ساعدوني .. بستجن

ليييييييييييييييييييييييييييييييييييييه وانتي وش مسويه بالعكس الوعده ترفعها شهادتها وانتي مشاء الله معدلك قوي وماعليك مهم را اهم يقولون لك كذايبون يحطمونك حبيبتي لا تسمعي لاحد وانتي الصح وهم الغلط وشفيها اذا اتزوجتي وانتي تدرسين ناس كثير ماشاء الله تزوجو وهذا هم مبسطين ومعدلهم ماشاء الله عالي لاتووسوسين وتعوذي من ابليس ولاعليك من البنات اذا معدلك عالي اتركيهم يخربون علي

الشهادة تجعلك مميزة عن غيرك
وورقه رابحه بكرا او بعدو اذا احتجتي تشتغلي درجتك وعلاوتك بتكون احسن بكثير من غيرك اللي من الثانوية

انزين يعني واللي في الجامعة ما تنخطب؟؟ ما تعرس؟؟!!!!!!!!

إذا إنتي مو داشة الجامعة حق الوظيفة اعتبري روحج داشتها حق ثقافتج حق شخصيتج

إنتي في جامعة خاصة يعني أكيد أكيد أكيييييد دار مدارج موظفين يدرسون وياج ... أعمارهم تتوقعين جم؟؟ وليش في هالعمر دشوا جامعة؟؟
أنا كنت في جامعة خاصة ومعاي ناس في عمر أبوي توهم يدرسون وكانت الجامعة بالنسبة لهم شي حلو شي ينور عقلهم .. كانوا يقدرون يدرسون واهمه شباب بس حسبوها غلط حزتها


وبالله عليج توظفتي بشهادة الثانوية؟؟ جم معاش بتحصلين تتوقعين؟؟؟ وبعدين؟؟

بتمين 5 سنوات ولا 7 وبتقولين ما رقوني ما طوروني ما عطوني امتيازات

بيقولون لج ما عندج مؤهلات وما عندنا ميزانية واهمه الصاجين

حزتها بتقولين آبي أدرس

الريال الحين يبي الزوجة الموظفة اللي تساعده وتشيله وغذا طلع فيها وقال ما يبي موظفة مردها الأيام بتخليه يضرب أخماس في أسداس ويقول يا ريت

هدا حد تفكيرج تخلصي ثانويه وتتزوجي هدا اقصى طموحج والله مابتنفعج الا الدراسه الزواج مو كل حاجه فرضا كملتي الثانويه مانخطبتي والا تزوجتي ماتوفقتي وما عندج احد الا عندج وظيفه وراتب العلم يرفع الانسان الريال الحين يحب المتعلمه اللي مستقله بنفسها وداتها والله قهرتيني بها الكلام وترا اللي قالوا لج كان ماكلمتي=غيره دابحتهم الحين الوحده بيجيها رزق سواء كانت تدرس والا موظفه وهدا كله بيد الله سبحانه هدا وانتي المتعلمه تفكرين بها الطريقه كيف اللي قاعدين ببيوتهم وماختلطوا وايد بالناس ولا يدرون عن حاجه طموحهم على قدهم بيت وزوج واولاد وكرف وملاحق عيالها ومن قالج اللي تدخل الجامعه ماتتزوج بس بنات الثانويه الله يختار لللانسان اللي فيه الصالح ترى الدراسه لج مو لغيرج بيكون لج كيان ومستقبل والزيادات لا توظفتي ممن نصيبج بس انتي اللي يهداج ياسه ومدري ليش هالتشاؤم

الله يكتب إلك الخير

انا عن نفسي ما اشوفها شي وش بصير إذا كملتي دراستك و تصيرين الأينشتاين بالعايلة
بالعكس انتي مميزة عند عايلتك لن معروف في عايلتك ان محد يقدر يوصل لمستواك حبيبتي

قولي في نفسك محد يوصل و يحقق اللي انا سويته
و بعدين تقدرين تتزوجين و تكملين دراستك يعني 2 في 1 و ايش يضمن لك اول ما تطلعين تتزوجين على طول

انا بنت خالي صار لها سنتين من تخرجت من الثانوية و لحد الحين ما تزوجت مع ان اغلب اخواتها تزوجوا بعد الثانوية
لأن الأرزاق بيد الله و لا تفكرين مثل هالتفكير خلي ايمانك بالله قوي و استمري

و هاللي يقولون لك انك مضيعة عمرك هم يقولون لك كذا عشانهم منقهرين منك و حاسدينك ما سمعتي بمثل فيثاغووورس ؟؟

" كثرة حسادك شهادة لك على نجاحك "

و انتي تحسبينهم ما يتعبون ؟! ترى الزواج اكثر شي بالدنيا يتعب لأنه مسؤولية
مو زي العز اللي انتي فيه الحييين
تقدرين تنامين و تصحين و تسهرين على كيف كيف كيف كيفك
و غداك اول ما تجين جاااهز
و مصروفك في يدك

