ترضين يكون مفتاح بيتك عند اهل زوجك؟؟

لا ماله حق ابداً....

اول شي انتي اللي ساكنه ببيتهم حسب مافهمت!
ثاني شي شدخل الابو يدخل عليكي فرضا نايمه فرضا مو لابسه عدل ماخذه راحتك بشقتك! كان الانسب يقول بيعطي المفتاح لامه للطوارئ
بعدين انا اتوقع ان تصرفاتك هي اللي تخلي زوجك يشوفك انك طفله ويمكن مو قد تحمل مسؤلية شقه لحالك, انا بالنسبه لي عايشه مع اهل زوجي خخخ
وعادي جدا عمتي تدق الباب تطمن علي اذا كنت غايبه عن الدوام ومارديت على جوالي بس تدق وتناديني من السيب قبل لاتدرعم وتدخل علي
انتي لاتعارضيه وفهميه ان ابوه صعبه يكون معاه المفتاح خلي مفتاح سبير مع ام زوجك مع اني اعتقد اغلب الظن وميه بالميه اهل زوجك عندهم ماستر كي يفتح كل غرف البيت =) اذا هالشي بيضايقك وحسيتي بيزيد المشاكل وافقيه الراي وخلي دايما المفتاح بالباب كذا محد يقدر يفتح عليكي الباب ويادار مادخلك شر
بعدين معليه احسبيها على نفسك ترضين زوجة ولدك تسكن ببيتك وترفض تعطيكي المفتاح؟؟ الخصوصيه حلوه بس بروض انتي ببيتهم لاتجيبي الكلام لنفسك

انا بصراحه مارضى ليه ياخدون المفتاح هدي مملكتي الخاصه ومحد يتدخل فيها لا ابوه ولا امه ولا خواته وبعدين فيه اقتحام للخصوصيه الواحد مايحس براحه بيته وخير ابوه عنده المفتاح الزمن ماله امان يمكن يدخل عليج وانتي بوضع ماتبين احد يجوفج فيه او لا بسه قصير وهدا عيب وزوجج غلطان ومو انتي الطفله اهو الطفل قعدي مع زوجج وتفاهمي معاه وفهميه بصراحه انا انقهرت وتنرفزت لاني حطيت نفسي مكانج انتي زوجته ومفروض يراعي هالحاجه ولا تسكتين عن هالحاجه الظاهر انتي ماتتكلمين جدامه ولا تقولين رايييج فهو يسوي اللي براسه لا تصيرين ضعيفه وينضحك عليج والمفروض يخاف عليج حتى من ابوه

ماله حق

سبحان الله نفس تفكير زوج اختي هذي ضريبة إلي تتزوج واحد أكبر منها بكثير مع أن أختي الكل يشهد لها برجاحة العقل وصاحبة مسئوليه بس هو الله يهديه كبر سنه يخليه يشوفها طفله ماترضيه بتصرفتها ابدا يبيها نفس تفكير ويبيها تعيش سنه هو مو سنها وانتي لاتتعبين نفسك ابدا سوي أن الموضوع عاد و خليه يعطيه المفتاح بس أكيد فيه مزلجه من الداخل أنتي ازلجي الباب من جوا وأذا مافيه خلي مفتاحك في الباب من الداخل بالعرض أكيد ماراح يفتح وأذا جات فترة رجعت زوجك للبيت طلعي المفتاح ولا كنك سويتي شي وانتي تقولي عايشه بشقه أكيد صعبه أن عمك يفتح عليك الباب وانتي بملابس النوم او بوضعيه مايجوز يشوفك فيها

مرة ماله حق

انامع البنات واقولك بقوة لاتوافقين اناصارلي نفس الموقف ووافقت اوباالاحرى سكت وبعدين ندمت صار كل من هب ودب من اهله يفتح علي الباب الين ماانفجرت ورفضت هالحال وصارت المفاتيح معي انا وبس

لا انتبهي! بمجرد ما يصير المفتاح عندهم عرفي إن خصوصيتج راحت...
الحين العذر إنهم يتطمنون عليج، بكرة يتجرأون و يدخلون و انتي مو موجودة!

صديقتي نفس الحال، تقول أطلع و لما أرجع ألقى شقتي مو مرتبة و عرفت بعدين إنهم يدخلون شقتها يستخدمون كمبيوترها و عيال أخوان زوجها يفتحون الثلاجة و يخدمون نفسهم بنفسهم و يتفرجون عالتلفزيون! بعدين وقفتهم عند حدهم و طلبت يكون مفتاحها عندها و ريحت بالها...

انتي حطي لج حدود من الحين و ريحي نفسج من المشاكل...

موفقة إن شاء الله F:

لا ابد ماله حق

بصراحة اعذريني خير وش فيه زوجك ؟؟
من جده اللي قاعد يسويه
بصراحة مهما كانت الميانة ما توصل لهالمواصيل

الله يعينك صراحة
روحي كلميه انتي لك راي بالسالفه إذا ما اهتم برايك يهتم براي مييين ؟؟

آمم (:"
آكييد مآ لهم حق,,

ماله حق ابدآآآآآآآآ وحاولي تحسسي زوجك انك قد المسئوليه

إذا جاك ابوكي مثلا وقال لك يا بني إعطيني مفاح بيك عشان أطمن عليكي لو في شيئ
ترضين ولا لا ؟
الجواب هو الحل لمشكلك

اختي .. هو ماله حق ..
لكن احسبيها من نظر زوجك... انتي بالاول اثبتي انك قد المسؤوليه وان قلق زوجك عليك ماله داعي هذي نقطه..

النقطه الثانيه لو مصر على سالفه المفتاح... يخليه مع والدته مو ابوه......

وحاولي باللين والتي هي احسن
والله يسهل امورك

ام جنى

حبيبتي انا احس فيج لاني انا ساكنة في شقق يملكمهم ابو زوجي وكان عنده مفتاح لشقتنا بس ماكنت مرتاحة مثل كا قلتي كنت اخاف في اي لحظة مثلا يفتحون علي الباب وانا مثلا مو لابسة محتشم فعلى طول غيرت المفاتيح وقلت لهم اني ضيعت مفاتيحي واضريت اني ابدل القفل خصوصا فترتها زوجي كان مسافر

لا ماله حق اختي ابدا وعذره مو منطقي ابدا ...
حاولي تتحاوري معاه بالطيب وان شاء الله يجيب نتيجه ..
لانه صعبه يدخل بيتك في غيابك .....