« تجهيزات عرائس ' قطر ' لشهر صفر 1433 - 2011 م / الجزء : 120 »

وااااء كتبت ردي فالموضوع القديم وطاااار لان قفلوه لما سويت ارسال )؛

المهم

وايد اتصلت وطرشت مسجات ووايد مشغولات .. ف بليز طمنوني اذا دانييل بيجاني تسريحاته وميك ابه حلو ؟ اذا جربتوا حد فيه قولولي ب اسمه ووين مكانه؟ عشان احطهم في الباك اپ پلان ):

ونداااء للمرة العشرة مشرة حشرة .. اللي عنده رقم حنان اللبنانية تطرشلي خل اجرب يمكن فاضية

وابي اسال سؤال: امممم اذا حجزت وحدة للشعر مثلا واتييني للمكان اللي ابيه + ما لقيت وحدة للمكياج واضطريت اروح صالون ، جذي بيكون اوكي ولا راح اعفس الدنيا؟ خايفة من هالشي شوي /-:

واذا تعرفون حد يسوي تسريحات وميك اب ناعم غير اللي رشحتوهم لي قولولي لان كل اللي عطيتوني اسماءهم مب فاضين ):

---

روح الفانيلا

مشكورة عالدعوة حبيبتي آمين يااارب والله يهنيج ويوفقج يو تووو (:

----

قلب بنت الانتر

ما يمنع تعطيني الاسم يمكن للمستقبل او لحالة طارئة او حق البنات بالمرة ، مع ان ماظن اني ابي حد شغله غالي حبتين خخخ بما اني مب مسوية عرس خل العب الدور صح هههه، واولريدي عندي فكرة عن الورد والمسكة ف ليش ادفع ع شي ممكن محل ثاني يسويلي اياه بسعر اقل منهم @.@ مع ان للاسف الورد اللي فخاااطري موسمه مب شهر ٢ ): خاصة البيونيا دلووعة ما يعجبها الا انها تطلع فالربيع واااء بضطر اختار نوعيات ورد غير ):
ع اي حال ثانكيو هاني (:

لي لي

مسكه اختي في الخطوبه كانت مميزه والورد كان يجنن اول مره اشوفه
كان طلبيه انا كنت اتحلطم على المبلغ بس يوم شفته
قلت تستاهل اكثر

ويوم العرس الفكره كانت من عندنا رويناها الصوره
وتمت تتواصل معانا خطوه خطوه وطلعت روووعه صج صج مميزه المسكه
لين اليوم يسالونه عنها ,,

انا عندي قاعده اذا ارتحت للشغل وصج سوته لي مثل ماابي واكثر مب حرام ادفع فيع مبلغ وقدره

عندي رقم حنان بطرشه لج
كلمتي جيني ؟ مكياجها حلو قريب من ميرا

للشعر كلمتي ام ياسين , منى السوريه ؟؟
الله يعينج على الضغط

حبيبتي الامبراطورة الله يتمم لك على خير ... دانيل حلوة تساريحهم بس مواعيدهم مش وايد ... ليال الي بالغرافة حلوة تساريحهم

قلب بنت الانتر

هههههه اوووكي عيل قوليلي اسم محلها ومكانه فديتج ^.^
وانا ماحس اني مضغوطة ذاك الزود ،، يمكن الشي اللي شاغل بالي ان الورد والتزيين ما يطلع حلو /-8
بالنسبة للورد اممممم المشكلة الورد الغريب اللي ابيه مب موسمه شهر اثنين /-؛ شكلي بجرب اطلب ورد صناعي وامزجه مع الطبيعي المتوفر ~.~
جيني وميرا وام ياسين مب فاضيين ~.~
منى السورية نووو ما جربت اسالها .... @.@ اذا عندج الرقم ماعليج امر طرشيلي خخخ
ومشكورة فديتج ^.^

---

احلى من العسل

حبيبتي اميييين .^.^. وتسلمين (:

---

اممم بنات اشرايكم في ميك اب شريفة الشريم ؟ ناعم؟ شي ناتشورال ع البيبي فيس @.@ خخ
وووربع رفيجتي يقولون لي هيلدا ميك ابها حلووو في صالونها .. مجربينها @.@؟

وجزاااكم الله خيير (:


اييي توني كنت اقرا هاي .. تعلمت اشيا يديدة خخخخ
هاي احكام ومسائل وايدة في الزينة والتكشخ اللي نسويها يوميا هع هع بتستفيدون
http://go.3roos.com/OUGoUdBHOq0
بس بعض المسائل فيها اختلاف فاذا تبون تتاكدون من شي دوروا عنه عدل *.*

السلام عليكم و رحمة الله و بركاته

مبرووووك أفتتاح الجزء الجديد والله يوفق كل العرايس :)

الإمبراطورة مشكورة حبيبتي على اللنك

بالنسبة حق الورد اللي تبينه ممكن تسوين أوردر من محل الورد اللي في فيلاجيو واللاند مارك قبلها بوقت

