بنات ساعدوني بليز - منتديات عروس

د

دمعه شقا

عروس مشاركة

16-12-2011 | 09:38 PM

بنات عندي صديقه جايها خطاب يوم لاحد

البنت مرتبكه والي قاهرها ان امها يلا اي شي زي البس اي شي

الشعر اي شي

تقول البنت جالسه ازن عليها وتطلع وتدخل بها الملابس وخواتها يضحكون عليها

ويتطنزون عليها وهي تحوس مو عارفه شتلبس
وفعلا ماعندها ملابس كويسه يعني كشخه

وامها هاملتها كل ماقالت شي قالت لها امها اي شي

ت

تمنيت

تاجرة

16-12-2011 | 09:43 PM

هي تقدر تهتم بلبسها وكشختها حتى لو امها ما عطتها رايها

واذا ماعندها لبس تقول بروح اششتري

مابنقدر من المنتد نعطيها حل غير هذا

وبالتوفيق

:f:

د

دمعه شقا

عروس مشاركة

16-12-2011 | 09:45 PM

انا اقصد على خواتها يضحكون ويتطنزون

هي متضايقه من كذا وغير كذا هي متوتره لان مافي وقت ابدا

a

amal&noor

عروس مشرقة

17-12-2011 | 02:36 AM

إذا انت مقاساتكن متقاربة عيريها من عندك شي قطعة ناعمة ومحتشمة بنفس الوقت وفعلا كلام امها معقول لانو النصيب اذا إجا مابوقفه لبس ولاغيره خليها تسشور عادي وشعرها مفرود وتلبس بلوزة ناعمة مع تنورة محتشمة واكسسوار ناعم والسلام وتريقة اخواتها لانها بتكون متوترة حابيين يتسلو فيها مو معناه انها مو حلوة..........موفقة

%

%رونق آلكآدي%

عروس برونزية

17-12-2011 | 04:20 AM

انا ما اشوف اللبس مهم قد ماتكون البنت هي نفسها مهم شكلها بالنسبة للخطاب يعني اي شي مرتب وذوق راح يخليها مرتبة وحلوة معقولة ولا بدله كشخة عندها!

.

.loleta.

عروس مبدعة

18-12-2011 | 09:36 PM

%رونق آلكآدي%;15836337:
انا ما اشوف اللبس مهم قد ماتكون البنت هي نفسها مهم شكلها بالنسبة للخطاب يعني اي شي مرتب وذوق راح يخليها مرتبة وحلوة معقولة ولا بدله كشخة عندها!

ليه كنك مو عارفه فيه ناس ما معها توكل ليكون عندها بدله كشخه
حبيبتي صاحبة الموضوع انتي حاولي ساعديها وبجوز خواتها بضحكن على الموقف نفسه

أ

أم نجود الأحساء

مشرفة سابقة

19-12-2011 | 03:11 AM

الله يوفقها و يكتب إلها الخير

ك

كادي الدلوعه

عروس فضية

19-12-2011 | 05:46 AM

الله يوفقها في حيـــــــاتها ..
عادي الاخوات دايما يجي منهم مواقف مرأت ....
بس هيا لا تصير حساسه زياده منهم ...
يعني هما فالاخير اخوات ..
وعلى الكشخه ممكن تستعير مثلا من صديقه لها حاجه مرتبه ..
ومكياج واكسسورات ..وكدا
واخواتها ممكن تقول لهم بدال ما تضحكون رؤؤحو رتبو الصالون ..وكاسات عصير وتتكلم معهم بجديه شويه ..
وصدقيني راح يساعدوها ...
وبالتووفيق ......

ا

العتب

مشرفة سابقة

19-12-2011 | 08:30 AM

الغالية هي كبيرة كفاية ليتكون شخصيتها المستقلة من حيث الملبس والمظهر الخاص بها ... الغالية خليها تدخل النت ومنتدانا هذا وتشوف مواقف البنات في الخطبه شو يلبسون وشو يصير من مواقف في الخطة ... عشان تستفيد وطور وتتجنب الاخطاء

E

Elizabeth2

عروس متألقة

19-12-2011 | 12:55 PM

%رونق آلكآدي%;15836337:
انا ما اشوف اللبس مهم قد ماتكون البنت هي نفسها مهم شكلها بالنسبة للخطاب يعني اي شي مرتب وذوق راح يخليها مرتبة وحلوة معقولة ولا بدله كشخة عندها!

كلامك صح .. بس البنت ما اشتكت عن شكلها .. و ربكتها طبيعي توها تتعود اصلا يا حلوها واهي ترتبك حالها حال اي بنت صغيرة ييونها خطاب طبيعي جداً
و الرزق المادي من عند الله
من رايي يا صاحبة الموضوع تدور اي شي مناسب مرتب و تكون مرتاحة لا ترتبك ترى خواتها مو من قلبهم يمزحو معاها خلها ريلاكسسس والله يوفقها F: :D

م

ماذا اقول

مراقبة أركان البيت والمطبخ ومشرفة ركن الأزياء ، عضو فريق التطوير بالمنتدى

20-12-2011 | 12:59 AM

مش مهم يكون كشخة على الآخر المهم شي مرتب وترتب مكياجها
والله يتمم لها على خير
والله يعطيكِ الصحة والعافية

u

umjana79

عروس ركن قضايا و حلول

20-12-2011 | 09:47 AM

اختي الغاليه ...

حلات البنت وزينتها بحجابها...
اذا كان الي جاينيها حريم ... والبنت جميله....لا تعتمد الا على كحل وقلوس ,,, وتسوي شعرها ستشوار وتكون لابسه عبايتها ...
يعني لمن تلبس لبس كشخه .. ( اللبس الي بيزوجها الريال) يا اختي بنات .. تزوجو... لا مظهر ولا لبس ولا جمال..

واذا كانت النظره الشرعيه فلتلزم بحجابها وعباتها.. وتكتفي بنفس اللوك... بدون مبالغات... والبساطه هي احلى الاشياء..
هي خطبه مو عرس ولا ملجه...

يوم تستلم مهرها ساعديها بالذوق واللبس... وشي طبيعي الاخوان يجاكرن اختهم..

تحياتي

ام جنى

&

❥ بَـحّـة قَصْيٍـِد ❥

عروس ماسية

24-12-2011 | 07:21 AM

يمكن خواتهم يتطنزون من باب المداعبه والاخوه كل وحده من خواتي انخطبت لازم نقط كلام يضحك ونغزات عاتي حنا بلنهايه نعرف انها مجرد دعابات ومزح

لاتشيل بخاطرها على خواتها نصيحه لو تحسب حساب كل شيء ماراح ترتاح احلى شيء تطنشين وتعدين الامور عشان الحياه تمشي

وبالنسه للبس عاتي تنوره ساده تلبس مع اي بلوزه تناسبها مو لازم تكون كشخه مره الاهم تتطقم عليها اكسسورات هي اللي تعطي منظر للبس وتبينه كشخه او عادي

ولاتحط مكياج غير كحله وقلوس وردي وشوية بلاشر لو حابه وبالتوفيق يارب...

بشرينا اتمام خطبتها قريب يارب