقت يصير مجال
نسافر ان شاء الله
بس مو الة واحد يخلص كل فلوسة
ووراهة يشيل هموم
والزواج مصاريفة متخلص
لابس الحفلة ولا شهر العسل
ولا غيرة
مصاريف عمر كامل
اصلا طيبي خاطر زوجج
صدكيني الرجل طبعة كتوم ويحبس شعورة بداخل صدرة
حتة لو وجهة مينقري
خطية طيبي خاطرة لأن هوة راح يضل يشعر بذنب انو خلاج تنقهرين
انتو عرسان والحياة كدامكم
يارب تعيشوهة اب سعادة
الله عليج تبعثيلة مسج تطيبين خاطرة الله عليج
كوليلة انتة كنزي
وفرحة عمري اذا تستحين خلي هالكلام بعد الزفة
وعقبال الزفة وتبشرينة ونباركلج اختي
سلامي

انا ماسافرت لأنو قلي يا سفر يا افرشلك بيتك كامل وطنشت السفر وانا مقهوووووووووووووووووووووووووووووووووووووووووووووووووووووووووووره بس وداني اسبوع لدبي والله انقهرت وقعدت ابببببببببببببببببببببببببببببببببكي بس ايش اسوي خلاص طنشت وتصدقي عدت عليا احلى ايام اول ايام والحمدلله دخلت بيتي كامل والكل عاجبه لازم الوحده تراعي خاصه انو هو اللي قاعد يدفع وانا راعيت انو صارحني ولا انو يتسلف شوفي قوليلو تاخدو لو 4 ايام مثلا في شاليه او في فندق وخلاص ترا اهم شي تكوني معاه والسفر بيجيكم بعدين باذن الله

البنات ما قصروا كفو و وفو

نصيحتي ارضي بالحفلة العائلية والسفر احسن من تخسرين الاثنين

موفقة