انا كنت اهملت فى شعرى فتره عشان ماكنش عاندى اى وقت و كنت زعلانه اوى عليه و عاوزه اروح لدكتوره امراض جلديه عشانو لانو كان حلو و تقيل و كيرلى شويه لكن كان صحى و مع الاهمال بقى خفيف و ماكنتش عارفه اعمل ايه :'(
لما دخلت المنتدى لفت نظرى انكو ماشاء الله بتهتموا بشعركوا و شجعتونى انى اهتم فيه
و انقذتونى من مقلب حنه الفرد المغربى الى كنت هروح اعملو و تراجعت بعد كلامكوا عنها :worn_out:
دلوقتى زواجى فاضل عليه شهور و لازم اكثف الاهتمام بيه
بطلت الشامبوهات العاديه لانها اضرت شعرى جداا و استعملت شامبو طبى
لما اتشجعت جربت وصفه قرتها هنا فى المنتدى عباره عن مايونيز + عسل + زبادى + زبده
و فعلا لقيت اختلاف فى شعرى و اتحسن عليها و قولت بقى اشترى شويه زيوت طبيعيه و منتجات شكرتو فيها
1- زيت الجدايل من عبد الصمد القرشى النوع المقوى للشعر
2- زيت تراشوب
3- مخرمية بنت الخليج
4- زيوت طبيعية : زيت زيتون - جنين القمح - لوز حلو - لوز مر
بطلب بقى مساعده من خبيرات الشعر هنا فى المنتدى يقولولى على جدول عناية لشعرى حلو و استعمل الزيوت الى جبتها دى ازاى و كام مره فى الاسبوع و حمام زيت استعمل فيه انهى منهم و اخلطها و لا لا ؟؟ و ربنا يجزايكو كل خير و ده اول موضوع ليا يارب ماتكسفونى