ياااااا بنات النجدة

سلام يا عروسات

اليوم طالبتكم و لااااازم تساعدوني... احس زوجي خلاص راح يطلقني

يا بنات انا عرضت موضوع سابق استشيركم بتنظيم وقتي و خصوصا اني اشتغل للساعة 5 و عندي بيبي و عندي شقة بروحي من غير خدامة

و انا و زوجي احس صار فراغ بينا و وقتنا كله للطفل و من نرجع من الدوام خلاص كأنه رجعنا لشغل جديد

المشكله اكبررررررر من جذي الصبح الياهل عند خالة زوجي لانه امي تشتغل و ام زوجي مريضة...
امي هذا اول حفيد لها ما انكر انها تحبه وااااايد بس مالها مزاجه يعني تحب تلعبه و تقعد معاه مو اكثر من ساعة و اذا وقت اكثر تفضل انه تكون اختي معاها و اختي وراها مدرسة و واجبات و امتحانات يعني ماشالله على وليدي حركي شوي و يبي له شيل و حط و بسرعة يمل و يصيح

خالة زوجي الله يجزاها خييييييير شايلته بعيونها و تاركه كل شي وراها مع انها مرة كبيرة و ام لسبعة بس الله يشهد معتبرته واحد من اولادها

انا مو صاير لي وقت مع زوجي نهائيا من بعد ما نرجع للدوام نشتغل على موضوعه و فوق هذا امي تبي نوديه لها تشوفه و تبهدلنا بالاتصالات و تبي تعرف كل شي قاعدين نسويه و الله ما ودي ازعلها نضغط على عمرنا و نوديه و هالشي بعد يضيع وقتنا وايد

و قلت يلا اخصص لي يوم واحد بالسبوع يكون لريلي و تكون امي فيه فاضية.. عاد اول اسبوع امي يودته بهاليوم و بعدين كل اسبوع عذر بالمختصر المفيد تستثقل تيوده

و بصراحة زوجي وايد يكلمني على تقصيري بوايد اشياء من ناحيته بغض النظر على قصوري في اشياء ثانية من ترتيب و تنظيف و اهتمام بنفسي و روحه الصالون

يعني هو ما يحب يذكر الاشياء الثانية عشان عارف وضعنا او يمكن متغاضي عنها بس يبي يكون له اهتمام من دلع و هالسوالف

و انا ساكنة قريب لبيتنا عشان يعاونوني و يساعدوني و الحين مو مستفيدة شي و صرنا على طول نتهاوش انا و زوجي و صوتنا للشارع.. يبي حقوقه الريال يقول كأنه احنا مقطوعين من شجرة لا اهلي و لا اهلج و خالتي ما يصير نوديه لها بعد فليل

و حاسة زواجي في انهيار و لما اكلم امي عن انه محتاجتها تساعدني شوي و عندي مشاكل مع زوجي تقعد تسب و تسب و تسب في زوجي ليما اتضايق و اصيح .. و هو حده طيب معاها و لا عمره ضايقها و لا رفض ليها طلب بس طبع بيتنا انه ولا شي يبين بعينهم:badly:




ارجوووووووووووكم ساعدوني شنووو الحل

شسوي تعبت نفسيا:'(:'(