قصه ولادتي بــ عبدالاله

قصه ولادتـــي ( عبدالاله )

ليله الجمعه 16 - 12 جاتني الالام خفيفه مع دم من المغرب الى الساعه 9 تقريبا .. وبعدها قام يزيد ويزيد واقعد الى الفجر الساعه 4 وانا اتألــــم والدم يزيد . وكل ساعه زوجي يقول لي اوديك المستشفى وانا اقول لا تو الناس . ومن بعد الساعه 4 جاني ترجيع غير طبيعي واسهال غير طبيعي .. مت شفت المووت بعيوني ..
وصلت الى 6 الصباح وماقدرت ومسكين زوجي يبغى يلبس العيال للروضه وانا اقول له ماني قادره . ووديت العيال بيت اهلي وعيالي يناقزون وفرحانين بيجي الدادا ههههه
المهم رحت المستشفى وانا على اخر نفس وقاسوا لي الرحم 3 سم .. وانا هنا عصبت على الالام والتعب ليش مازاد اكثر ..
خلوني ساعتين ولسه ماتغير 3 سم .. وقالت الدكتوره تنويم قلت خلاص اوكي .. وبعدين عطوني ابره مهدئه ولا في فايده الطلق شغال هههه ماخفت بس حسيت بدوخه قالوا عادي لازم الدوخه ومن اثرها جاني النوم اغفي ولجات الطلقه اصحى والله حاله .. وضليت الى 3 ونص الفجر توه 4 سم وقالت راح افتح المويه للطفل وفتحته وصار 5 سم قالت خلاص ان شاء الله ساعه بالكثير او ساعتين تكونين ولدتي .. مااخذت خمس دقايق الا حسيت بدفع قوووي قمت اصرخ عليهم خلاص بيطلع البيبي .يقولون تو الناس وانا اقول والله بيطلع البيبي .. قامت بتقيس شافت راسه طلع قالت يلا ادفعي خلاص ودفعت وطلع راسه وعلى طول خافوا وقامت الدكتوره ماخذه مقص وخفت
شفيه البيبي ماردوا علي وبعدين قالو يلا ادفعي ودفعت وطلع حبيبي يصيح وانا اصيح معاه ..

بس المعجزه ربي لحب عبده . صار الحبل السري ملفوف على رقبته 3 مرات الله كتب له عمر جديد ..
والشي الثاني الحمدلله مافي جراحه مع اني كنت ابغى ههههه
والشي الثالث اني نزفت ووصل دمي 8 ونص ..


بس كل شي يهون والحمدلله وهذاني وياكم الحين وبصحه وسلامه