شات منتظرات الحمل وامهات المستقبل القريب باذن الله لشهر صفر/يناير

ازيكو يا بنات معلش معملتش اقتباسات لان الصداع ماسكنى وبخش ع اللاب قليل لان دماغى بتوجعنى اوى

امانى بصى الاجسام المضاده ليها علاج زى ديناااا ككداااا متقلقيش واحمدى ربنا انك عرفتى السبب وانه له علاج بس خسسسسسسسسسى بقى عشان الكوتيزون هيملاكى تانى وربنا يفك كربك يارب وانصحك لما تيجى صر روحى لدكتور عثمان هو غالى بس والله بيفهم ومش بينطق بكلمه غير لما يعمل تحاليل ونور حملت معاه هى وهدى وانا ودينا بس دينا عرفت المشكله وحلتها عند دكتور تانى ر بنا يكرمك يارب ويفرح قلبك ياااااااااااااااااااااااارب

ودعه الف مبروك وحمد الله على سلامتك ربنا يبركلك ف النونو يارب ويفرحك بيه

ربنا يفك كربنا جميعا ويفرج همنا وغمنا يااااااااااارب
يارب تكونو بخير معلش مش عارفه اكتب كتير لان دماغى تعبانى دعواتكم

دينا الف سلامه عليكى اشربى ميه كتييييييييييير يابنتى عشان الاملاح والصديد دا وان شاء الله هيديكى علاج هترتاحى عليه

ماجده صلى استخاره كتيييير ومش شرط والله الدكتور يكون عنده زحمه ويبقى كويس او العكس هو نصيب بقى وربنا كريم يقدملك الاصلح يارب

لولى ربنا معاكى يارب ماتنسيش تدعيلنا وانتى بتولدى

امونه ربنا معاكى ف طهارة عمر ابقى لابسيه جلابيات بقى ودفى الاوضه مش هيعرف يلبس سالوبيت وهى يومين وهتبقى زى الفل وابقى ارقيه كدا ربنا يحفظه يارب

ازيكم يا بنات

امونه ربنا يقوم عمر بالسلامه متخافيش دي حاجه هبله وهتعدي

مش انا عيال اول يوم النهارده البس شتوي هنا هههههههههههههههه اه والله حسيت اني تلجت كده قولت الم نفسي شويه

ايه دا يا شوشو معقول انتو الجو دافى عندكواااا كداا

ازيكمممم يا بنااات ..... ديناا اللف سلامه عليكي بتاكلي حوادق ولا ايه اشربي بقي ميه كتير وربنا يعافيكي يارررب .... امنيه سلامتك يا حبيبتي من الصداع ده رخم اوي الله يكون في عونك . وانا والله عارفه ان موضوع الدكاتره و العياده و كده ده طبعا رزق من ربنا وكل واحد و نصيبه بس انا قلقت من ساعه جارة صاحبتي لما قالتلنا انه مش شاطر بس كده .. و ربنا يهدينا للصواااب ......... شوشو بقي انتي لسه مشتيه النهارده ده احنا الجو هنا لوززز برد اوووي

بصى يا ماجده هى قالتلك كدا لانها اكيد بتسمع من الناس وكدا بطبيعه شغلها يعنى بس انتى صلى استخاره وياريت تعرفى حد ولد معاه فعلااا افضل

فى حد هنا ؟؟؟؟؟؟؟؟؟؟؟

انا ازيك يا ساره عامله ايه

الحمد لله يا امنية انتى اخبارك اية

والبيبي عامل اية

انتى فى الكم كدا ؟؟؟

أمونة ربنا يخليكي يا رب على دعواتك يا جميلة... ماما راحت للدكتور بس كان في 3 حوادث وصلت المستشفى و الدكتور في العمليات طول اليوم فماقابلهاش.. و حولوها بس لدكتورة الأشعة تعملها اشعة و قالتلها الاشعة كويسة و بس كدا ما عملتش حاجة.. كان عندي أمل يخليها تبتدي تمشي انهاردة بس الحمد لله رب العالمين .. يا رب يديها معاد تاني قريب...

دينا.. كنت داخلة اعرف عملتي ايه عند الدكتور.. انا مش عارفة ايه الصديد ده من ايه ربنا يصلحلك الحال و يتمم أمورك بخير يا رب.. و طمنينا عليكي..

