لمتنا وجمعتا السورية مع احلى صحبة أردنية لشهر محرم 1433هـ تفضلوا صباياا

اهلين سورية الله يسلمك يارب انتي شطورة بالصيام مابينخاف عليكي ماشالله اما انا كسلانة اصلا مستغربة كيف صمت يومين هههه
يالله اذا فيبكرا سوق الشاطئ بخبرك اوووكي ...

&&&&&&&&&&&&

روح عامر هنا وعوافي على الكبيبة والله طيبة وخاصة بالفرن
ذكرتيني بفتح الشات والله كنت ناسية ,,,,

*********

اهلين زهورة الله يسعدك ياارب وربي يسمع منك يصير عنا كلنا مزارع حلوة الله كريم هههههه بس انا ابدا مابتخيل حالي صير فلاحة ههههه والله انا كتير كسلانة
بس بقبل بالارض ليش لاء خخخخخ.... خلص راح ابعتلك انتي وروح عامر شوية براغي على مسننات هدية
حلو كتير المثل اللي قلتيه عن الزواج غير شكل ههههههههههههه

شات مبااااااااارك
انا اول هههههههههههههه
خلص دودو رح استنى الهدايا شنو انا بخيله وما بدي اصرف دنانيري ههههههههههه
يسلمو يسلمو على السمكات شكلهم بشهييييي عندي سمك اسمو كنعد ومش عارفه كيف اعملو شو عندكم افكار نوروني

روح عامر صحه عالغدا ما بعرفها هاي الاكله شو هيي
خلص بسير ابعتلك اشياء للماكينه انتي ابعتيلي شو بدك خلينا نشرب كوفي ههههههههههه

مبارك التجمع الجديد
مو فاضية احكي ولادي مرضى ومنكدين كتير
حبيت سلم عليكن
باااااااااي

الله يسعد ايامكم واوقاتكم وكل تجمع وانتو بألف خير وصحة وعافية
دمشقية شو هالافتتاحية الحلوة هي ان شاء الله عوافي عالسمك والله طيب مابينشبع منه
وبالنسبة للصيام والله بدي هم عليهم الايام عم تركض واصلا نحنا منتغدى عالمغرب
اما روحة السوق منشوف ابو الشباب شو بيطلع معه
اهلين زهورة كل تجمع وانتي بخير
عروسة الميدان اهلين اشتقنالك سلامة اولادك الله يشفيهم

سلامي لكل البنات الغايبين وبقلهم وحشتونا وطلوا علينا طمنونا عنكم

صبح الخير على الجمييغ

اهلين زهرتنا كيفك ياقمر وكيف الاطافيل ؟ يارب بخير دوووم

وعلى قلبك حبيبة قلبي بخصوص السمك والله انا ماعندي خبرة كتير فيه يعني يابقليه ونااادرا مااشويه
هلأ السمك الكنعد والله ماعرفته اول مرة بسمع فيه ... اذا كبير كتير فطيب مشوي يعني بتبليها السمكة بالبهارات والليمون وبتحشيها كزبرة وتوم وشوية خضراوات
مقطعة ناعم وفلفل يعني متل السمكة الحرة وبتلفيها بالقصدير وبتشويها

واذا حجمه عادي تبليه بالطحين والبهارات واقليه وبالنسبة الي السمك المقلي اطيب شي وبالهنا والعوافي

بعتلك اليوم برغي هههههه

اهلين عروسة الميدان الله يسلمك ويقويكي يااارب والف سلامة لاولادك

&&&&&&&&&&&

سوريتي عم نستناكم اليوم طيب لا تتزانخوا ايوا ,,,, مع انو عندي كوي بس منروح منغير جو لانه تعبببانة وبدي ياكي
اليوم راح اعمل مندي وانتي

صباح الخير بنوتات ومبروك التجمع الجديد
والله انا كتير تعبانة كنت عم صوم وقفت الصيام صاير عندي وجع بالمعدة انا لما كنت ب سوريا رحت عند دكتورة وقالتلي التهاب بالمعدة وعطتني دوا وهلأ رجعت اشرب منو
ادعولي بنات الله يشافيني والله وجع كتير قوي ان بقي الوجع اليوم رح روح عند دكتورة هون
سلام بنوتات

يسعدلي أيامكم جميع كيفكم اشتقتلكم وأخيرا عطلنا عطلة الفحص الفصل الأول انتهى على خير الحمد لله وماحدا بيعرف شو مستني عالفصل التاني ان شالله يارب الفرج من عندك على هالبلد يلي تدمرت تدمير ورجعت 100 سنة لورا

ياسيدي الأسبوع الماضي ضليت يومين عم حضر لعيد ميلاد سلومة يلي عملتو على يويمين يوم عند حماتي ويوم عند أهلي وكان كالتالي هدول الصور ليوم بيت حمايي


















