ماهي طريقتكي لتجنب او التخلصاحمرار الطفل من الحفاظة

هلا ام لوكاس حبيبتي
قبل فترة صار احمرار فظيع بعلاوي لما وديته المستوصف قالو عنده فيروس عشان جذي كل ما يسويها تحرقه فنصحوني احط له كريم من الصيدلية و اذا سواها مرة ثانية اغسل له و امسح له بزيت الاكل العادي بعدها احط له الكريم و الحمد لله بعد ٣ ايام راح الاحمرار
ما يصير بس تغسلي له و تحطين الكريم فوق الي قبله
أتمني اكون افدتج بالي اعرفه

انا مو مجربة لاني للحين ماتعاملت مع البيبي الله يجيبه بالسلامه,, بس من مجال عملي دائما ننصح الامهات انهم يغسلوا اطفالهم بالماي فقط بدون الصابون حتى مايهيج المنطقه ومن بعدها ينشفون المنطقه بس بطريقه التربييت الخفيف عشان بعد ماتتهيج المنطقه ومن بعدها يترك الطفل بدون حفاظ لفترة وجييزة حتى الهواء يساعده بتخفيف التهيج واذا حبيتي تحطين له كريم ولكن عن الكريمات اللي تحتوي على ريحة لانها بتكون قويه عليه وحتى البودرة تجنبيها حتى ماتسبب التهيج ..

اتمنى اني افدتك حبيبتي وسلاماااااات

انا توني والده ببنوتتي لي شهر كان عندها احمرار وشوي حبوب استخدمت لها كريم للحفاظ من جونسون وبودره الحمد لله راح هاذي تجربتي

حبيبتى حطيله كريم اسمه سوده كريم والله واااااااااااااااااااااااااايد زين لان انا جربته فى بنتى مسكينه من الحراره كانت تصيح تقول يعورنى بس من احطلها الكريم مشاءالله والحمدالله خف

في كريم اسمه كيناكومب لونه اصفر فاتح من الصيدليه هذا افضل من سودو وممكن قبل النوم تحطي منه طبقه خفيفه مع شوي نشاء الاكل لانه مطهر مره مفعولهم رائع ولازم تخلي الطفل يرتاح فتره من الحفاظ وتشطفيله بمويه والكريم مضاد ولا تستخدمي بودره معطره ابدا

قبل فتره صار لبنتي احمراار ورحت الصيدليه عشان بشتري لها سودو كريم لنو اللي عندي قرب يخلص قالي الصيدلي خذي لها اليكا ام عصره صفرا

والحمدلله صارت احسن وكنت لما اغير لها اخليه فتره بسيطه بدون حفاظ عشان تتهوى المنطقى وترتاح ...

هذي تجربتي ~

انصحك وثقي في كلامي لاني تعبت من هذا الامر ومافادني غير

اغسلي المنطقه بشامبو الاطفال لادموع بعد اليوم ثم جففيها جيدا جيدا ومن ثم كريم كينا كومب لانه كالسحر يشيل الاحمرار والالتهاب ويريحك تماما

ملحوظه مهمه جدا

اذا جيتي تشتري كريم كينا كومب

قولي للصيدلي الكريم مو المرهم لان المرهم مايفيدك بس الكريم مثل السحر زي ماقلتلك ومامنه ضرر على البيبي انا استخدمته لولدي وعمره ايام

سودو كريم " لون العلبة رصاصي"

ممتاز

على العموم اي صيدليه عندها كريم للحفاظ لكن اجعلي منشفه خاصه لطفلك للغيار اى كلما غسلت المنطقه جففيها بالمنشفه جيدا ثم ضعي الكريم

شوفي ياحلوة بعد تجارب مع عيالي الله يحفظهم واستخدمت كل شي كيناكومب يروح الحمار ويرجع واليكا وكانستين ولوتدريم ودكتاكورت لين تسلخت المنطقه من الكريمات بعد تجارب ماشفت مشاءالله احسن من الفازلين مخلوط مع النشا ومايرهل المنطقه زي الكريمات الا كلها كورتزون وحتدعيلي

عني انا اغرقه بالبودره ويروح الاحمرارر بعدين استخدم الفازلين
واحيان النشاء واذا عاود الاحمرار اكثر النشاء او البودره مره ويروح الاحمرار على طول

اهم شي النظافه وعدم تك الحفاظ مده طويله
والله يخليلك طفلك

عن تجربه النشا كثريه على منطقة الاحمرار خليه كثير مو شوي مع كل تغييره للطفل وخليه يتهوى شوي يروح بعد يومين
عن تجربه احسن من الكورتيزونات والبودرات العطريه
مافيه احسن من النشا وافضل بدون خلطه مع سوايل لان كذا ماستفدتي شي انتي تبين المنطقة ناشفه

غسل المنطقه وتنشيفها تماما ووضع فازلين وترك الطفل بدون بامبرز لفتره طويله

والاهم تغير البامبرز اول باول بدون تاخير