السلام عليكم ورحمة الله وبركاته
كيف حال العرايس الحلوات ؟ ان شاءالله الكل بخير يا رب
:049:
الله يقوم الحوامل بالسلامة ويرزق المحرومين الذرية الصالحة ..
:086:
اليوم حبيت انزل لكم قصة ولادتي اللي جت فجأة
بسم الله ابدأ
قبل اسبوعين تقريباً كان عندي عزيمة لأهل زوجي وكنت ناوية أأجلها شوي
بس قلت : يا بنت ماحدك الله اذا ثقلتي ودخلتي التاسع تحطين العزيمة ..!!
حطيها الحين وارتاحي :057: .. وكنت بأول اسبوع من الثامن .. وشاء الله وحطيت العزيمة
وتعبت تعب فضيع .. بس الحمدلله عدت على خير .. وكان بيوم اربعاء .. :060:
جاء الاسبوع اللي بعده وطلعت للسوق يوم الجمعه بالليل وخلصت اغراض المولود الحمدلله
وطبعاً كان تعب مررررة المشي بالسوق .. والتجهيز .. :064:
وبيوم الاحد كان زوجي مسوي عزيمة لأصدقاءه في بيتنا .. :073:
( مادري وش الكرم والسنع اللي نزل فجأه ) ههههههه :041:.. وكنت بوقتها دخلت الاسبوع الثاني من
الشهر الثامن .. وطبعاً تعبت تعب فضيع لأني كنت في بيتي لحالي اشتغل .. :060:
جاء يوم الاربعاء .. وكان فيه اجتماع العائلة الاسبوعي .. وكنت حاطة في بالي اني اغسل ملابس
وارتب البيت وانظف .. كان زوجي مشغول من الصباح وما راح اسوي غداء .. قلت فرصة احط لي
انا وولدي اي اكلة خفيفة وابدأ الشغل .. :042:
فجأه سبحان الله جاني خمول فضيع في جسمي .. وآلام شديدة في ظهري .. مع اني كنت اعاني من
هالشيئين من آخر الشهر السابع .. وكنت مهملة الموضوع .. وعادي الوضع عندي .. !!
ايوه اقولكم وبيوم الاربعاء الظهر قريب من العصر شلت غداي انا وولدي وبديت ارتب المطبخ ..
وبروح اكمل شغل البيت ما قدرت أبداً .. خمووول وكسل .. ابي بس انآآآآم .. :019:
رحت دورة المياه ( تكرمون ) واشوف دم نزل سبحان الله كأنها الدورة الشهرية .. انا خفت بصراحه
هو كان ينزل معي دم بس خفيف مررررة واستعملت ادوية تثبيت ومشى الحال .. هالمرة لأ .. الشي
غريب .. وبزيادة .. !! :023:
سويت بحث في قوقل عن علامات الولادة المبكرة في الشهر الثامن وسبحان الله كل اللي مكتوب
حصل معي :020: .. وكانت مراجعتي الشهرية باقي لها اسبوع :071: .. قلت : يا بنت وش الي حدك تنتظرين
الاسبوع الجاي وتروحين للمراجعه .. يمكن هالأمر خطير .. توكلي على الله وروحي شوفي وش
السالفة :095:.. بما ان زوجي كان مشغول هذاك اليوم من الفجر .. قلت ما فيه الا أخوي اتصل عليه
ويجي يوديني ويخلي ولدي معه بالسياره ..
اتصلت وقلت له تجي الحين بروح المستشفى عندي مراجعه ضرورية .. وابيك تخلي علي معك
بالسياره .. وصلنا المستشفى .. دخلت على قسم النساء والولادة .. وعلمتهم بالوضع .. قالت
الممرضة : لازم بطاقة العائلة .. صوريها وتعالي وبعدها نشوف وش وضعك .. !! :031:
انا هنا قرصني قلبي ههههههههه .. وطلعت لأخوي بالسياره ورحت لبيتي اجيب البطاقة واصورها ..