كل شي عندك و لا تقولين اكو بنات بعد الثانوية يشتغلون !!
وش يضمن لك إذا طلعتي بتتوظفين

شوفي عندي لك فكرة
كلنا نزهق بالدراسة اوووك !! و كلنا نبغي نتوظف
شرايك تروحين لمدارس اهليه او بنووك او اي شي و إذا لقيتي لك وظيفة و جاك التعيين طلعي

اما لا تطلعين كذااا بدون شي
لأنك بتندمين يوم لا ينفع فيه الندم

فكري زين اختي
فكررري زيييييين

اشكركم كلكم حبيباتي

نص ريال .. مسااعي وديه .. aisha.. madam simo .. M!ss CoLoRz ..

ذبـכـنيــۓْ بــرد الأيــآميــۓ .. أم نجود الأحساء .. مس جلونار


مشكورين وحده وحده فيكم لانكم تعنيتو ورديتو علي

الله يوفقكم ويحقق ما تتمنون يا الله

بنات انا مو مشكلتي اني ابا اتزوج ولا مستعجله على الزواج ابداً

بالعكس قاعده ازيد الطين بله وارفض كل الخطاطيب من حولي عشان دراستي واقولهم انا ادرس وان شاء الله لمن اكمل يصير خير

مع اني عارفه هذا الشيء غلط وان مو كل رجال يجي مثله مرة ثانيه

مشكلتي اني دائماً اكرر واقول

لو رجع فيني الزمن كنت من اول مايجون هالرجال اجوف نصيبي واقعد بالبيت ولا ادرس واتعب

أحس اني فعلاً غبيه لما افكر هالتفكير

لكن الي يخليني اقول ان هالتفكير صح مساعده البنات من حولي

لان ماشاء الله عندي نسبه كبيره من اصدقائي متزوجين وكلهم نفس الكلام ( مضيعه وقتج بالدراسه )

وبالخصوص لمن اقعد وياهم واسمع كلامهم احس نفسي بعالم ثاني

نا كنت في جامعة خاصة ومعاي ناس في عمر أبوي توهم يدرسون وكانت الجامعة بالنسبة لهم شي حلو شي ينور عقلهم .. كانوا يقدرون يدرسون واهمه شباب بس حسبوها غلط حزتها

فعلا في معانا اشخاص اعمارهم فوق 30 .. بعيداً عن ان الدراسه تنور عقولهم احسهم مجبورين لترقية في العمل او غيرها


الله يهديني بس :(

أحسن حل اني اقعد مع نفسي واكتب ايجابيات وسلبيات الموضوعين واقنع نفسي

لكن انتو بعد ردودكم خواتي راح تأثر فيني اكثر

اختي الناس مايبوووون الخير لا احد لو لقى انسان ناجح الا يحطمونه لا تسمعين لهم وخلي كلامهم دافع لج

بلعكس انتي الصح اتي معك سلاح الي هو الشهاده والله يرزقك بزوج الصالح مب شرط من تخلص ثانويه تتزوج اعرف وحده خلصت ثانوي وجلست تقول مابي اوجع راسي جامعه ومدري ايش سبحان الله رزقها جا بعد اربع سنوات يعني لو كملت كان معها شهاده وتزوجت محد يعلم الغيب الا الله سبحانه ليش متضايقه الله الي يسوق الرزق سبحانه

الله يكتب إلك الخير

خل نتخيل الوضع شوي

اول شي ناخذ قصة رفيجتج اللي عرست مباشرة عقب الثانوي ولا درست بالجامعة ..

تخرجت من الثنوي .. انخطبت .. فترة دلع ووناسة ... تزوجت .. اول سنة بعد دلع ووناسة .. بعدين اول طفل .. ثاني طفل .. الثالث و الرابع و لحد اللي الله يكتبه .. دخلتهم الروضة .. واهي في البيت .. راحو المدرسة واهي في البيت .. تخرجو من المدرسة واهي في البيت .. ممكن عيالها يدرسون جامعة.. او ممكن البنات يعيدون نفس قصتها ... اوكي وين النهاية ؟؟ شنو استفادت اهي من عدم دراستها ؟؟ شنو اهميتها في المجتمع ؟؟ انزين عيالها بيطلعون ناس لهم قيمة في المجتمع او لا مثلها ؟؟؟ .. ممكن بعد فترة من الزمن يحتاجون فلوس اكثر حق يطورون حالتهم المعيشية .. اهي شهادتها ثنويه .. شبتشتغل يعني ؟؟ اذا كشخوها حده بتصير سكرتيرة ... والحين بعد صعب لأن الجامعيين وايد وشي طبيعي بيفضلون الجامعي على صاحب شهادة الثنوية .. حتى لو بالشغلات البسيطة .. ياخذون الجامعي لأن له مستقبل اكثر ويتوقعون منه جهد افضل


الحين نتخيل وضعج انتي


تخرجتي من الثانوي .. دخلتي الجامعة .. كملتي عقب 4 ولا 5 سنين ... عقب التخرج اشتغلتي .. انخطبتي .. تزوجتي يبتي عيال.. تقدرين تدخلينهم مدارس افضل من المدارس اللي صديقاتج دخلو عيالهم ... توفرين لهم حياة افضل من اللي صديقاتج وفروها لعيالهم ..لج دور في المجتمع .. مابتحسسين زوجج انج عالة عليه ..
غالبا الجامعيات يتزوجون رجال منصبهم او مستقبلهم افضل من الغير جامعيات ...


