كلام زوجي الجارح

السلام عليكم و رحمة الله و بركاته بخصوص كلام زوجك الجارح أنصحك أختي بمصارحة زوجك بأنك تتضايقين من تصرفه معك و بأن يحاول أن ينسى ضغوطاته الخارجية داخل المنزل للحفاظ على إستقرار العائلة

الله يعينك

مشكورة خواتي على الرد،الله يهديه ما يعطيني فرصة علشان اخبره ان كلامه جارح  يسكر باب الغرفه عليه وانا ما اقدر اطالع بويه احس صار حاجز بيني وبينه انا خايفة ان نفقد بعض بهالشكل.

يختي ..اقري على نفسك..وشغلي القران ببيتك..
انا كذا انا وزوجي كنا مانطيق بعض..وإذا تكلمنا سبينا بعض..مع انه اخذني عن حب..
ويسمعني كلاااام زي السم..جارح بقوووة..
سويت 3 أشياء
واضبت على قراءة سورة البقره يومياً..والإستماع للرقية الشرعية..
كمان اخذ حقي..منه أول بأول ..مابين له ضعفي..يجرحني بكلمة أجرحه بكلمة..لأن بصراحه راح يحسب حساب اي كلمة يطلعها لو بتردي عليه بكلااام جارح
ولا تحطي ببالك ان يكرهك..قولي في بالك إذا يكرهني راح أخلية يحبني..
وكمان لا تبينين انك متاثره مرره من كلامه
وإذا جاك أرظية عاطفياً..وزوجياً..
صارت حياتنا احسن من أول بكثير..فيها مشاكل بس من غير جرح..مشاكل عابره تنتهي بسرعه ..كله بفضل قراءة القران والإستغفار
وبس والله يهدي بالك..ويصلح حال زوجك اللهم أمين..

مشكورة اختي وايد 

مدام هو مايحب تكلمينه ويه لويه اكتبي له اللي مضايقج بورقه وحطيه في ظرف وخليه فوق التسريحه او دزي له مسج على جواله الزمي الاستغفار وصلاه الليل وعليج بالصدقه وقراءه سوره البقره ايما بيت قرت فيه هالسوره لا تدخله
شياطين

ياعوومري انتي وربي حاسه فيك ..الله يعينك ويصبرك
بس مثل ماقالت الأخت حصني نفسك وبيتك واكثري من الدعاء
وأسأل الله لي ولك ولجميع المسلمات ان يسخر لنا أزواجنا

اختي كثفي الدعاء اول شي
ثانيا استعطفيه خليه يحزن عليك انتبهي انتبهي ثم انتبهي تحطي راسك براسه الرجال ما يحبوا المرأه القوية طبعا ما أقصد انك تذلي نفسك
لا بس ادي واجباتك على اكمل وجه اذا جرحك اسكتي واحتسبيها عند الله ولا تجلسي معاه كثير علشان تبيني له انك متضايقه وشوفي وقت يكون مروق اتركي له رسالة طلعي فيها كل اللي بقلبك وبيني له انك تحبيه ومو حابه تخسريه وذكريه بالايام الحلوه
الله يوفقك حبيبتي

عادي الريايل كلهم جي يصارخون وحالتهم حاله بس البنت المسكينه الي نفسج الي تقول لاء عيالي بيتي مابرد

مثل مايصارخ عليج صارخي عليه خليه يتادب ولا انتي تبلعينه وساكته وهو يطلع مرايله عليج

الغلط منج لانج سمحتي له من اول مره يغلط

وقفيه عند حده احسن

ولو الطلعه عادتن فيها صراخ تجنبي تطلعين معاه

انا اول خطيبي كان فيه من هلخصلات

بس الحين صار يقولي انا لو ابي اقول كلام جارح او انتقاد ابلعه فقلبي ماقوله لانج اخا ف تزعلين

تصوري شلون ؟!؟!

من الأساس هو ليه عصب , هل شاف شئ ما عجبه ؟ وبالنسبه لعصبيته , حينما يعصب

اسكتي عنه تماما , ولا ترادديه , حتى يهدأ , اذا كان سبب العصبية خطأك انتي فهنا بالتأكيد

ستسكتين :D قد يكون اهمالك اسمحي لي على جرأتي بعض الرجال كماليين اما اذا لم

يكن خطأك , بعد أن يهدأ صارحيه وبروية فلان يعني لا تعصب علي مره ثانية , فإذا عصب

عليك مرة اخرى , اسكتي عنه , اهم ما في الموضوع أن لا ترادديه وذلك لأنه من النوع

العصبي الذي يحتاج الى صبر وفن , حاولي دائما أن تبتعدي عن الأمور التي تجلب له العصبية

مشكورات خواتي على الردود الحلوة فديتكم كلكم،انا بطبعي اهرب من المشاكل ما اطيقها ابدا بس ريلي الله يهديه يحب المشاكل انا ما اعرف شو اسوي؟؟؟؟؟انا اللحين اكلامه بشكل رسمي جدا دوم ما عيالي ما احب اقعد معاه في غرفه وحده اذا يبا شي يطلب من البشكارة انا مطنشته وايد لانه كلامه ان واييييييييد جارح ،هل اللي اسويه صح او خطأ خبروني خواتي؟؟؟؟؟؟

وينكم خواتي ؟؟؟

الغاليه الاخوات ما قصرو....

بس ياليت يااختي .. تحاولين انك تتواصلين معاه .. وتقعدين معاه .. وتفهمينه ... بهدوء وتطلبين منه انك تقعدين معاه تتناقشين.. زمن الصراخ وانا الريال وانتي الحرمه راح وولى ... كل شي بالتفاهم... حتى الرسول عليه الصلاه والسلام يعامل حريمه احسن معامله ..