رجعت للمستشفى .. عطيتهم الصورة ودخلوني غرفة الكشف .. وجت الدكتورة وكشفت .. قالت :
هذي حالة ولادة مبكرة .. الرحم مفتوح 2 سم ... !!!! :092: بديت اقلق واحاتي ولدي وهو مع اخوي بالسياره
اتصلت على بيت أهلي ما يردون .. اتصل على جوالاتهم ما يردون .. ووقتها أذن المغرب .. جلست
اصيح :024: قلت : الحين اخوي بيروح المسجد وين بيحط ولدي وبيت اهلي فاضي اللي نايم واللي طالع ... !!!
دقيت على زوجي قلت تجي الحين وتترك شغلك الولد مادري وين اوديه وانا المستشفى رافضين خروجي
لأني على وشك ولادة .. ترك كل شي بيدة وجاء .. طبعاً كان مشواره من ساعه الى ساعه وزيادة ..
وطوووول هالوقت وانا قلقانه على علي .. وآخر شي اتصل على بيت اهلي ويرد ولدي والحمدلله كانت
فيه أمي .. وجلست معه بالبيت .. وطبعاً ما كانت تدري عن موضوعي بالمستشفى ..
جاء آخر الليل وانا ما عندي نية ارجع آخذ ولدي من اهلي وارجع لبيتي .. وبنفس الوقت كانوا اهل زوجي
يتصلون على جوالي بيشوفون ليش ما حضرت الاجتماع وما رديت على أحد .. كنت تعبانة ومقفلة مالي
خلق شي :011:.. اتصلت أمي .. وعلمتها بالسالفه .. راحت اتصلت على أختي قالت تجين الحين تقعدين عند
العيال في البيت وانا ابروح المستشفى السالفه كذا و كذا .. وجت اختي الحمدلله .. وجت امي للمستشفى
وارتحت شوي و خف القلق عني .. والحين صرت افكر بس بوضعي بالمستشفى .. اتصلت على زوجي
وقلت له يشيل كل ملابس ولدي الي بالبيت يوديها لبيت أهلي لأني احتمال اجلس بالمستشفى .. وانا ما
جهزت اغراض ولادتي ولا شي :023:.. وجاء صباح يوم الخميس .. وجت الدكتورة كشفت علي .. قالت :
لسى 3 سم .. وما نحب نستعجل على الولادة .. ولازم نطلب للطفل حاضنة او نسوي تحويل لمستشفى
ثاني .. وقالوا لي .. كل ما جلس الجنين في بطنك وقت زيادة يكون افضل ..
توكلت على الله وصبرت .. وطول هالوقت وهم بس مغذيات رايحة جايه .. وجهاز تخطيط نبض الجنين .. :098:
وجاء يوم الخميس المغرب ويكشف الدكتور وقال : لسى 6 سم .. حاولي تصبرين اسبوع .... !!! :039:
انا خربت اخلاقي ههههههههه خير ان شاءالله اصبر اسبوع على هالاوجاع .. احر ما عندي ابرد ما
ما عندك ..!! ووقتها عرفت انه ما عنده ما عند جدتي :031: .. وصبرت وتحملت الى آخر الليل بيوم الخميس
تقريباً الساعه 12 .. وجت الدكتورة وكشفت قالت : 7 سم .. واحمد الله قلت هانت ما بقى شي ..
ويبدأ الألم طوووول الليل يروح ويرجع .. ( الي يسمونه طلق بارد ) .. وكل طلقه والثانية بينهم
سواليف بي بي ههههه وغفوات نوم .. لأن اذا برد علي الطلق سبحان الله ما أحس بشئ نهائي .. !!! :010:
واذا نمت صحيت من الألم مرة ثانية .. وتجي الساعه 2.30 آخر الليل بيوم الخميس .. ويبدأ الجد ..
