عطوني مشورتكن ضروري والحين قبل لا يتزوج زوجها عليها!!

صبحكم الله بالخير والود والعافية

أنا يا بنات محتارة ومن امس ما نمت نومه عدله وكله أفكر بهالحرمة اللي ساهية لاهيه ولا عندها خبر بشي بخبركم القصة بالكامل وأبيكم تشورن عليه بالرأي السديد بدل الحيرة اللي انا فيها الحين.

أمس زوجي جاني وجلس يحكي لي عن زميلة في العمل وهالزميل انا سامعه عنه و في بعض المرات في أيام الأعياد يطرش لنا هدايا كعك العيد وحلويات وذلك بسبب أن زوجي دائما يساعده ولما يحتاج هالشخص لمبالغ دائما زوجي يعطيه وما يقصر معاه وهالزميل أمين ومتدين ودائما يرجع فلوس زوجي ومعاهم بوسه مثل ما يقولوا يعني لازم يحط فوق المبلغ هديه يعني من أفعاله يبين انه طيب.

المهم هالزميل كلم زوجي ويبي أستشارته في موضوع مهم قاله أنا أريد أتزوج فوق زوجتي:'( وجلس يمدح في زوجته أنها أنسانه طيبة ومحترمه وعندهم أولاد وهم مغتربين من مصر وزوجته موظفه وهو موظف وحالتهم المادية طيبة بس زوجته سبق وأن صابها السرطان في المبايض وعملت عملية فالظاهر يمكن سبب لها برود مع ان ما اعتقد هالسبب لكن الرجال ما جاب وشرح بالتفصيل عن زوجته بس زوجي فهمها أنها يمكن عندها برود جنسي وعلى حسب كلام صاحبه أن حاول معاها كم مرة .

الحين هالرجال تعرف على وحده من بلده وهي مطلقة وعندها ولد ومن أهله والبنت موافقه تتزوجه لكن ما هاينه عليه زوجته .

فطبعا زوجي المصون من الناس اللي عادي عندها التعدد وان من الدين:mad: يعني بالله عليهم هالرجال ما يعرفوا في الدين غير التعدد حسبي الله ونعم الوكيل سأله انت قادر تتزوج قادر تفتح بيتين قادر تتحمل المسؤلية فزميلة يقول له أيوا قادر فقال له توكل على الله;) يعني ما حسبوا حساب أن هالزوجة المسكينة المضحية في بلد غير بلدها وأشتغلت وكدت معاه وأولادهم الحين في الثانوي والحين هي الحمد لله شفت من مرضها وهي بخير يعني ما مقصره معاه بشي يجي يكافئها بزوجة ثانية .

مرة يجيني شور أدور رقم هالحرمه من تحت الأرض واتصل انبهها تعدل من وضعها وحياتها وتنتبه لزوجها وتحاول تبعد هذيك خطافة الرجال عن زوجه ومرات محتارة أخاف زوجي يعرف ويشك فيني أني أنا اللي خبرت زوجت الرجال مع العلم أن هالحرمة لا أعرفها ولا لي أي علاقه معاها ولا مع زوجها إلا اللهم اني مرتين كليت من ايدها كعك العيد وحلوياته لما طرشتها مع زوجها لزوجي وما هاينه عليه اللقمة أحسها واقفه في زوري من سمعت هالخبر.

والرجال عاد مخطط لما بيطلعوا أجازة هالصيف بيخليهم في مصر وهو بيكتب الكتاب وبيتزوج خسه من رجال :confused: ومن خبث ومكر يالله كيف ودي انط في كرشه لين ينبط8o|