وإذا ماقدرتي ترى في ورود وأزهار وايد حلوة وموجودة في شهر فبراير والبيونيز ممكن تاخذين منه شهر ٣ وتزينين فيه بيتج :)

وبالنسبة للمكياج جربي ماك يسون مكياج ناعم حلو

وبالتوفيق  

ذكريات

وعليكم السلام

فديتج مشكورة انتي تساعدين وايد هخخ ^.^

الورد اممممم انا رحت المحل اللي فاللاند بس ~.~ كلهم يهززون لي رؤوسهم ويقولون لي اطلبي من وقت وبنوفرلج .. واظن مافي محل ما يتعامل مع السبلاير اللي هو اسواق الزهور ، مثل الكل قال اطلبي من وقت وبنوفرلج بس لين جا وقت الجد يقولون هذي الورد صعب انوفرلج لان مب موسمه + ان يمكن نطلب ويجيلج مختلف او او الخ ~.~ ف مب عارفة شختار اذا عندج اقتراحات للورود شهر ١ و ٢ قوليلي عشان اشوفهم يمكن يعجبوني @.@

امممم وماكييرات ماك عادي اروح اي فرع؟ ولا لازم اللي فالستي؟ وشلون اطلب منهم بعد خخخخ وفي وحدة انتي مجربتها او شايفة شغلها ممكن ترشحيلي اياها ؟

وثانكيو هاني (:

---

بناتيت @.@

اذا تعرفون وحدة تسوي شاي وقهوة ومشروبات حااارة حليب زنجبيل حبة حمرة زعفران كاكاو كاباتشينو وهالشغلات قولولي عن وحدة انتوا مجربينهااا ، ابي شغل لذيذ خخخ تدرون يمكن فاليخت يستبردون وانا ابيهم مثل الميانين خخخخخ

+ حد يسوي اكلات ايا كانت نوعها ، شعبية عصرية خخخ ابي شي يميييي ، لان ماظن المطاعم يسوون بوفيهات بكميات بسيطة @.@ خاصة اني مابي اترس صالة اليخت بالصواني مالتهم خخخ

ف اذا تعرفون حد مجربينها او ذايقين اكله فيدوني في هالشي بليز (:

وماقصرتوا ثانكس (:

حبيبتي مكياج ماك كل الفروع يسون مكياج ستي سنتر ولاند مارك وفيلاجيو وممكن يسون لج في المحل في غرف داخل وممكن هم يجونج البيت أنا جربت مرتين عندهم بس ما أذكر الأسامي للأسف بس سوا لي مثل ما طلبت منهم ناعم ممكن تسوين بروفا

بالنسبة للورد أنا أنصحك بالروز لتزين الغرفة والأوركيد الأبيض كمسكة لليد

وبالتوفيق 

حبيبتي تشكراات ^.^

ان شالله باجر بنط الستي لان رفيجتي عازمتني ف بالمرة خخخخ وبالنسبة للورد ،، انا اولريدي ابي ورد جوري بس هاي وردة وحدة من مجموعة كبيرة ابيهم خخخ والاوركيد امممم ، ان شالله بحط نوع من انواع الاوركيد لانه اولريدي استعملته ل يدي في الملجة ..
شكلي بستعمل فيلايانوبسس صناعي اذااا طلبت صناعي ، والطبيعي ان شالله بعد بطلب منه ورد بس هالموضوع اجلته شوي لين اتفاهم مع المصممة اللي بتزين لي السويت واليخت @.@ الله يستر

وبس الله يعطييييج العافية^.^

---

بنات لا تنسون استفساري الفوقاني @.@

السلام عليكم ..

كيكفكم صبايا ..

لي لي .. الله يوفقج ويسهل امروج يارب .. والجميع يارب ..

بنات ام الغالين الثلاث الله يذكرها بالخير مادري وينها الحين ولعل هالغياب خير ان شاء لله .. مره امدح لنا وحده تقص الشعر بالمشاطة

وقالت مشالله يدها خضرا بس احد يتذكر شسمها ..

ومتشكرين خالص خالص ..

111111

السلام عليكم و رحمة الله وبركاته

حبيبتي روح الفانيلا أم الغاليين مشرفة وبتلاقينها في شات أمهات و حوامل قطر وفعلا هي إنسانة والنعم فيها ماتقصر :)

F:مرحبا F:

بنات ابي اسألكم وين القى في قطر شناط ماركة اقنر وقوتش ؟؟

الحلا
الصالون الازرق

مساكم الله بالخيررر صبايا

محد تكلم عن المعرض التجاري !!

