ورطت نفسي

السلام عليكم


بصراحة مش عارفة كيف أبدأ لاني مشوشة وحزينة ومش عارفة أنا غلطانة ولا لأ

أنا حامل في الشهر الخامس ومغتربة في كندا كنت حابة امي تيجي لعندي عند ما اخلف بس خفت زوجي ما يوافق لأنه مش رح يوخذ راحته في البيت ويمكن في خاطره أمه تيجي وتندمت وطلبت منه قبل أسبوعين بأنه يا أمي تيجي أو امه هو ما كان مشجع خاصة انهن كبار بالسن ويمكن ما يعرفن يدبرن حالهن في المطار المهم حكى لي رح أحكي لأمي في الأول وانا رضيت لأني كنت مفكرة أنها مش رح تيجي خاصة أنها قبل 3 سنوات حلفت يمين ما تروح لعند اي حد من زوجات أولادها عند ما يخلفن لموقف حصل من زوجة أحد أبنائها عند ولادتها وحتى لها ابن في السعودية ما رضيت تروح لعنده زوجته كانت بدها تلد هناك وأمها ايضا ما رضيت تروح حتى أنها ولدت في الأردن

وايضا بنتها رح تلد بعدي بأسبوعين فهل يعقل تتركها وتيجي لعندي وبنتها تزوجت جديد وهذا المولود الأول

ام زوجي بتكون زوجة عمي اللزم وهم بيعتبروني واحدة منهم وأنا ما بكرههم المهم لما زوجي حكى لها كانت متردده وشكلها مش مشجعة تيجي لانه سفر المهم اليوم كلمها والظاهر أنها رح تيجي وحكت له اذا أجيت بقعد شهر ونصف لأنه بنتها رح تخلف بعدي بأسبوعين

,انا كانه حد صفعني على وجهي ما عرفت شو بدي أعمل وحكيت له جيب أمي معاها وهاي الفكرة عرضتها عليه من أسبوعين وحكى اهلا وسهلا فيهن ولكن لما حكيت له قلي انتي خليتيني أحكي مع أمي وبس وافقت بدك تجيبي أمك يعني هاي لعبة منك على شان تجيبي أمك ليش ما كنتي صريحة من الأول وانتي فكرتي أنه أمي ما بدها تيجي ومن هالكلام
وأنا طلعت على غرفتي وكنت مقهورة ومضايقة كثير وندمانه اني فتحت الموضوع وكنت أبكي ولحد الآن مش طايقة البيت ولا زوجي ولا دار عمي وبدعو الله أنه ما حد ييجي
انا حاسة أنه أمي حابة تيجي لعندي وخايفة تزعل اذا عمتي أجت وهي لأ
والمشكلة الثانية اخوه في السعودية بفكر ييجي كمان وانا المشكلة لما الد بحب الناس يكونوا عندي مش يظلظا برة يتفسحوا وأنا مكتئبة وهذا الشيء صار معي في ابني الأول حيث أخته زارتنا هي وزوجها وأولادها 3 اسابيع وكانوا تقريبا يطلعوا يوميا وانا أظل لحالي ما عندي حد وكان يصيبني اكتئاب وزوجي كان حاس بس ما بيطلع في ايدو شي

هو زعل مني ما بكلمني الا اذا طلبت شيء بالحاح وحتى ما أكل من طبخي وأنا كمان زعلت ومش طايقيته حتى اني بفكر ألد في الأردن ولكن الطفل صعب يوخذ الجنسية بسهولة لانهم غيروا القانون


نفسيتي تعبانه وندمانه اني طلبت علما أنا طلبت لأنه الجنين ولد وأنا بخاف من الطهور يعني بدي حد يغير له ويحممه خاصة أول أسبوع مع أنه زوجي حكى لي أنه رح يعطل اسبوع وصديقتي قالت لي أنا بحممه

أنا غلطت وورطت حالي ومش عارفه اللي عملته صح ولا لأ ونفسيتي تعبانه مش عارفه اذا هذا عقاب رباني على سوء نيتي مع اني مثل كل وحدة لما تلد بتحب أمها تيجي لعندا