لسا في 3 أطباق مو باينين مدري ليش مو مطلعينن بالصور لأنو مو أنا يلي صورت زوجي وبنت حمايي هنن الجيليه بالفواكي طبقتين موز وفريز وطبق حلو تاني سوكسيه عملتها كرات وغطستها بالشوكولا وبعدين بجوز الهند وشكيتهم بأعواد الاسنان لينحملو فيها مبين شوي بالصورة الأولى ورا صحون السكب والكريم كراميل وطبعا كلو شغل ايدي

وبعد الحفلة بيوم قضيتها كريب على كيفكم لليوم من هالبردات لأنو عنا صقعة والله اليوم طلعت عالسيارة طبقة جليد ان شالله بأقرب وقت ببعتلكم صور سلومة الجديدة كمان

مسالخير والكيك والاكلات الطيبة

سلامة قلبك روح عامر ماتشوفي شر يارب كللي تفاح على الصبح كتيير منيح للأوجاع المعدة
واستمري على الدوا ,,, سلامتك ياارب

*********

اهلين شامية طل القمر يارب
اول شي ربي يفرجها عليكم وعلينا لان نحنا والله عم ندووب معكم ومو طالع بايدنا شي غير الدعاء

وتاني شي ان شالله العمر الطويل لسالمبيك والحفلة بتجنننن ماشالله كل شي بشهي تسلم الايادي يااااارب
سال لعااابي هههه ... هنا وعوااافي يارب

والف سلامة الك انتبهي على حالك واشربي سخن وزهورات بترتاحي واهم شي انتبهي على سالم والله البرد اساس كل عللة

روح عامر سلامات .. طهور ان شاء الله
شامية ميارك ما عملتي ان شا الله تشوفي عريس كلو بشهي ما شا الله.
كيفكن صبايا...
تعبانة كتير انعديت من ولادي .. فرح كتير منكدة مرض واسنان وغيرة من اخوها .. هرتو قتل لأخوها .. ما عم نام الليل
عمر من هون وفرح من هون كل واحد انكد من التاني .. بعين الله ... ساويت كيك شو طلع من الاخر بنزلكن صورته ان شاء الله.
بشوفكم على خير صبايا

مراحب بنوتات كيفكم
شامية ان شاء الله كل ايامكن افراح ومناسبات وكل عام وسلومة بخير وان شاء الله السنة الجاية كون رجعت سوريا متل ما كانت واحسن وتعملي لسلومة عيد ميلاد بصالة وتعزمينا وصحتين وهنا عالاكلات الطيبة
اليوم رحت لعند دكتورة وعملتلي تحاليل وان شاء الله خير
بس مو هون المشكلة اليوم زاد علي وجعي بنووتي سنا طعميتا كوكتيل موز وتفاح وتحسست ولهلأ وجهها أحمر
اخدناها فورا عالدكتورة وعطتنا دوا
عنجد شلون عدا علي هاليوم ما بعرف الحمد لله على كل حال
عروسة سلامتك وبضم كلامي لدمشقية شربي سخن احسن الشي للكريب ومعافاية

وينكم يا يابنات شو صاير وبشو مشغوليين

صباح الخير

اهلين روح عامر بتعرفي يوم خميس والكل اما بكون برا او مكنكن وهادي بحاله

سلامتك يارب وسلامة بنوتك كان المفروض تطعميها كمية جداااااا قليلة وبعدين بتزيديها حتى تتعود معدتها
ومع هيك لا تخافي الموضوع عادي وشائع سلامتها يارب مابيكبروا حتى ننفنى الله يخليلنا ياهم يارب

جمعة مباركة عالجميع
كيفكم ياصبايا
روح عامر سلامة قلبك والله وجع المعدة صعب انا دايما لما بعصب كتير بتوجعني معدتي
وسلامة سنا خانم انتبهي عليها
شامية هلا هلا انتي طولتي الغيبة بس جبتي الغنايم هههههههههههه كل عام وسلومة بألف خير وصحة وعافية وان شاء الله بتفرحي فيه يعني ماشاء الله عليك سفرة بتجنن ياعمي فنانة
ربي يفرجها عليكم وعلى هالبلد والله خربوها الله يصلح الحال يارب
عروسة الميدان سلامتك وسلامة اولادك والله هالجو كله امراض الله يشفي كل مريض
دمشقية الله يسعدك يارب وصحة وهنا عالمندي انا ساويت معكرونة بالبشاميل
زهورة وكاتس وام ناصر جمعة مباركة عليكم وان شاء الله تكونوا بخير انتوا واولادكم