وكشفت الدكتورة قالت : 8 سم .. حمدت الله وشكرته .. جلست اتألم وحالتي حالة .. واحاول اذكر ربي
وأدعيه وامسح على بطني .. يعني سويت كل اللي تذكرته من نصائح .. وكانت فيه وحده قبلي ولدت
ماشاءالله وسمعت صياح ولدها .. وجلست اصيح :035: .. قلت : يا رب مثل ما رحمت هالمره وولدت
بالسلامة .. يارب ارحمني وريحني بأقرب وقت .. قهروني الدكاترة بكلمة اصبري .. وانت يا رب اعلم
بحالي .. ان كان في ولادتي خير فعجلها لي .. وان كان بها شر فأجلها لي :032:.. ويااااااارب لك الحمد
شد علي الطلق .. واجتهدت هههههههه وكشفت علي الدكتورة .. وقالت : يالله على غرفة الولادة ..
بوقتها فرحت .. دقت ساعة الصفر ههههههههه :058: << ان شاءالله صح علي .. :037:
والحمدلله .. والشكر لله .. ولدت بنوتة .. وحطوها بحضانتهم بالمستشفى ما احتاجت تحويل لأنهم
حصلوا وحده فاضية .. وعروستي يبي لها اسبوعين تقريباً لحد ما تكمل الثامن
ويطلعونها لي .. يارب ردها لي بالسلامة واحفظها من كل شر .. :032:
.. وكانت فرحتي و راحتي الساعه 5,14 فجر يوم الجمعه .. :072:
وكانت أمي عندي وهالشئ اعطاني قوة ارادة وصبر .. الله يجزاها خير ويقدرني ارد لها لو بعض
جميلها .. وربي يخليها لي ويطول بعمرها على الطاعه :009: .. ويصلح لي ولدي و بنتي ويرزقني برهم
ويحفظهم من كل شر .. ويرزق المحرومين الذرية الصالحة اللهم آآآآآآمين .. :032:
وهذي قصة ولادتي .. اتمنى انها اعجبتكم .. واستفدتوا منها خاصة في سالفة الألم المفاجئ والدم ..
لا تهملون مثل هالأمور حتى لو كنتي بعيدة عن ميعاد الولادة .. لأنك ما تعرفين متى ربي كاتب تولدين ..
وهل تكملين التاسع او لأ .. :034:
شكراً لكم على اعطاء موضوعي بعض من وقتكم لقراءته ..
دمتم في رعاية الله .. والسلام ختام ..
:029: :065: :083:
كيف حال العرايس الحلوات ؟ ان شاءالله الكل بخير يا رب
:049:
الله يقوم الحوامل بالسلامة ويرزق المحرومين الذرية الصالحة ..
:086:
اليوم حبيت انزل لكم قصة ولادتي اللي جت فجأة
بسم الله ابدأ
قبل اسبوعين تقريباً كان عندي عزيمة لأهل زوجي وكنت ناوية أأجلها شوي
بس قلت : يا بنت ماحدك الله اذا ثقلتي ودخلتي التاسع تحطين العزيمة ..!!
حطيها الحين وارتاحي :057: .. وكنت بأول اسبوع من الثامن .. وشاء الله وحطيت العزيمة
وتعبت تعب فضيع .. بس الحمدلله عدت على خير .. وكان بيوم اربعاء .. :060:
جاء الاسبوع اللي بعده وطلعت للسوق يوم الجمعه بالليل وخلصت اغراض المولود الحمدلله
وطبعاً كان تعب مررررة المشي بالسوق .. والتجهيز .. :064:
وبيوم الاحد كان زوجي مسوي عزيمة لأصدقاءه في بيتنا .. :073:
( مادري وش الكرم والسنع اللي نزل فجأه ) ههههههه :041:.. وكنت بوقتها دخلت الاسبوع الثاني من
الشهر الثامن .. وطبعاً تعبت تعب فضيع لأني كنت في بيتي لحالي اشتغل .. :060:
جاء يوم الاربعاء .. وكان فيه اجتماع العائلة الاسبوعي .. وكنت حاطة في بالي اني اغسل ملابس
وارتب البيت وانظف .. كان زوجي مشغول من الصباح وما راح اسوي غداء .. قلت فرصة احط لي
انا وولدي اي اكلة خفيفة وابدأ الشغل .. :042:
فجأه سبحان الله جاني خمول فضيع في جسمي .. وآلام شديدة في ظهري .. مع اني كنت اعاني من
هالشيئين من آخر الشهر السابع .. وكنت مهملة الموضوع .. وعادي الوضع عندي .. !!
