شات منتظرات الحمل وامهات المستقبل القريب باذن الله لشهر صفر/يناير

يا حبيبتي يا ودعه والله صعبتي عليا اوووي حمد الله علي سلامتكيا قمر وربنا يتم نفاسك علي خير يارررررب وسميتي زياد برضه ولا غيرتي ؟؟

يا حبيبتي يا ودعه اللفف حمد الله علي سلامتك انتي و النونو ربنا يباركلك فيه و يخليهولك يارررب ........ ديناااااا انا بعد ما صليت استخاره مبقتش مرتاحه للدكتور الاخير ده و خلاص مش هروحله تاني و هفضل مع الدكتور بتاعي ان شاء الله و ساعه الولاده هروح و اولد مع اي حد و ان شاء الله ربنا يوقفلي ولاد الحلال بإذن الله و برضو الدكتور بتاعي هيتابعني بالتليفون ان شاء الله ... علي فكره يا دودو ان شاء الله بكره هجبلك التليفون لاني معرفتش اتصل بيهم النهارده

ماجده لازم تعرفى هتولدى فين عشان وقتها بيبقى لبخه اصلااا والولاده بتيجى ف لحظه رتبى امورك وانتى كويسه عشان متشتتيش نفسك

سحوررره حبيبتي اللف سلامه عليكي من البرد و طمنينا النونو عامل ايه و بقيتي في الكام دلوقتي ؟؟؟؟

امنيه ما هو انا الحمد لله مستقره علي المستشفي بس كانت المشكله في الدكتور لان دكتوري اتعابه كتير شويه فأنا بإذن الله هروح المستشفي و اولد مع الي موجود ساعتها بإذن الله

ما ترغوووا بقي يا عيال قعدين كده وخلاص ارغوووا بقي

ان كان كداااا مااااااااااشى ربنا ييسرلك ولادتك يارب

magda 1;15876625:
يا حبيبتي يا ودعه اللفف حمد الله علي سلامتك انتي و النونو ربنا يباركلك فيه و يخليهولك يارررب ........ ديناااااا انا بعد ما صليت استخاره مبقتش مرتاحه للدكتور الاخير ده و خلاص مش هروحله تاني و هفضل مع الدكتور بتاعي ان شاء الله و ساعه الولاده هروح و اولد مع اي حد و ان شاء الله ربنا يوقفلي ولاد الحلال بإذن الله و برضو الدكتور بتاعي هيتابعني بالتليفون ان شاء الله ... علي فكره يا دودو ان شاء الله بكره هجبلك التليفون لاني معرفتش اتصل بيهم النهارده

ولا يهمك ياميجو :)
طيب وهتولدى فى مسشفى ايه؟؟؟؟؟؟؟؟؟؟؟؟؟
انا محتارة اوى والله انا كمان

ودعه الف حمد الله على سلامتك
غايظنى اوى الممرضات دول بجد مستحيل يتقال عليهم ملايكة الرحمة اللا قليلين
الحمد لله انك قمتى بالسلامة
و سميتو الولد ايه بقى؟؟؟
لولى 10-1 ده بردو عيد ميلاد ولاد اختى حبايبى:adore:

shoshet*himo;15875794:
موني اماني

انا عملت اه تحاليل الغده الدرقيه وسليمه الحمدلله مع ان الدكتورة اللي طلبتهم مني قالت في خمول وكنت باخد التروكسين بس طلعت بطيخ وعرضتهم علي كذا حد تاني وقالي سليم جدااا هي اعتمدت علي رقم منهم قليل لكن الدكاتره قالت المهم التوتال نورمال وانا ورتهم لدكتور غدد صماء اصلا قالي التحليل سليم الحمدلله ووقفت العلاج من ساعتها بس الكلام ده من فتره طويله بس معرفش الاجسام المضاده بقا هتكون ايه تاني؟

طب الحمد لله ان الغدة سليمة ... بس لو الاجسام المضادة للغدة الدرقية فأعتقد حتكون سليمة برده...طالما الغدة سليمة...
ربنا ييسرلك الحال يارب..

زوجى كل حياتى;15875901:

الحمد لله ان التحليل كويس يا شوشو

انا كمان الدكتوره طالبه منى تحليل الغده مش عارفه ليه بس مستنيه لما زوري يرتاح خالص

ايوه يا منايا انا الحمد لله يا حبيتى حامل وف الرابع وعقبالك انتى كمان كده وباقي البنات يااااااااااااارب

ماشاءالله يا سحوووورة.. الف مبروك يا جميل و ربنا يكملك على خير يارب... أعتقد كدا ان تحليل الغدة عشان قريت ان في الحمل في شهر من الشهور بيبتدي تكوين الغدة الدرقية عند النونو .. فلازم نسبتها عند الأم تكون طبيعية ... و احيانا لو ناقصة بيحتاجوا يزودوها... انا بخمن يعني.... على حسب اللي قريته...