سورية وبفتخر;15865774:
الله يسعد ايامكم واوقاتكم وكل تجمع وانتو بألف خير وصحة وعافية
دمشقية شو هالافتتاحية الحلوة هي ان شاء الله عوافي عالسمك والله طيب مابينشبع منه
وبالنسبة للصيام والله بدي هم عليهم الايام عم تركض واصلا نحنا منتغدى عالمغرب
اما روحة السوق منشوف ابو الشباب شو بيطلع معه
اهلين زهورة كل تجمع وانتي بخير
عروسة الميدان اهلين اشتقنالك سلامة اولادك الله يشفيهم

مسا الانوار يا عسله F:
اها يلا همي وصومي وزي ما قلتي الايام عم بتطير خصوصي بوجود النت بطلت احس بالنهار :worn_out:شو صار معك بالسوق شو شريتو يلا احكولنا ها :rolleyes:

الدمشقية;15866504:
صبح الخير على الجمييغ

اهلين زهرتنا كيفك ياقمر وكيف الاطافيل ؟ يارب بخير دوووم

وعلى قلبك حبيبة قلبي بخصوص السمك والله انا ماعندي خبرة كتير فيه يعني يابقليه ونااادرا مااشويه
هلأ السمك الكنعد والله ماعرفته اول مرة بسمع فيه ... اذا كبير كتير فطيب مشوي يعني بتبليها السمكة بالبهارات والليمون وبتحشيها كزبرة وتوم وشوية خضراوات
مقطعة ناعم وفلفل يعني متل السمكة الحرة وبتلفيها بالقصدير وبتشويها

واذا حجمه عادي تبليه بالطحين والبهارات واقليه وبالنسبة الي السمك المقلي اطيب شي وبالهنا والعوافي

بعتلك اليوم برغي هههههه

هلا هلا بغاليه الغاليه F:
السمك طيب بكل اشكالو المهم يكون مو خربان لانو بتعرفي احنا ما عنا سمك طازه كلو مجمد شنو ما عنا الا خليج هالعقبه ودوبو مطعمي حالو :worn_out:بس جمبري او الشغلات البحريه التانيه مستحيل اكلها :hysterical: بخصوص الشوي بعملو بطريقتك دايما :thumbs_up:
اوكي ضلي ابعتي براغي :lol:مبارح شغلت ماكنة الكعك طلع بدها اتضلي تحطي شوكولاته عشان هيك ببعتلكم انو بدي :worn_out:

روح عامر;15866512:
صباح الخير بنوتات ومبروك التجمع الجديد
والله انا كتير تعبانة كنت عم صوم وقفت الصيام صاير عندي وجع بالمعدة انا لما كنت ب سوريا رحت عند دكتورة وقالتلي التهاب بالمعدة وعطتني دوا وهلأ رجعت اشرب منو
ادعولي بنات الله يشافيني والله وجع كتير قوي ان بقي الوجع اليوم رح روح عند دكتورة هون
سلام بنوتات

سلامتك يا حلوه F:
كيفك اليوم ان شاء الله احسن وصومي على راحتك مش ضروري كلو ورا بعض وان شاء الله بتسيري احسن :thumbs_up:
كيف صغارك ان شاء الله بخير اليوم

شامية للعظم;15867490:
يسعدلي أيامكم جميع كيفكم اشتقتلكم وأخيرا عطلنا عطلة الفحص الفصل الأول انتهى على خير الحمد لله وماحدا بيعرف شو مستني عالفصل التاني ان شالله يارب الفرج من عندك على هالبلد يلي تدمرت تدمير ورجعت 100 سنة لورا

ياسيدي الأسبوع الماضي ضليت يومين عم حضر لعيد ميلاد سلومة يلي عملتو على يويمين يوم عند حماتي ويوم عند أهلي وكان كالتالي هدول الصور ليوم بيت حمايي




































لسا في 3 أطباق مو باينين مدري ليش مو مطلعينن بالصور لأنو مو أنا يلي صورت زوجي وبنت حمايي هنن الجيليه بالفواكي طبقتين موز وفريز وطبق حلو تاني سوكسيه عملتها كرات وغطستها بالشوكولا وبعدين بجوز الهند وشكيتهم بأعواد الاسنان لينحملو فيها مبين شوي بالصورة الأولى ورا صحون السكب والكريم كراميل وطبعا كلو شغل ايدي

وبعد الحفلة بيوم قضيتها كريب على كيفكم لليوم من هالبردات لأنو عنا صقعة والله اليوم طلعت عالسيارة طبقة جليد ان شالله بأقرب وقت ببعتلكم صور سلومة الجديدة كمان

يا عيني على الاشياء الزاكيه يا شاميه يعطيكي العافيه والله شكلو تعبانه فيهم F:
واحنا مش قبلانين بدنا الصور التانيه ها :rolleyes:
بس كلو عشان عيون سلوم اكيد بهون وعقبال حفلة تخرجو من الجامعه :thumbs_up:

