ما اعرف شلون اتعامل وكيف اتصرف مع امي ابي شوركم

مرحبا خواتي في منتدانا الغالى عروس

بطرح مشكلتى عليكم واتمنى كل وحده تساعدنى برايها

انه بنت عمري 25 سنه صارلي سنتين تخرجت من الجامعه وحاليا جالسه فى البيت

تقدموا لي كذا مره اشخاص بعد النظره الشرعيه انه ما ارتاح لهم وارفض ويصير مرتين انه اوافق والموضوع الله ما يريد ويكمل ويصيرشي يفركش الموضوع

صار وتعرفت بالصدفه علي شخص اصغر مني 4 سنوات حاليا عمره 21سنه انه ما فكرت فيه بحكم انه اصغر مني وكانت علاقتي فيه عاديه صار وهذا الشخص صدمنى انه خبر اهله عني قال لابوه وامه عني ويبي يتزوجني واهله كلموني عشان يتقدمون لي رسمي

انه فى حيره من امري هالشخص اصغر مني بس ماشاء الله عليه عقله كبير ورجال يعتمد عليه في سببين كنت خايفه منهم اولا انه اصغر مني 4 سنوات واهلي من النوع لي يحاسبون علي كل شي في امور الزواج العمر قلت يمكن يهون بعديها السبب الثاني انه مو مكمل مدرسه وصل بس لصف الثامن(( ثاني متوسط)) وانه مكمله جامعه بس يشتغل وعنده راتب ابوه رجال بخير وعنده اعمال حره وهو يشتغل مع ابوه فى مشاريع اعمال حره وابوه يعطيه راتب كل شهر بمستوا رواتب الموظفين عندنا في الدوله

لصبي انه شخصيا مرتاحه منه نفسيا ومتقبلته ويقولي مابي اخسرج وابيج ويوم قلتله كمل مدرسه قالى بكمل عشانج بس اذا اهلج ما يبونى ما بكمل مشكله لو بنطره يكمل بكون 4 سنوات انه بكون عمري 29 واهوا 25

ماعرف كيف اتصرف وشلون اقنع امي انه ماديا بكون عايشه معاه مرتاحه والاهم انه مرتاحه من الشخص نفسه وحبيته:thumbs_down:لو كنتوا مكانى شلون تتصرفون وكيف بتحاولون تقنعون اهلكم وشلون بكون موقفكم و تصرفكم احتاج شوركم انه ما عدت صغيره قريب بصير26 ولو نطرت وصبرت انه مو متاكده بجيني شخص دارس مثل ما اهلي يبون وارتاح منه لانه تقدموا لي قبل اشخاص دارسين بس ما تقبلتهم ما اقدر اجبرر روحي علي شخص ما تقبلته للعلم انه وحيده اهلي واكيد كل ام وابوه يتمنون الاحسن لعيالهم