كيفيه اخفاض حراره الطفل ..!!هديتي لكل ام..!!

السلام عليكم

مرحبا عروسات من زمان عنكم بحكم ماعندي لاب تب بس صرت اقرا مواضيعكم في الجوال
والحين قاعده اكتب موضوعي في الايفون للاهميه

بنات انا عندي بنت عمرها 3 سنين ويمكن بعض البنات شافو موضوع انجابي لها وترتيبي لتجهيزها
المهم مثل ماتعرفون تغير الجو وكل الاطفال جاتهم حمى وبنتي تعبت علي يومين وديتها للمستشفى ولقيت اطفال الله لايحطنا في مواقف امهاتهم صار معهم تشنج اكثر من طفل طبعاً انا في الطواري

دخلت على الدكتور وقالي بكلمه واضحه اذا جات بنتك حمى لا تسبحينها الا بستشاره طبيب لان بعض الاحيان تجيها حمى داخليه تسبب تشنج المهم عطاني ادويه منها تحاميل والكل يعرف التحاميل قويه رحت للبيت بنتي مانزلت حرارتها شرطه وانا نفسيي تعبت حتى ماتاكل المهم قالت ام زوجي




حطي لها :
فنجال زيت زيتون دافي وملعقه صغيره زنجبيل مطحون وملعقه صغيره عود عويدي مطحون الي هو المسمار
ومسحي جسمها اهم شي ظهرها وبطنها
وفنجال ثاني ملعقه صغيره فكس وشوي مسمار ودهني رجلها من تحت ولبسيها شرابات


شفتو الانسان الي فاقد الامل ويبي اي نصيحه انا كنت كذا
بالفعل سويتها لبنتي ولبستها بجامه ونومتها مانومتهت هي نايمه صار لها 3 ايام يوم قامت بنات كانها كانت تكذب علي ما شاء الله مافيها شي

الحين نصيحتي لكم اذا عندكم اطفال تعبانين لا تخلون الطريقه

والله داخله من الايفون بس علشان افديكم اطلبو لي بالذريه الصالحه والله يهدي كل ما احب ولكم مثلها ان شاء الله
واعذروني بالاخطاء اذا حصل ..!!