أمنية.. رديت عليكي على الفيس يا جميل جزاك الله كل خير انا كلمت دينا اهو و عرفت منها التفاصيل و يارب خير... ربنا يشفيكي من الصداع .. عارفاه بتعبه لاني مدمنة صداع اصلا مرة نصفي و مرة عادي و كله .. فربنا يشفيكي يا رب.. نامي و ارتاحي و ماتعديش على الكمبيوتر بقى عشان مايزيدش...
ماجدة مش لازم يكون كلام جارتك صح على فكرة.. ربنا يكرمك و يهديكي للصواب و تستقري على دكتور ... و يقومك بالسلامة يارب..

امنية انا كمان بعزك اوي اوي و ربنا يعلم... خصوصا انك شبه صديقتي حبيبتي من أيام الطفولة شبه بعض اوي في الصور... دايما بتفكريني بيها :)
و بعدين يا دينا صحيح .... طخنتي كام كيلو من الكورتيزون عشان اعمل حسابي... ههههههههههههههه انا دلوقتي 70 ... انزل كمان وللا ايه ههههههههههههه

اماني الكورتيزون بيتخن جامد جداااا

ناا اخت صحبتى اللى بتاخدية دي ما شاء الله هى فى السابع دلوقتى لكن تخنت اااااااااوي ومن اول الحمل

عموما يا امانى كلة يهون علشان البيبي ويا ستى تتخنى تتخنى ولا يهمك بكرة تخسى تانى

بس انتى اتجدعنى كدة

وربنا يكرمك يارب


صحيح انتى التيكر دا كل شوية بتدخلي تعدلية ولا هو بينزل الكيلوهات لوحدة ولا اية نظامة مش داخل دماغي

ساره الحمد لله ياحبيبتى بخير الصداع بس تاعبنى وربنا يشفينى من عنده وانا دلوققتى بفضل الله ف اخر السابع على حسابى على حساب الدكتور دخلت التامن الحمد لله رب العالمين
ربنا يفرح قلبك ياساره يارب والشهر الجاى تطمنينا على نتيجه جوزك يارب ويعوضك عاجلااا غير اجل يارب
امانى انتى حبيبتشى ربنا يخليكى يارب وبعدين انزلى ف الوزن على اد ماتقدرى بجد والله عشان العلاج بينفخ

سارة.. التيكر ده بدخل أعدله كل ما بوزن و وزني يتغير... و ليه ده جميل .. مش داخل دماغك ليه؟؟؟؟

و يا بنتي عادي لما اطخن ايه المشكلة .. كله يهوووووووون طبعا ... بس عايزة ابقى عاملة حسابي في كام كيلو كدا عشان انا لما كنت 98 ك كنت تعبانة جاااامد و بتحرك زي العواجيز .... مابالك بقى لو شايلة في بطني و باخد حقن و كورتيزون .. ممكن امووت قبل ما اولد ههههههههههههههه فعايزة اعمل حسابي في كام كيلو كدا تحت كمان بس بأكل صحي.... عشان مابقاش ضعفانة و ميتة كدا...

paradise rose;15870638:
ساره الحمد لله ياحبيبتى بخير الصداع بس تاعبنى وربنا يشفينى من عنده وانا دلوققتى بفضل الله ف اخر السابع على حسابى على حساب الدكتور دخلت التامن الحمد لله رب العالمين
ربنا يفرح قلبك ياساره يارب والشهر الجاى تطمنينا على نتيجه جوزك يارب ويعوضك عاجلااا غير اجل يارب
امانى انتى حبيبتشى ربنا يخليكى يارب وبعدين انزلى ف الوزن على اد ماتقدرى بجد والله عشان العلاج بينفخ

الف سلام عليكي يا امنية بس لية الصداع اللى على طول دا

ربنا يشفيكي اي حبيبتى ويتملك على خير يارب

وميرسى لدعواتك ويارب يتقبل منك

manyaa;15870644:
سارة.. التيكر ده بدخل أعدله كل ما بوزن و وزني يتغير... و ليه ده جميل .. مش داخل دماغك ليه؟؟؟؟

و يا بنتي عادي لما اطخن ايه المشكلة .. كله يهوووووووون طبعا ... بس عايزة ابقى عاملة حسابي في كام كيلو كدا عشان انا لما كنت 98 ك كنت تعبانة جاااامد و بتحرك زي العواجيز .... مابالك بقى لو شايلة في بطني و باخد حقن و كورتيزون .. ممكن امووت قبل ما اولد ههههههههههههههه فعايزة اعمل حسابي في كام كيلو كدا تحت كمان بس بأكل صحي.... عشان مابقاش ضعفانة و ميتة كدا...