وريايل العازه ما يحترمون ليش ؟

تقعدين معاه وتقولين له ... انت ولد ناس وانا بنت ناس ... وانا احترمك واحبك ,,, وا تمنى انك نفس الشي ... لو عندنا مشكله او شي .. اتمنى ما تصارخ علي مثل اليهال جدام عيالي والخدم وكأن ما عندي شخصيه.. ولو في شي غلط اتي وتعلمني وين الغلط عشان لو عندي مبرر اقولك ,, ولو غلطانه اعتذر لك

لكن انك تصارخ وتزعل وانا مثل الاطرش في الزفه ماعرف شسالفه هالشي مارضاه لا لك ولا لي....واذا انت عاجب جو الزعل والمشاكل .. اسمح لي اني بالطريقه هذي ما بقدر اتواصل معاك.. وبتكون علاقتنا جدا بعيده عن بعض ... ولا تتوقع ان في زواج ينجح بالطريقه هذي...
اما انج تخلينه ومطنشته وياخذ حاجته من الخدم.. ماهو الحل..

لازم تقعدين معاه... واخر شي .. حطي بباله أن لو ما يبي يتفاهم معاج انتي راح تضطرين تخلين احد يدخل ويصلح ما بينكم .... واعتقد عندكم بعد مكتب الاستشارات الزوجيه ما يمنع انكم تراجعونه وتحلون مشاكلكم .. طبعا هالخطوه تكون من بعد انج ما نفذت جميع الحلول منج

تحياتي
ام جنى

مشكورة وايد اختي  على المشورة المفيدة 

الله يخليكم لبعض اختي ....
والله كل البيوت تصير فيها نفس الي صاير معك ..هذا شئ طبييعي ..
لكن قدره الوحده منا هي الي تتغير من وحده لوحده ..
فيه ناس مثلك ..تشتري راسها وتسكت ..
وفيه ناس لاءء ترد الصاع صاعين له ..
وفيه ناس طوالي على بيت اهاليهم ...
وانتي حبيبتي ........
الي بينكم حب واطفـــــــــال وايام حلوه ..
يعني كل هالايام ياقلبي كفيله انك تكونين وصلتي لمرحله انك فاهمه زوجك كفايه ..وايش الي يزعجه ويطفشه منك ومن البيت ........
انا اقـول لازم تحتوينه ..اكثر
وتفهمين الاوقات الي يصرخ فيها ..وتستغليها لصالحك ..
اعملي له قهوه واشياء يحبها سويت وكذا ..
وحطيها قبل ..له
او اعزميه ع مطعم حلو هادي بدون اطفالك ..
وسولفي معاه عن ذكرياتك الحلووووه والايام الحلوه والخطوبه ..
ابدا لا تجيبي طاري المشاكل ابدااااا
واذا عندك فيدو فالبيت شغليه له اشرطه زمان وشهر العسل ...:)
يعني اشغلي قلبه وعقله
البسي له اكشخي له جيبي له هديه ...
تذكري التواريخ الحلوه بينكم
اعزميه ع البحر :)
ونصيحه لا تصـــــــــــارحيه بانه يصرخ عليكي وكذا ..
وعلى مشاكلك معاه
بس قولي الاشياء الحلوووه بينكم ودايما ابتسمي له ...
حتى لو عصب وصررخ ..
تقدرين تردين عليه با ابتسامه فقط ..
يعني حاولي فيه ..يتعدل :)
وربي يوفقك يارب معاه .............

اختي كادي ... مع احترامي .. وتقديري لردك ..
اسمح لي اصحح لك هالمعلومه..
مو كل بيت زوجيه يحدث فيه ما يحدث مع الاخت

وان كان لا يحدث امام الاطفال هناك الكثير من الازواج الذين يحرصون على ان لا ينقلو مشاكلهم امام الاطفال
ولا يهينو زوجاتهم امام الخدم ,واطفالهم ولا يقللو من احترامها ..
هناك الكثير من الازواج حين يزعل او يتضايق لا يصرخ وانما يكتفي بنبره شديده وحازمه ... بعيدا عن الصراخ والتجريح
ليس كل بيت يوجد فيه شخص مثل هذا الزوج...

ولو كان زوجي يعاملني بالطريقه هذي كنت تركت له الجمل بما حمل..... وخليه يعيش ويعتمد على نفسه ليعرف ان الله حق..

تحياتي

ام جنى

يا اختي الكريمة يمكن تكوني فعلتي شيء من دون قصد و ازعجه و تصرفاته تدل على ردة فعل فأنصحك بأن تجلسي معاه و تبدأي بالموضوع مثلا تقولي هل فعلت شيء ازعجك و هكذا و انشاءالله يفضفض يلي بقلبه و تحملي يلي رح يقولو و لو ما عجبك و اعتذري بتكسبي بيتك و زوجك اعلم انها بداية صعبة و لكن ان لم تفعلي هكذا فستبقين كما انت و اختي المراة ما لها الا زوجها انصحك بتذكر كل اللحظات الحلوة يلي كانت بينكم لكي يلين قلبك لأنو سبحان الله الانسان بس ينجرح بيتذكر كل الاساءات و ينسى الاشياء الحلوة و لو كانت اكتر من الاشياء البشعة و ادعو لك بالتوفيق و لا تنسي تطمنينا

مشكورات خواتي جدا على مشورتكم   ادعولي الله يسخر زوجي لي امين ولكل وحدة تعبانه مع زرجها