شنو الحل مع نزول الدورة الشهرية اكثر من مرة بالشهر

السلام عليكم ورحمة الله وبركاته

خواتي نفسيتي تعبانة جدا من يوم ولدت وانا بدوامة مع الدورة

تعبت نفسيا منها :'(

اول ماولدت مارضعت ولا استخدمت مانع وتاخرت علي 3 شهور

رحت للدكتورة قالت اخذي حبوب منع الحمل تنظمها الج وتنزلها

وياريتني ماسمعت كلامها اخذت الحبوب شهرين وبهالشهرين الدورة صارت تنزل كل 10 ايام:(

والحين الدورة الاخيره قلت اوقفهم للحبوب لان فوق اثارهم الجانبيه الدورة لا انتظمت ولا شي

المهم اليوم تفاجئت بنزول الدورة مره ثانية وانا ماصارلي 5 ايام فقط مخلصة منها

شسوي خواتي الله يخليكم حجزت موعد بعد اسبوع عند الدكتورة بس عارفة ماراح تسويلي شي

لان اليوم من كلمتها قالتلي مااقدر اسويلج شي هذي لخبطة هرمونات بس انزين لمتى اظل بهالوضعية اريد شي يوقف الدورة حتى لو ماتتنظم