اصل التيكر خلانى اشغل دماغى وانا مش بحب كدا

اقول طيب هو بيعرف ميزانها منين وبيمشى معاها

هههههههههههههههههههههه اصلى زكية شوية

عايزة اقولك ان اخت صحبتى دى دلوقتى هى فى اخر السابع اهوة عقبالنا زيها وربنا يتملها على خير يارب
وصلت للمرحلة انها مبقتش تعرف تنام من تخنها وبقالها كدا قولى من الخامس مثلا

بس طبعا على قلبها احسن من العسل دا اول حمل من 11 سنة

ربنا يتملها على خير ويرزقها كل خير وتفرح بشوفة ضناها فى حضنها

وعقبال نا ربنا يكرمنا ويرزقنا ويرزق كل مشتاقة عاجلا يارب

مش عارفه والله ياساره من يوم ماخدت حقنه التيتانوس دى وانا كدا انا عرفت انها بتظهر اى وجع ف الجسم يعنى عشان المناعه وكدا وواضح ان الصداع سببه رقبتى بسبب المخده اللى بنام عليها مش مريحه اوى ربنا مايورى حد وجع الصداع دا شنيع انا كنت بعالجه بالخل بس دا فعلا صعب
وقعده الكمبيوتر بتزوده بس انا هنا كل الى عندى نامو وانا مش جايلى نوم ولو سبت نفسى هاقعد افكر واقلق ودماغى تودى وتجيب فبتلهى ف اللاب
وربنا يارب يكمل لاخت صحبتك على خير يارب ويفرح قلبها بطفل سليم معافى يااااااااااارب

ربنا يتمملها بخير يااااااااااااارب و يقومها بالسلامة و تجيب اطفال سالمين معافين يا رب.... ياااااااااااااه ربنا يكرمها يارب... بجد حفرحلها اوي والله يارب تيجي تبشرينا لما تولد بالسلامة يا سارة... و ربنا يرزقك و يرزقنا جميعا يارب...
طيب يعني عادي بقى قادرة تتعامل مع الطخن الفظيع مفيش حاجة صعبة الحمد لله .... ربنا يسهل يا رب...


على فكرة يا بنات .... انا كنت بعتت ايميل لدكتور عادل البيجاوي بنتيجة التحاليل و حكيتله قصتي من أولها... بعتله من ايميل زوجي... بصوا رد علية رد غريب جدااااااااااا ...

اهلا بك
حضرتك لا تعرفمي
لكنى واضح و صريح و قاطع

كل ما فعلتوه قبل فقدها لوزن ما هو الا تضيع للوقت و الجهد و المال


اما سبب الاجهاض فخو التكيس و لا شئ غيره
و بالتالى لم يكن هناك اى داعى للقائمه الطويله جدا من التحاليل المكلفه و النادره كسبب للاجهاض و هو واضح

ورغما عن فقد الوزن مازال التكيس درجته مرتفعه جدا


و هذه السيده عندها فرص جيده للحمل الطبيعي

لو اجرت منظار
و هو ما يرفضه اطبائكم لااهم بالمختصر
اطباء حقن مجهري و المنظار لا يفيد الحقن
و هم لا يفكروا فى كيف تحمل هذه السيده بل كيف يجروا حقن

و طبعا فرط التنشيط من الدرجه المتقدمه غير المعالجه من التكيس


و اري ان تستشيروا طبيب تاخر حمل و بعد التاكد من انه لا يجري حقن مجهري

فستسمعون كلاا مختلف تماما


و افوض امري لله

مع اني كنت بتابع عند دكاترة تأخر حمل الأول و هم اللي وجهوني اني اشوف حالي برة في مراكز وسائل مساعدة.. بس طبعا كلهم في السعودية.. للأسف...
بس فعلا حتى لو عندي فرصة في الحمل الطبيعي فمفيش حد حاليا هنا ينفع اروحله ... خلاص...
بس اللي استغربته اوي........ انه ما قالش حاجة على الاجسام المضادة نهاائي وتجاهلها تماما مع اني كاتباله التحليل بنتيجته بالتفصيل.... !!!!!!!!!!!!!!!!!
لما يصحى زوجي الصبح بقى حبقى اقوله.. ان شاءالله و اشوف رأيه ايه...

امين ياارب

عرفتى النوع ولا لسة يا جميل ؟؟؟

ماينا انتى تحليل الاف اس اتش والال اتش كم ؟؟؟؟

fsh

lh