عجبني وحسيته احلى من اللي قبل

خذيت لي خاتم فضه من محل ايراني
وفيه محل تركي عنده اكسسوارات حلوه فيها احجار ملونه بس ماسمتها كان زحمه عنده اطقم ناعمه وأساور
فيه بعد كمن محل عنده اكسسوارات كوريه اللي متعودين عليها واللي تقليد ماركات
ووحده لبنانيه عندها بعد شغلات كلها الوان واحجار كبيره

الملابس
عند السوريين فساتين ناعمه وحلوه اسعارها متفاوته اللي سألت عنهم كان 270 ووحده مصريه او مغربيه بعد عندها فساتين ناعمه واسعارها رخيصه
انا بس خذيت من الصيني جلابيات قطنيه للبيت مجربتهم العام ومريحين
وفيه المغربيات اللي يسوون عرض
وومحل هندي يبيعون شغلات حلوه تصلح حق ليلة الحنا والبياعه لابسته انيق في اللبس


الشوز
فيه سوريين ومحل هندي عنده اشيا حلوه تصلح حق السهرات مع كلاتشات

العطورات :083:
خذيت من محل اسمه زهور العشب بخور اسمه عرايس
وفيه محل شفته وانا طالعه دار عوشه عندها مخمريه فوق الروعه تصلح لعرايس بس غالبا اسعارها غاليه البخور على 250 و 200 والعود المعطر ماذكر كم بس احتمال 500 والمخمريه وحده 1800 ووحده 2000 ، بعد عندها عطورات
وخذيت لبان بالعطر من محل عماني

الأكل :079:
فيه محل تشليز للأجبان والغاده
ومحل مني ديت
ومحلات تبيع زعتر ودئه وعسل وتمر

مفارش وتاثيث
محلات عندهم مفارش طاولات وأسره
ومواعين طبعا المصريين والسوريين
وفيه محل مصري اتوقع عنده طاولات ومناظر حلويين
وزل ايرانيين


نصيحه
لحد ياخذ يهال معاه حاطين محلات تبيع سنافر وتعالو حق الأذيه ربي يحفظ هالصغار يصيحوون مانخلص من محل الا طلع لنا الثاني في ويهنا العاب ونفافيخ :043: :030:

ذكـــريات;15882558:
السلام عليكم و رحمة الله وبركاته

حبيبتي روح الفانيلا أم الغاليين مشرفة وبتلاقينها في شات أمهات و حوامل قطر وفعلا هي إنسانة والنعم فيها ماتقصر :)

شكرا يا قميل .. بس هاي الشات وين احصله ..

أوداج;15883067:
مساكم الله بالخيررر صبايا

محد تكلم عن المعرض التجاري !!

عجبني وحسيته احلى من اللي قبل

خذيت لي خاتم فضه من محل ايراني
وفيه محل تركي عنده اكسسوارات حلوه فيها احجار ملونه بس ماسمتها كان زحمه عنده اطقم ناعمه وأساور
فيه بعد كمن محل عنده اكسسوارات كوريه اللي متعودين عليها واللي تقليد ماركات
ووحده لبنانيه عندها بعد شغلات كلها الوان واحجار كبيره

الملابس
عند السوريين فساتين ناعمه وحلوه اسعارها متفاوته اللي سألت عنهم كان 270 ووحده مصريه او مغربيه بعد عندها فساتين ناعمه واسعارها رخيصه
انا بس خذيت من الصيني جلابيات قطنيه للبيت مجربتهم العام ومريحين
وفيه المغربيات اللي يسوون عرض
وومحل هندي يبيعون شغلات حلوه تصلح حق ليلة الحنا والبياعه لابسته انيق في اللبس


الشوز
فيه سوريين ومحل هندي عنده اشيا حلوه تصلح حق السهرات مع كلاتشات

العطورات :083:
خذيت من محل اسمه زهور العشب بخور اسمه عرايس
وفيه محل شفته وانا طالعه دار عوشه عندها مخمريه فوق الروعه تصلح لعرايس بس غالبا اسعارها غاليه البخور على 250 و 200 والعود المعطر ماذكر كم بس احتمال 500 والمخمريه وحده 1800 ووحده 2000 ، بعد عندها عطورات
وخذيت لبان بالعطر من محل عماني

الأكل :079:
فيه محل تشليز للأجبان والغاده
ومحل مني ديت
ومحلات تبيع زعتر ودئه وعسل وتمر

مفارش وتاثيث
محلات عندهم مفارش طاولات وأسره
ومواعين طبعا المصريين والسوريين
وفيه محل مصري اتوقع عنده طاولات ومناظر حلويين
وزل ايرانيين


نصيحه
لحد ياخذ يهال معاه حاطين محلات تبيع سنافر وتعالو حق الأذيه ربي يحفظ هالصغار يصيحوون مانخلص من محل الا طلع لنا الثاني في ويهنا العاب ونفافيخ :043: :030:

ياختي الكل يقول حلو لكن نار .. وانا ياختي مارحت لاني من النوع اللي يخمم ولا اقدر امسك روحي .. اخذ واكود الاغراض ..



بنات ابي اقص شعري مدحو لي مكان زين .. شعري واااايد يطيح :'(

قلت اقصه يمكن لعل وعسى ..

في قسم الشات والألعاب تروحين فوق شات عروس في تجهيزات أمهات و حوامل قطر

ثانكس :087:camellia

روح
قصيه واستعملي الانبولات من كريستاس او البخاخ من الصيدلية اسالي عنه