كتبت لكم .. و أرجو الفائدة من الجميع..

عندي لكم مشكلة وابا لها حل .. واتمنى تقرأون وتردون علي خلال اقرب وقت ممكن..

حبيباتي انا شعري من النوع الكيرلي مجعد شوي مو كثير .. بس خصلاته ناعمه و كثيف

المهم قبل سنتين سويت كيراتين .. و كان حلو كثير بس صارت لي ظروف واضظريت اقص شعري..

لان شافتني وحده و حسدتني..(العين حق).. عموما انا صرت استخدم حمامات زيت وكده..

ومن سنتين للان .. تقريبا سويت مرتين او ثلاث مرات تمليس مش فاكرة..

وشعري كل مرة ينشف اكثر.. يتساقط اكثر ..يتجعد اكثر.. يتقصف اكثر ..

لدرجة ان اخر مرة عملت فيها تمليس من 3 شهور ..

وللاسف كانت نوعيه رخيصه جدا.. وكرهت نفسي بعدها..

مريت بفتره صعبه جدا جدا جدا .. قشرة.. دهونه زاايده..حبوب في فروة الراس..
تساقط شعر فظيييييع .. والتجعد زاد زاد زاد اكثر..وصار شعري مثل البلاستيك ..

متشابك حول نفسه .. ويوم اغسله والله اعاني وابكي .. لانه يتشابك كثير ويصعب غسله..

يعني لما يجي عليه الماء خلاص اصير ما اقدر اتحكم فيه .. لانه يتشابك.. وبعد ما انشفه

يصعب علي تمشيطه والتجاعيد كثرت وصار شعري تالف بمعنى الكلمه..

انا كتبت هلكلام مخصوص ليكي يا حبيبتي ..
و اي حل او كريم تقولين لي عنه بليز تخبريني من وين اشتريه ..

و كلامي موجه لاي وحده تقرا كلامي هذا ارجوكم فيدوني..

انا حلوة و بيضاء و جسمي زين الحمد لله بس المشكله شعري صاير كثير تالف ..

والله قبل 3 سنين كنت بس لو احط حمام زيت عليه يصير مثل الحرير ..

والحين ما صار شي يفيد فيه .. لانه تااالف ..

اسفه على الاطاله..