انتي اختاري بين القصتين من تبين تكونين ؟

انه بنظري سواء انتي قاعدة تدرسين ولا في البيت ولا بأمريكا .. جدي جدي النصيب الله يكتبه بالوقت اللي الله يختاره
فلا تتحسفين على شي بيد الله ..
و بنظري .. الدراسة اهم من الزواج بألف مرة .. لانه الدراسة ترفع قدرج أمام المجتمع و زوجج المستقبلي و اطفالج المستقبليين .. انتي اذا تزوجتي ما راح تاخذين كثر ما بتعطيييييييييييين .. اهو تربية اطفال اهو اهتمام بالزوج اهو انج تراكضين الى لقمة العيش لو زوجج ما قدر و انتي؟؟ شنو راح تاخذين ؟؟ يمكن الحب بين الزوجين وهل انتي ضامنه ما تصير مشاكل بالاحرى انتي راح تعطين اكثر مما تاخذين وانتي طالعه صفر عالشمال لا دراااسة ولا همك الله ولا طموح و لا وظيفة مرموقة .. يعني بتصيرين متأخرة ..
بس لو عندج دراسة انتي بالواجهة .. ولج كيانج و قدرج .. وضامنة نفسج يعني مو محتاجة حتى لزوجج و تبينين حياتج بالراحة .. ولو فرضا ما حصلتي وظيفة مردج بتحصلين لانه الشهادة البكالورويوس مثلا تختلف عن شهادة ثنوي اللي حدها يمكن قرشين راتبها هذا بنظري
الدراسة اهي الا ما راح تتغير عندج سواء تزوجتي او لا

تعوذي من إبليس .. الحين الناس ماتكتفي بالشهادة الجامعية وتاخذ شهادات تخصصية وتطور من روحها وانتي اللي حاصل لج دراسة تقولين قعدت فالبيت

الحمدلله خلصتي سنتين ومعدلج مب نازل حق كل هالياس

وصدقيني الدراسة الجامعية غير مب بس دراسة وشهادة تعتبر زيادة علم ومعرفة بس انتي توكلي على الله وتركي عنج وساوس الشيطان

وتاكدي ان في وايد غيرج يتمنون يحصلون اللي عندج ..

ومافيها شي لو انخطبتي وتزوجتي فالجامعة مب شرط اللي قاعدة فالبيت أهيا اللي بتتزوج

انتي بس تركي الأفكار السودة عنج مركزي في دراستج وان شاءالله بيرتفع معدلج

الله يهديكي والله اللي مابتنام عينو عن عبيده انو شهادتك أحسن من ميت رجال يابنت الحلال هدا وسواس عم يلعب فيكي كلها كم سنة وبتمضى إنت حتضلي تدرسي كل عمرك؟؟؟بعدين لما الرجل المثقف صاحب الشهادة العليا بحب يرتبط بيدور على ست مثقفة يفتخر فيها قدام العالم شهادتك بترفعك حتى مستوى خطابك بيرتفع مابيتقدملك مين ماكان........الله يوفقك

حبيبتي
كيف بنقنعك باهمية شي انتي ماتبينه؟!
اذا انتي ماحسيتي باهمية دراستك ومااتوقع انك مو حاسه لانك لو مو حاسه ماذاكرتي واجتهدتي,انا رايي تدوري بداخلك عن السبب اللي قاعده تخلينه يندمك على قرار دراستك,بعدين مين قالك ماتقدري تتزوجي وتدرسي!! في ناس يدرسو طب طببببببببب 7 سنين ومدري كم سنه تطبيق ودوام زفت ويتزوجون ويجيبون عيال لاتقولين مقدر ترا السالفه جد مو صعبه مابتقابلين وجه زوجك 24 ساعه! ولا بتقابلين كتابك 24 ساعه كل شي بالتنظيم وتنظيمك لوقتك مهم جدا باذن الله مابتهملي بواجباتك الزوجيه ولا بدراستك وبالعكس اللي تدرس وتحصل شهاده هذي ضمانه لها مايدري الواحد الدنيا تقطه بظروف احيانا يضطر فيها يدور على شغل يقدر يصرف على نفسه منها
وصدقيني محد عمره تندم ان كمل دراسته بالعكس اللي يتندمون دايم اللي مايكملون

الشهادة تجعلك مميزة عن غيرك