د.ودعه;15876195:
وصلنا المستشفي

دخلت الاودة ومرضوش يدخلوهم معايا الممرضة عاوزاتي انام عشان تشوف نبض الجنين وانا اصوت واقولها مش قادرة انام بالراحة عليا وهي تزقني وتشخط فيا
نمت بالعافية وحطو الجهاز وواحدة جت كشفت نسا لقيتني فاتحة 9سم

اتخضو وطلعو يجرو كلهم

واحدة راحت تستدعي الدكتور والتانية تمضي جوزي علي الورق وواحدة خدتني تقلعني وبرده بتزق المستفزة:( وغيرت وبتشد فيا عشان انام وانا مش قادرة واصوتلهم ويزتعقلي
ركبت الكانيولا وجه الدكتور يتمختر بيبص راح ناطط من مكانه ولبسوه بسرعة

كنت خلاص الراس علي الاخر
قعدة يقولو بيج فيتس بيج بيبي

اكتمي دفي دفي خلاص

واكتم الصرخة ومفيش حاجة
مرتين تلاتة وطلع يتطي علي بطني اقوله كاتمت نفسييقولي معلهش لما يجي الالم قولي
ما يلحقش ياخد نفسه اشاورله واصوت

يقولي اكتمي الصرؤخة ودففففففففففففففي

الرابعة قالي حوسع معلهش وسع بقي وحسيت بالراس تككككك وجسمه وراه
اررررررررتحت
بصيت علي النون لقيته ازرق وكش بيعيط
شدو الستارة عشان دكتور الاطفال يدخله
قلت يادكتور مش بيعيط قالي كويس والله
مفيش ثواني وعيط قلت الحمد لله
قعدو بقي ينضفو ويخيطو وانا اقول يارب واحمد ربنا بصوت عالي
وشالو الستارة

بقيت عيني عليه وهما شغالين بقي علي مهلهم

حسيت بالابرة بس قلتله اداني شكة بنج وكمل خياطة

وعيني علي الواد واقول ياربي مين ده مش شبهي ولا شبه ابوه ايه ده

خلصته تنضيف ولفته وخدت بصماتي وبصمة رجله وجابتهولي

خلصوني ونقلوني علي سرير وطلعت بره

وخدوه لباباه وبعدين علي الحضانة يتابعوه 6 ساعات

ومطلعتش لجوزي غير بعد ساعتين تحت الملاحظة وكده

وطلعتلهم بقي :biggrin:

جوزي مشي بقي ومجالناش غير في الزيارة الساعة 4
المستفي كانت عاوزاني اقعد 24 ساعة بس انا صممت اروح معاه

ياااااااااااااه يا ودعة حمدالله على سلامتك :( ايه كل ده دا الولادة الطبيعي عذاب... بس سبحان الله بعد ماينزل النونو تحسي براحة كدا .... احساس جميل برده :)
ربنا يباركلك في زيزو يارب و يكون ابن صالح يارب.. و كويس ان ماما كانت موجودة الحمد لله فادتك كتير بخبرتها اكيد ماشاءالله .. :)

paradise rose;15876524:
ماشاء الله ياودعه ربنايحفظك ويحفظ ابنك يارب ماشاء الله حمدالله على سلامتك
انا عينى دمعت والله بس احساس مرعب وانتو ماشيينن ف الشارع لوحدكوا
بس انا مش فاهمه يعنى ايه دفففففففى دى
اخبار الرضاعه ايه وكنتى بتدهنى النيبلز ايه عشان تهبايها للرضاعه

أمنية ... دوففي دي بالسعودي يعني زوققي او ادفعي يعني... او بالبلدي كدا زي ما بيقولوا للي بتولد احزقي عشان النونو ينزل ... :)

أمموووووونة اين انت ....

دينا ربنا يتمملك بخير يارب و تستقري على المكان اللي تولدي فيه ...

و عقبال ما نطمن على ماجدة و لولي في الولادة....
و ايه حكاية كلكم عندكم اعياد ميلاد في 10 يناير :celebrate:

دينااا ان شاء الله هولد في مستشفي عين شمس بس في القسم الاقتصادي الناس بتشكرلي فيه اوي واختي ولدت هناك مرتين و برضوا كانت بتابع مع الدكتور بتاعي و تروح تولد مع الي موجود و هو بيتابعها لانه رئيس القسم هناك ادعولي ربنا ييسرلي الامور و يوقفلي ولاد الحلال يارررب

السلام عليكم و رحمة الله و بركاته
ودعة حبيبتى الحمد لله على سلامتك انتى و البيبي دة انتى يا حبيبتى تعبتى اوى ربنا يجعله فى ميزان حسناتك يا رب

