للي سوت تحليل حمل منزلي تدخل ضروري

انتى بعد عشرة ايام سوى مره ثانيه تحليل دم
لان اخت ريلى والله مابين فيها لين بعد شهرين عرفن انها حامل

حبيبتي
اللي اعرفه تحليل الدم يطلع الحمل بعد 48 ساعه من الحمل عكس تحليل البول اللي لازم تكوني قطعتي فتره اسبوع او اسبوعين عالحمل عشان يبان
بعدين صديقتك بالمختبر مالهم شغل بتحاليل البيت يمكن هي ماعندها خبره فيهم الاولى سئلتيها عن تحليل الدم وكانت بتقولك انه مضمون اكثر ويظهر نتجية الحمل حتى لو الحمل له فتره قصيره
وانا اقولك عن خبره هو يجي فيه خطين ولما يمرو البول على هالخطين في هرمونات معينه ترتفع مع الحمل فيتلونون بالاحمر اذا لا يطلعلك خط واحد
وعموما اصبري اسبوع او 10 ايام وحللي دم حتى لو رحتي المستشفى وقلتي بحلل للحمل بيقولون لك الدم افضل من البول

مشكورين على الرد

حبيبتي انا شقولك تعببببببببت كل شهر اسوي تحليلين ههههههه لازم بالبيت بعدين بالدم بالمستشفى وتنتظرين اسبوع على نتيجة موثوقه ولا بسرعه على نتيجه مو مضمونه
وهو يكون فيه خطين من البدايه انا تمقلت فيه شهووور لين شبعت هههههههه اصبري شوي وان شاءالله خير
اذا تبين اشتري تحليل كلير بلو يقولون ميه ميه حتى لو قبل موعد الدوره يطلع النتيجه

الله يرزقك اللي تتمني

الله يرزقك بالذرية الصالحة ان شاء الله

بالنسبة لتجربتي
لازم تسوين التحليل من الصبح توش قاعدة من النوم تسوين
ولازم تحليل البول تكون الدورة متأخرة 10 أيام عن موعد الدورة
ولازم تقرين التعليمات عدل الي على الجهاز
يعني المدة الي تظهر فيها النتيجة كم
أكثر شي تكون 10 دقايق على ما أعتقد يعني
وظهور خط خفيف معناه أن في هرمون حمل
بس يمكن ما بين بتحليل الدم

أني أقول صبري كم يوم بعد وحللي دم مرة 2 اذا تأخرت أكثر

والله يكتب لش الى فيه صلاح ان شاء الله

حبيبتي بالنسبة للجهاز المنزلي دايما يكتبون بالنهايه ان قراءة النتيجة تكون في وقت معين مايتعداه يعني مثلا في غضون عشر دقائق ومن بعد العشر دقائق راح تطلع النتيجة مغلوطة بمعنى آخر انه لازم تشوفين النتيجة في البداية واي نتيجة تطلع بعد الفترة اللي حاطينها ليش راح تكون غلط ومو صحيحة لان الحمض اللي ينتج من الابوال وانتي بالكرامة راح يتغير بسبب البكتيريا وغيره ...

اما عن فحص الدم فهو يقدر يطلع نتيجة الحمل وهو بعمر الاسبوع وبعض الناس مايزيد عندهم هرمون الحمل بنسبة تخليه يطلع بالفحص الا بعد اسبوعين او ثلاثه فهذا يعتمد على كل وحده وجسمها ...

عن نفسي انا فحص بالكلير بلووو قبل 4 الى 5 ايام من الدورة وطلعت لي النتيجة مباشرة حمل و انهبلت فرحت اليوم الثاني لفحص الدم وفعلا طلع فيه حمل ( يعني عرفت قبل موعد الدورة بثلاثه الى اربعه ايام)

بصراحة اختي صارلها نفس اللي صارلك طلع الخط الثاني بعد ساعات من سوت التحليل وراحت المشفى وطلع سلبي وفعلا نزلت الدورة بعد يومينن

انا انصحج تستخدمين تست حمل رقمي تبع كلير بلو

يطلع لج + او - احسن من الخطوط اللي تعور راسج

انا استخدمته بعد تأخر الدورة ب 3 ايام وطلع موجب

شمعة البحارنه;15856961:

مشكورين على الردود

وانه ما ابغي احمل اصلا

لان ولدي توه سنتين و3 شهور خله يكبر شوي

واحنا ماخططنا لحمل بس اذا الله اراد ماراح اقول لا ولا راح ازعل بعد

بالعكس بفرح هذا رزق وناس تتمناه

وعن تحليل كلير بلو هل يتواجد في صيدليات معينه ؟ اذا ممكن اعرف وين ؟؟

موجود بكل الصيدليات

والله يكتب إلك الخير

اممممممممم

ماعرف شاقولج بس

انه صار لي جذي في البدايه خط غامج و خط فاتح


والخط الفاتح طلع بعد فتره


استانسسسسسسسسست وايييييييييييييييييد

وعقب اسبوع هههههههه رحت المستشفى وسويت تحليل عندهم وطلعت صج حامل

و ان شاء الله تكونين حامل

واذا مب حامل الحمدلله عندج بيبي

الله يرزق الي ماعندها ان شاء الله