ايوه اقولكم وبيوم الاربعاء الظهر قريب من العصر شلت غداي انا وولدي وبديت ارتب المطبخ ..
وبروح اكمل شغل البيت ما قدرت أبداً .. خمووول وكسل .. ابي بس انآآآآم .. :019:
رحت دورة المياه ( تكرمون ) واشوف دم نزل سبحان الله كأنها الدورة الشهرية .. انا خفت بصراحه
هو كان ينزل معي دم بس خفيف مررررة واستعملت ادوية تثبيت ومشى الحال .. هالمرة لأ .. الشي
غريب .. وبزيادة .. !! :023:
سويت بحث في قوقل عن علامات الولادة المبكرة في الشهر الثامن وسبحان الله كل اللي مكتوب
حصل معي :020: .. وكانت مراجعتي الشهرية باقي لها اسبوع :071: .. قلت : يا بنت وش الي حدك تنتظرين
الاسبوع الجاي وتروحين للمراجعه .. يمكن هالأمر خطير .. توكلي على الله وروحي شوفي وش
السالفة :095:.. بما ان زوجي كان مشغول هذاك اليوم من الفجر .. قلت ما فيه الا أخوي اتصل عليه
ويجي يوديني ويخلي ولدي معه بالسياره ..
اتصلت وقلت له تجي الحين بروح المستشفى عندي مراجعه ضرورية .. وابيك تخلي علي معك
بالسياره .. وصلنا المستشفى .. دخلت على قسم النساء والولادة .. وعلمتهم بالوضع .. قالت
الممرضة : لازم بطاقة العائلة .. صوريها وتعالي وبعدها نشوف وش وضعك .. !! :031:
انا هنا قرصني قلبي ههههههههه .. وطلعت لأخوي بالسياره ورحت لبيتي اجيب البطاقة واصورها ..
رجعت للمستشفى .. عطيتهم الصورة ودخلوني غرفة الكشف .. وجت الدكتورة وكشفت .. قالت :
هذي حالة ولادة مبكرة .. الرحم مفتوح 2 سم ... !!!! :092: بديت اقلق واحاتي ولدي وهو مع اخوي بالسياره
اتصلت على بيت أهلي ما يردون .. اتصل على جوالاتهم ما يردون .. ووقتها أذن المغرب .. جلست
اصيح :024: قلت : الحين اخوي بيروح المسجد وين بيحط ولدي وبيت اهلي فاضي اللي نايم واللي طالع ... !!!
دقيت على زوجي قلت تجي الحين وتترك شغلك الولد مادري وين اوديه وانا المستشفى رافضين خروجي
لأني على وشك ولادة .. ترك كل شي بيدة وجاء .. طبعاً كان مشواره من ساعه الى ساعه وزيادة ..
وطوووول هالوقت وانا قلقانه على علي .. وآخر شي اتصل على بيت اهلي ويرد ولدي والحمدلله كانت
فيه أمي .. وجلست معه بالبيت .. وطبعاً ما كانت تدري عن موضوعي بالمستشفى ..
جاء آخر الليل وانا ما عندي نية ارجع آخذ ولدي من اهلي وارجع لبيتي .. وبنفس الوقت كانوا اهل زوجي
يتصلون على جوالي بيشوفون ليش ما حضرت الاجتماع وما رديت على أحد .. كنت تعبانة ومقفلة مالي
خلق شي :011:.. اتصلت أمي .. وعلمتها بالسالفه .. راحت اتصلت على أختي قالت تجين الحين تقعدين عند
العيال في البيت وانا ابروح المستشفى السالفه كذا و كذا .. وجت اختي الحمدلله .. وجت امي للمستشفى
وارتحت شوي و خف القلق عني .. والحين صرت افكر بس بوضعي بالمستشفى .. اتصلت على زوجي
وقلت له يشيل كل ملابس ولدي الي بالبيت يوديها لبيت أهلي لأني احتمال اجلس بالمستشفى .. وانا ما
جهزت اغراض ولادتي ولا شي :023:.. وجاء صباح يوم الخميس .. وجت الدكتورة كشفت علي .. قالت :
لسى 3 سم .. وما نحب نستعجل على الولادة .. ولازم نطلب للطفل حاضنة او نسوي تحويل لمستشفى
ثاني .. وقالوا لي .. كل ما جلس الجنين في بطنك وقت زيادة يكون افضل ..
