عيادة لليزر تشتغل بأمانة في جدة

السلام عليكم يا اأخواتي الغاليات حبيت أسألكم عن مركز جلدية كويس في جدة عشان أبي أكمل جلسات الليزر حقت الرجلين ولا تقولون لي عيادة عيد كلينك في جدة لأني سويت عندهم 3 جلسات الليزر للرجلين وما في فايدة بس في أول جلسة لي أهتمت الدكتورة وطولت وهي تسوي لي الليزر وبعدين في الجلسة الثانية بسرعةوماطولت مشت على رجلين وأنا أقول لها هنا في شعر كثيف و ما حطيتي عليه الليزر وهي تطنش ولا تسمع لي وتقول لي طيب بعدين وبس تخلص تطلع بسرعة وتنادي الممرضة عشان تدهن الكريم على الرجلين وتختفي وأنا دفعت في كل جلسة 1500 ريال يعني 4500 ريال في كل الجلسات حتى زوجي علق قال ما أشوف في تغير أو تحسن في الرجلين وكمان في الجلسة الثالثة جيت وانا ما حلقت الرجلين وقلت لها عشان تشوفين يادكتورة الشعر وإن في أماكن قل الشعر فيهاوفي أماكن ما مر عليه الليزر فعصبت علي تخيلوا وقالت لا هذا الشعر تحت الجلد ؟؟وأنا مريت على الرجلين كاملة ؟؟وقلت المسمات حقت الشعر موجودة طيب ولا خفت قالت من قال لك إنها تخف ؟؟؟ هذي مسمات العرق وراح تظل موجودة والشعر ماراح يختفي نهائيا؟؟؟ :!!: أنا أخواتي عملوا الليزر للرجلين بس في المنطقة الشرقية وأختفى حتى المسمات والرجلين صارت صافية :thumbs_up: فقررت إني أترك العيادة :'((لأنهم مايشتغلون بأمانة ,والدكتورة تعاملها زفت المفروض إنهم يغيرووون الدرجة حقت الليزر أو تسألني و تمر على كل مكان ) فقررت زي ما قلت لكم إني أتركها وأشوف عيادة ثانية كويسة في جدة فأرجوا منكم اللي تعرف مكان زين وتعاملهم زين في جدة تقول لي:o