قررت اتخلص من شغالتي

السلام عليكم ورحمة الله وبركاته


بنات اكيد تتذكرون قصتي و اللي نستها او ما تعرفها الحمدلله مشاكلي انتهت وربي فتح علي انا وزوجي وعيالي وصرنا نفهم بعض ونتحمل بعض




الحمدلله اليوم ما عندي مشكلة بس جيت اكتب لكم قرار اتخذته بعد مشكلة صارت وانتوا انصحوني




طبعا الحمدلله انعم علي بولد بعد ولدي الكبير واحد عمره سنتين والثاني عمره 5 شهور

وعايشة في شقة قريب جدا من بيت امي واداوم من الساعة 8ونص الى 2ونص وعندي شغالة ولدي الكبير في الحضانة والصغير عند خالتي



الشغالة جبتها من وحدة صديقتي قالت لي ان هي جاية بكفالة واحد من ابوظبي وعندها بطاقة عمل كخادمة بس هو ما شغلها عنده اشتغلت عندها هي بحكم المعرفة وكل ما احتاجو اه في شي يتصلون فيه ويجي وهي مو محتاجة لها فعطتني شغالتها ....قلت زين بس اتصلوا فيه واستأذنوا منه ...قالت لي موافق ...زوجي قالي لي اذا هو ما شغلها عنده خل ينقل كفالتها علينا ....اسلم واصح قانونيا ....قلت زين اتصلت في صديقتي قالت لي خلاص كلميها تجيب جوازها وتكلم الرجال عشان اذا ما عنده مانع ....وبعدها اتصلت فيني قالت لي ان هو مسافر استراليا شهرين ...وهي بعد بتسافر ...المهم سافرت واعطتني رقم قالت لي هذا رقم زوجة الرجال اذا صار شي هي تتواصل معانا ...وهالايام في دبي والامارات عموما كله يفتشون ويمسكون الشغالات ...فانا كنت كل يوم اتصل برقم زوجة الكفيل ما ترد ولا من تلفون المكتب صار لي على هالموضوع اكثر من شهر



اليوم رايحة لولدي الكبير موعد في المستشفى واخذت البشكارة معاي لان ما اقدر على الاثنين بروحي وزوجي عنده شغل مهم ...المهم رحنا ورجعنا نزلت عيالي عند خالتي ونزلت البشكارة عند البيت وطفت بعد شوي اتصلت فيني قالت لي نست موبايلها الثاني ...قمت قلت لها خلاص بعدين اجيبه ...قلبي قالي جربي الرقم من موبايلها ..رنة ورنتين على طول ردت اتاريها وحدة اثيوبية مثلها اول ما قلت السلام عليكم على طول سكرت في وجهي ...
يعني كانت تقص على


فتحت الصور ولا احصلها تلبس ثيابي وتتصور صور .... في غرفتي تختار الاماكن الحلوة في البيت (تنزل ملابسها) وتتصور
حسبي الله ونعم الوكيل فيها ...قلت خلاص بكل هدوء برجع البيت واطلب منها تاخذ اغراضها وتتطلع بس بفتش موبايلها الثاني بالاول