[QUOTE]

عروسة الميدان;15868207:
روح عامر سلامات .. طهور ان شاء الله
شامية ميارك ما عملتي ان شا الله تشوفي عريس كلو بشهي ما شا الله.
كيفكن صبايا...
تعبانة كتير انعديت من ولادي .. فرح كتير منكدة مرض واسنان وغيرة من اخوها .. هرتو قتل لأخوها .. ما عم نام الليل
عمر من هون وفرح من هون كل واحد انكد من التاني .. بعين الله ... ساويت كيك شو طلع من الاخر بنزلكن صورته ان شاء الله.
بشوفكم على خير صبايا[/QUOTE

سلامتكم كلكم يا رب ما عليكم شر الجو كلو صاير امراض وامراض الزغار بتهلك الله يعينا ويعينهم :hysterical:
بدنا صور الكيك وينو 8o|

روح عامر;15868316:
مراحب بنوتات كيفكم
شامية ان شاء الله كل ايامكن افراح ومناسبات وكل عام وسلومة بخير وان شاء الله السنة الجاية كون رجعت سوريا متل ما كانت واحسن وتعملي لسلومة عيد ميلاد بصالة وتعزمينا وصحتين وهنا عالاكلات الطيبة
اليوم رحت لعند دكتورة وعملتلي تحاليل وان شاء الله خير
بس مو هون المشكلة اليوم زاد علي وجعي بنووتي سنا طعميتا كوكتيل موز وتفاح وتحسست ولهلأ وجهها أحمر
اخدناها فورا عالدكتورة وعطتنا دوا
عنجد شلون عدا علي هاليوم ما بعرف الحمد لله على كل حال
عروسة سلامتك وبضم كلامي لدمشقية شربي سخن احسن الشي للكريب ومعافاية

سلامتها ديري بالك منيح وسيري انتبهي للشغلات اللي بتعملا حساسيه كيفها هلا
وانتي شو اخبار التحاليل F:

يسعدلي صباحكم ياارب

كيفكم ياحلوات وكيف الويك اند معاكم ان شالله قضيتوه تمااام ....

&&&&&&&&&

اهلين سورية كيفك حرمتونا انسكم مبارح يالله الله يقويكي ويصبرك ان شالله على كل شي
وعوافي على البشاميل والله طيبة تسلم ايدك
ساويتلي البناطيل ؟؟؟ اوعك ها تنسيهم خخخخخ تؤبشي قلبي

^^^^^^^^^^^^^^^^^^^

اهلين زهرتنا كيفك ياقمر انتي يارب بخير دوووم وتسلميلي والله انتو الغوالي وربي

هنا وعافية على السمك بس غلطانة والله الجمبري بجنن وخاااصة مقلي ومع الحومر ايييه مابتنسي طعمه
انا بس باكل الجمبري والسمك اما باقي الشغلات مابقدر عليها ابدااااااااااااااا ...

ياستي مااشترينا شي من السوق مو دائما منتشرى ... بس هدا مكان اسمه سوق الشاطئ فيه جميييع المحلات وكل شي بيخطر على بالك وعاملين جلسات عائلية بقلبه وكمان
ملاهي للأطفال وبوفيات صغيرة فمنروح كل اسبوع عليه ومنلتقي فيه مع جيرانا القدمى اللي بتاخد قهوة واللي شاي واللي كعك وهيك يعني جمعة نسائية بحته هههه
لان رجالنا بهالاثناء بكونوا ماشالله عنهم ههههه عم يلعبو كورة بملعب بهالمنطقة .. فمنروح معهم بنزلونا بهالسوق وهنن بروحوا على اللعب

عارفة يعني والله منغير جو مع جيرانا ومناخد طاقة شوي لنكمل المشوار ههههههههه

صباح الخيرات
اهلين زهورة الحلوة F: اليوم سمعت كلامك وصمت شايفة شو شطورة ههههههه كيفهم اطافيلك
وبالنسبة للسوق متل ماقالت دمشقية منروح ومنتسلى

اهلين دمشقية يعني مامليتي منا شفتينا اربعاء وخميس كمان يوم الجمعة ههههههه تسلميلي يارب بتفرج ربك كريم
وعوافي على قلبك شو رح تطبخي اليوم انا رح ساويلهم رز بتونا وساوي الي كشكة
والبناطلين لسى ماساويتهم شني مالي بالمود خخخخخخ اليوم بساويهم بإذن الله

مراحب بنوتات كيفكون وكيف الصحة
نحن بخير الحمد لله سنا ما بقا فيا شي وانا اليوم رايحة المسا شوف التحاليل وان شاء الله خير
دمشقية وسورية وزهورة كيفكون وشو سيرة الحب عندكون اليوم