مشكلة

السلام عليكم و رحمة الله و بركاته

كيفك استاذتنا ؟؟

انا عندي موضوع قالقني كثير و مو عارفة كيف احله و لا كيف اتجنبه و طول الوقت اجلس افكر فيه و خايفة انه يتكرر ثاني

استاذتي العزيزة \\

انا عندي اخوين واحد عمره الان 19 و الثاني 8 سنين و شخصية والدي عنده لا مبالاه و لا اهتمام و احسه احيانا ما يخاف عليهم ولا ينتبه لهم و عصبي ما يسمع الكلام و لا يقتنع و لا هو قادر يحتويهم

اخوي الاول تعرض في طفولته للاغتصاب و من اكثر من شخص و من مختلف المراحل العمرية و سكت ما تكلم و في بدايته كان يقول انه يحس احد يلاحقه بالطريق و لما والدتي علمت ابوي انه احد يلاحقه بالطريق و هو صغير ما اعطي كلامها اهمية و ظل لا مبالي حتى وقع الولد ضحية للاغتصابات و الذئاب البشرية و لما كبر فقد ثقته بنفسه لانه الاولاد الي اغتصبوه يعايروه و يذلوه بانه مو رجال و هو حاليا في حالة لا يعلم بها الا الله وسواس و هذيان و ما يطلع من البيت

و الان انا خايفة ع اخوي الثاني و خايفة انه ماضي اخوي الاول يتكرر مع اخوي الاصغر و خاصة مع ابوي و عدم مبالاته و نفسي احميه باي طريقة و نفسي انه ما يطلع من البيت و احيانا ابوي يوصيه لجيراننا بليل بروحه و اتمشكل مع ابوي بسبة اخوي الصغير و اقوله مو كفاية الاول ضاع بتضيع الثاني بعد و هو يعصب و يحس بالذنب لانه ما استطاع ان يحمي اخوي الاول و يعاند بزيادة حتى المسجد اخوي الصغير يروح بروحه مع العلم انه بعيد و هذا الشي يقلقني اكثر و ابوي لمن اواجهه يعصب و يعاند

و الحين انا مو عارفة كيف احمي اخوي و اخليه يكون صلب و يعتمد ع نفسه و يقدر يدافع عن نفسه خايفة عليه كثير بايش تنصحيني عزيزتي ؟؟