توكلت على الله وصبرت .. وطول هالوقت وهم بس مغذيات رايحة جايه .. وجهاز تخطيط نبض الجنين .. :098:
وجاء يوم الخميس المغرب ويكشف الدكتور وقال : لسى 6 سم .. حاولي تصبرين اسبوع .... !!! :039:
انا خربت اخلاقي ههههههههه خير ان شاءالله اصبر اسبوع على هالاوجاع .. احر ما عندي ابرد ما
ما عندك ..!! ووقتها عرفت انه ما عنده ما عند جدتي :031: .. وصبرت وتحملت الى آخر الليل بيوم الخميس
تقريباً الساعه 12 .. وجت الدكتورة وكشفت قالت : 7 سم .. واحمد الله قلت هانت ما بقى شي ..
ويبدأ الألم طوووول الليل يروح ويرجع .. ( الي يسمونه طلق بارد ) .. وكل طلقه والثانية بينهم
سواليف بي بي ههههه وغفوات نوم .. لأن اذا برد علي الطلق سبحان الله ما أحس بشئ نهائي .. !!! :010:
واذا نمت صحيت من الألم مرة ثانية .. وتجي الساعه 2.30 آخر الليل بيوم الخميس .. ويبدأ الجد ..
وكشفت الدكتورة قالت : 8 سم .. حمدت الله وشكرته .. جلست اتألم وحالتي حالة .. واحاول اذكر ربي
وأدعيه وامسح على بطني .. يعني سويت كل اللي تذكرته من نصائح .. وكانت فيه وحده قبلي ولدت
ماشاءالله وسمعت صياح ولدها .. وجلست اصيح :035: .. قلت : يا رب مثل ما رحمت هالمره وولدت
بالسلامة .. يارب ارحمني وريحني بأقرب وقت .. قهروني الدكاترة بكلمة اصبري .. وانت يا رب اعلم
بحالي .. ان كان في ولادتي خير فعجلها لي .. وان كان بها شر فأجلها لي :032:.. ويااااااارب لك الحمد
شد علي الطلق .. واجتهدت هههههههه وكشفت علي الدكتورة .. وقالت : يالله على غرفة الولادة ..
بوقتها فرحت .. دقت ساعة الصفر ههههههههه :058: << ان شاءالله صح علي .. :037:
والحمدلله .. والشكر لله .. ولدت بنوتة .. وحطوها بحضانتهم بالمستشفى ما احتاجت تحويل لأنهم
حصلوا وحده فاضية .. وعروستي يبي لها اسبوعين تقريباً لحد ما تكمل الثامن
ويطلعونها لي .. يارب ردها لي بالسلامة واحفظها من كل شر .. :032:
.. وكانت فرحتي و راحتي الساعه 5,14 فجر يوم الجمعه .. :072:
وكانت أمي عندي وهالشئ اعطاني قوة ارادة وصبر .. الله يجزاها خير ويقدرني ارد لها لو بعض
جميلها .. وربي يخليها لي ويطول بعمرها على الطاعه :009: .. ويصلح لي ولدي و بنتي ويرزقني برهم
ويحفظهم من كل شر .. ويرزق المحرومين الذرية الصالحة اللهم آآآآآآمين .. :032:
وهذي قصة ولادتي .. اتمنى انها اعجبتكم .. واستفدتوا منها خاصة في سالفة الألم المفاجئ والدم ..
لا تهملون مثل هالأمور حتى لو كنتي بعيدة عن ميعاد الولادة .. لأنك ما تعرفين متى ربي كاتب تولدين ..
وهل تكملين التاسع او لأ .. :034:
شكراً لكم على اعطاء موضوعي بعض من وقتكم لقراءته ..
دمتم في رعاية الله .. والسلام ختام ..
:029: :065: :083: