نصحوني في الفاونديشن اللي شريته ...

أ

أنثى بمعنى الكلمة

عروس رائعة

09-12-2011 | 01:48 AM

السلام عليكم بنات شخباركم

انه اشتقت لكم ولمواضيعكم صار لي فترة ما دخلت او شاركت بموضوع كلة بسبة الشغل كسر عافيتي :'(ولكنه الحمد الله

المهم بقيت نصيحتكم عن منتج انه توني شاريتة من اسبوع تقريبا وبقيت منكم اتقولون لي شاسوي ...بس اول شي باقولكم سالفتي ...

انه رحت مع صديقتي السيتي لانها تبغي فاونديشن لانه عندها عرس وما تبغي تستخدم الفاونديشن مال اللي بتمكيجها تخاف على بشرتها

المهم انه بعد كنت ابغي اشتري فرحنة مع بعض وجربنة وشرينة من كلنيك ....

انه اللي شريته للبشرة الجافة وطبيعي يعني لين حطيته كاني مو حاطة شي

بس للاسف احس لين احطه كانة ويهي ملقلق مادري اذا فهمتوا الكلمة بس كانه ملعوز :p يعني مو عدل الفاونديشن وما يخفي عيوب الوية مثل الفاونديشنات اللي عندي من ماك ..

فانه ابغي اعرف هل السبب من اني ما شريت البودرة مالته واذا خذيت بودرة اغمج شوية من الفاونديشن بيكون احسن ولا خلاص مافي امل وانه هالفاونديشن خلاص طاح في جبدي....وبعد الصراحة انه شاكة في المرطب اللي كنت حاطتة قبله لانه ايخلي البشرة اتصير كانها لزجة ودهنييييييييييييية ....
وبعد انه اذا بقيت اشتري بودرة لازم اتكون مثل ماركة الفاونديشن
فشنو تعتقدون الحل ؟؟؟

وهذي صورة الفاونديشن اللي شريته :'(

سورررررررررررررررري على الاطالة ادري مصختها بس شاسوي احب الهذرة :lol:

أ

أم نجود الأحساء

مشرفة سابقة

09-12-2011 | 08:12 PM

إن شاء الله الصبايا يفيدوكِ يا قمر

ب

بحرينية قمر

عروس مبدعة

09-12-2011 | 10:29 PM

أنتي ماخذة للبشرة الجافة يعني لازم بيكون فيه نسبة من الترطيب عشان يعطي الويه Glow
و يمكن كثرتي منه عشان جذي تحسينه صاير ملقلق..
جربي تحطين المرطب مالج بكمية أقل و وزعي الفاونديشن بالفرشاة مالت الفونديشن و بكميات متساوية و عقب بس طبطبي عليه بالبودرة..
بالنسبة للبودرة أنا أفضل تكون من نفس ماركة الفاونديشن بس مو شرط يعني.. أهم شي التقارب في الدرجات ..

ب

بكيفي أحبه

عروس رائعة

09-12-2011 | 11:27 PM

انتي تقولين كلنيك وحاطه صوره كليرنس؟
عالعموم نصيحتي جربي اكثر من طريقه
اذا كان الاساس خفيف وزعي المرطب قبله بمده كافيه والمرطب تري ما يحتاج كميه بس نتفه صغيره
وخليه ليما تتشرب بشرتج وعقب طبطبي عليها بمنديل عشانم تشيلين اي فايض
عقب وزعي الاساس بيدج ودمجيه زين
عقب غطي العيوب بكونسيلر
وخليه يجف شوي وعقب البودره
بالنسبه لي مو لازم الاساس والبودره نفس الشركه

م

مسزز غموضة

عروس ركن المكياج

10-12-2011 | 06:17 AM

هلا عزيزتي

حطيت الصورة عشان اعرف هل هو بالضبط اشتريته ..؟؟

شوفي شو مكتوب عليه اذا هو بالضبط هو خالي من الدهون ومات !!
يعني ما بيناسبك للبشرة الجافه ..

بس اذا قصدك من نفس الفاونديشين وفي منه للبشرة الجافه فهو تنت
ومثل ما قلتي ما يبين شي .. لانه ياخذ على لون بشرتك ويكون خفيف تمام ,,
بس اذا للبشرة الجافه فلازم بيكون في ترطيب وجلو ونسبة حماية من الشمس ..

الي خذيته من ماركة كلارينس ..وكنت حاطة مرطب لزج فشكل المرطب ما كانت بشرتك
ممتصتنه او مو مناسب لها فانصحك انك تستعملي مرطب مخصص للبشرة الجافه
وبعدها حطي كريم الاساس بتوزيع متعادل تماما ..

انا مع البودرة وخذيها من نفس الماركة افضلج بس علمي البايعه ان بشرتك جافه
فهي بتنصحك بالافضل مع هالاساس

نجي لدرجة الاساس انتي اذا ماخذة نفس درجة بشرتك فانتي صح خذي درجة افتح من البودرة

وان شاء الله قدرت افيدج