دينا افتكرتك امبارح وانا مروحة كنت عايزة اعك فى اى حاجة لقيت قدامى ويندوز بالجنبنة افتريت و النهاردة كمان و انا جاية الشغل عديت جبت تانى ربنا يستر بأة لأى بحاول أخس و دة طبعا كارثة على الله بس مفضلش مستحلياها فى الرايحة و الجاية و لو جوزى عرف هيبهدلنى بس الواحد بيضعف

مانيا حبيبتى ربنا معاكى بإذن الله بس بجد جربى السيلينيوم لو منفعش مش هيضر بإذن الله انا كمان دخلت عملت بحث على النت و لقيه فعلا الدكاترة بيوصفوه مع حاجات تانية للأجسام المضادةو كمان الفوليك اسيد و البيبى اسبرين إن شاء الله خير

ماجدة ربنا يوفقك للخير و يرزقك بدكتور او دكتورة محترمين و شاطرين يوم الولادة إن شاء الله

أمونة خير يا بنتى انتى فين قلقتينا عليكى و على عمر يا رب خير

ريري ربنا يكرمك يا رب فى نقل الأجنة و يثبتهملك و يفرح قلبك بالذرية الصالحة إن شاء الله ابقى طمنينا عليكى لو عرفتى

ياسمينا فينك مش بتدخلى تكلمينا ليه

ميرا أخبار البنوتات إيه و يا ترى قضيتى راس السنه فى الأوضة و لا فى الصاله :)

المشكله بأة بالنسبالى فى مووع السفر دة ان جوزى علشان ظابط فتقريبا ملوش أجازات و الأجازة لما بياخدها دة لو أخدها مينفعش هو اللى يحدد معادها يعنى هو بيقدم طلب على معاد محدد و هم فى الغالب مش بيوافقوا و ينقطوله الأجازة فى الوقت اللى هم عايزينه يومين فى يوم قى يومين و كنت حكيتلكو قبل كدة كميه السفريات اللى باظت بسبب الموضوع دة زو مرة سافرنا الساحل مع أهلى و نزلنا فى نفس اليوم باليل لما كلموه قالوله الأجازة اترفضت و حتى فى الهنى مون كلموه قالوله الأجازة موافقوش غير على 5 ايام بس و احنا كنا حاجزين 10 ايام و صممنا نكمل و اتحول للتحقيق و خصموله من مرتبه و كان نكد يلا الحمد لله على كل حال

موني ربنا يخليكي علي الدعوه الحلوه ديه و ياررب يجبر بخاطرك يارررب ... و معلشي يا حبيبتي اصلا ظروف البلد زفت فأساسا لو كان بيعرف ياخد اجازه قبل كده للاسف في الوضع الحالي يبقي صعب اوي ربنا يكون في عونك بجد مينفعش في الويك اند مثلا تروحو اي مكان مش مهم سفر و لا معندوش و يك اند ولا ايه ؟؟؟ هو ظابط شرطه ولا جيش ؟؟؟

manyaa;15877412:

دينا ربنا يتمملك بخير يارب و تستقري على المكان اللي تولدي فيه ...

اااااااااااااامين يارب

magda 1;15877625:
دينااا ان شاء الله هولد في مستشفي عين شمس بس في القسم الاقتصادي الناس بتشكرلي فيه اوي واختي ولدت هناك مرتين و برضوا كانت بتابع مع الدكتور بتاعي و تروح تولد مع الي موجود و هو بيتابعها لانه رئيس القسم هناك ادعولي ربنا ييسرلي الامور و يوقفلي ولاد الحلال يارررب

ربنا معاكى ياماجدة ان شاء الله وتقومى بالسلامة انتى والنونو يارب

انا كنت هتحجز في القسم ده على فكرة لما تعبت فى اول الحمل قبل ماعمل الربط والمكان كويس ان شاء الله
مويتو تسمو النونو ايه ياميجو

انا عايزة اسمى بإذن الله عمر وعبد الرحمن

دودو ان شاء الله هنسمي احمد علي اسم بابا و باباه كمان شوفتي حظنا حلو ازاي و كمان انا بحب الاسم ده اووووي ربنا يجيبه بالسلامه ياررب ... و ما شاء الله حلوين الاسمين دول يا دودو ربنا يجبهم بالسلامه ياررب و تفرحي بيهم ياررب انما اسم صهيب ده صعب اوووي اوعي توفقي عليه

انا جيييييييييييت

ودعة حمد الله على سلامتك انتى و زيزو ربنا يباركلك فيه و يجعله ذرية صالحة

ميجو...

