عضوات منتدانا الغالي ،،
كنت اتصفح النت كالعادة ومريت على معلومة مهمة حبيت انقلها لكم
طبعا الكل عارف اساليب شحن الجوال (البطارية) لما تكون فاضية فطبيعي جدا انو راح نشبك جوالاتنا بالشاحن وطبعا الشاحن اكيد وقتها راح يكون بمكانين اثنين او بطريقتين اثنين لا ثالث لهما ابدا
لبطريقة الاولى انو في ناس بتشبك الشاحن مباشرة بفيش الكهرب الموجود على الجدار مثل هذا
طبعا فيش الكهرب هذا طبيعي انو بنشبك فيه شواحن الجوالات وطبيعي جدا انو راح نشحن جوالاتنا من خلاله وهذه طريقه عادية جدا والكل عارفها
ولكن الطريقة الثانية بشحن جوالاتنا فهي الاكثر خطورة لـ هلاك الجهاز وهلاك بطارية الجوال !!
طبعا راح تسألوني كيف ؟
بقولكم مثلا انا ابي اشحن جوالي ولكن فيش الكهرب الموجود على الجدار بعيد عني !!
طيب انا ايش اسوي ؟
طيب انا بامكاني اروح واشبك الشاحن واشبك جوالي بالشاحن واخليه يشحن
طيب انا ابي استخدم الجوال وهو يشحن !!
او منتظر مكالمة مهمة !!
او مثلا مابي احط الجوال بعيد عن عيوني مثلا لوجود اطفال في البيت واللقافة دايما عنوانهم !!
فالحل الوحيد راح يكون اني اجيب توصيلة خارجية ، والتوصيلة هذه اكيد كلكم عارفينها وهي من هذه النوعية
طيب الحين كلكم مستغربين ايش الموضوع بالضبط ؟ ؟ ؟
الموضوع ياحبايبي انو انا ولله الحمد طبعا شغال بشركة بأحدى ضمانات اجهزة الجوال وقبل ثلاثة ايام بوقت البريك جلست مع صديقي اللي عقله كلو كومبيوتر بيقولي :
ان اهم سبب لهلاك بطاريات الجوالات هو الدفعة الكهربائية المفاجئة عبر الشاحن ،،،
قلتلو كيف يعني ؟
قالي : لما تشبك الشاحن بالفيش الجداري فهذا عادي وقت وجود الكهرباء ولكن لما كهربة المنزل تكون طافية فالافضل انك تفصل الجوال عن الشاحن قبل ماتشغل الكهربة !!!
وايضا بتوصيلات الكهربة اللي وريتكم اياها فوق بانو مايصير تشبكو الجوال بالشاحن وبعدين تروحو تشغلو الكهربة !!
اعتقد الحين وضحتلكم الصورة ،،،
لانو لما تشبكو الشاحن بالفيش او حتى بالتوصيلة وبعدين تشبكو الجوال وبعدين آآآآآآآخر شي تجو وتشغلو الكهربة فهذه مصيبة جدا بحق الجوال وبطاريته !!
لانو الكهربة راح تجي مندفعة بقوة كبيرة جدا صوب التوصيلة ثم الشاحن ثم الجوال !!
والطريقة المثالية هي :
اولا شغلو الكهربة وبعدين اشبكو الشاحن وبعدين اشبكو الجوال بالشاحن وهذه هي الطريقة السليمة والسلمية للجوال ،،:thumbs_up:
تخيلو البيت كله بيكون الفولت عالي جدا بالكهربة وتخيلو بس الفولت التافه والصغير ببطارية الجوال !!
لا مقارنة بتاتا مابينهم ،،،
ولاتنسو ولاتنسو ولاتنسو
لو يوم احد فيكم طفيت الكهربة في بيته لا سمح الله افصلو كل شي موجود بالفيش كمثال للجوالات من شواحنها ، والكومبيوترات من توصيلات الجدار وحتى التلفزيون لابد من فصل الفيش من الجدار
لانو الكهربة لما تشتغل بتشتغل بشكل كبير وبدفعة قوية جدا صوب افياش وتوصيلات الكهربة !!