ربنا يسهلك امورك و يوقفلك ولاد الحلال و ييسرلك الخير ليكى و لاحمد ان شاء الله

دينا... اخبار المغص ايه دلوقتى ....؟؟؟؟ و الاملاح عملتى فيها ايه؟؟؟؟

هدي ربنا يخليكي علي دعوتك ديه و ياررب يكملك حملك علي خير يارررب و قوليلنا عامله ايه في الحمل و بيلا عامله ايه معاكي دلوقتي

بنات ازيكو معلشى كنت مشغووولة جدا فى الشغل ونفسيتى فى الارض والحمد لله:'(:'(:'(:'(

انا والله مش عايزة انكد عليكو بس انا بئيت غرييبة جدا كل شوية افترك كل حاجة وحشة جوزى عملها واعيط جامد واول مرة اخس انك تعيطى من جوااكى كدا تحسى ان صدرك بيتضغط أوووووووووى وحد بيتك عليه والعياط طالع من بطنك:'(:'( معرفش احساس غرييب واحساس بالقهر كدا

انا والله مش بنك ولا حاجة بس غصب عنى بفتكر وافتكر كللل حاجة وحشة عملهالى واعيط وهو بئا رد فعله ماشاء الله منتهى الحنية :|يسينى ويروح ينام او يخاصمنى عشان بعيط!!!!!!!!!!! :thumbs_down:

هو مش المفروض اننا على السراء والضراء مع بعض ولا هى فى الحلوة بس والمرة معطلكيش!!!!!!:hysterical:

آخرها امبارح كنا خارجين ومبسوطين وعادى جدا مفيش حاجة فجأة كدا هو دخل الحمام وانا معرفش ليه اول مرة اصلا اعمل كدا ف حياتى:o:o مسكت موبايله وقلبت فيه ف المسجات اللى كان باعتها لقيت مسج لما كنا متخانقين بيقول لباباه انا بحبك اوى يابابا ومتخفش انا هنفذ اللى انت عايزة ومش هعارضك ابدا،،،واصلا باباه كان عايزه يطلقنى لان مامته ربنا يسامحها بئا موصلاله فكرة وحشة جداااا عننا وعن اهلى والراجل لما جه مصدقش زووق بابا لدرجة انه دلوقتى مش بيعدى اسبوووع غير لما يكلم بابا:-#:-#
حسيت انه كداب جدااا وغشاش وممكن يرمينى بكل سهولة وعندوش اى مانه انه يسيبنى ف اى وقت:'(:'( مع انه كان كويس بس فعلا لما قريبت المسج دى حسيت انه كداب ومنافق وحسيت انى استعجلت لما حملت منه واستعجلت اكتر لما صدقته لما كان بيعيط لصحابى ويتمسكن لهم لحد ما رجعنى البيت تانى

انا والله مش بدور على النكد مفيش حد بيدور على النكد بايده بس فعلا من امبارح وانا مدياها عياط وعيمى واااااااااارمة ومنظرى زبالة فى الشغل كل ماحد يشوفنى انتى مش نايمة ولا ايهه

وانا نايمة فضلت احلم انى بتخانق معاهم ومرصصاهم واحد واحد والله وهات ياتهزىء ووشتيمة كأنى باخد حقى بالظبط:mad::mad: وكلام انا اصلا فى الحقيقة لا يمكن اقوله بس بجد حسيت انه بطلع اللى جوايا وانا نايمة عقلى الباطن شااايل جدااااااا ومش قادرة بجد تعبت وبحس انه بيمثل عليا وبيكذب ف كللللل حاجة كان بيقولها وف كلللل حاجة بيعملها
انا خلاص مبئتش عبيطة يتضحك عليا بكلمة حلوة ولا بهدية ولا بأى حاجة انا خلاص فتحت عنيا وقررت انى هعيشش معاه واحد غريب وارمى كل همومى ف شغلى والبيبى وبسسس
وهو هيكون آخر حاجة ف حياتى

تخيلو مسئلش حتى انتى زعلانة من ايه ولا بتعيطى ليه ولا طبطب عليا ولا اى حاجة

انا نفسى يحس مرة بس باللى بيعمله فيا وبكدبه ونفاقه وريائه

ازيكم يا بنات

ادعولي يا بنات ربنا ييسر لنا الحال كل ما احس اني مبسوطه اني هنزل مصر ارجع واتضايق ومرعوبه خايفه ننزل وجوزي ميلقيش شغل في مصر كمان وبجد هو نفسيته دمار ومبينمش تقريبا طول الليل صاحي ولو نام يبقي الصبح وبينام وهو قاعد مش عارف ينام علي السرير بيقولي بدخل علي السرير دماغي تصحي واستحاله انام دخلته بالعافيه دلوقتي عشان ينام ومحدش اتصل بيه ولا عبره خالص وهيروح يمكن بكرة يديهم باسبوره عشان يلغوا الاقامه خلاص قدامنا لاخر 1 وهو عاوز ينزلني بعد اسبوعين بالكتير وهو يستني شويه عارفه اني دوشتكم بالقصص دي بس بجد خلاص دماغي هتضرب