بنااااااااااااااااااااااااااات سعدووووووووني ...ابي احد ينصحني

السلام عليكم ورحمة الله وبركاته

هلا حبيبتي ... الله يخليلتش رهف وأبوها انشالله .... الله يعينتش ياالغاليه
بس والله كل اليهال بهالعمر شذيه لاكن شدي شوي عليها تراها بتتعود بعدين على التخرييب والدلال .... أما أبو رهف حاولي اتفهميه شوي أن الدلع الزايد تراه يفسد اليهال ولا اتلوميه ترى قلب الاب دوم معلق بالبنت والله ....:up:
ترى بنتي من عمر بنتش وابوها ما يرضى حتى اني أقولها عيييب أو غلط ...بس أنا دوم احاول أفهمه ان البنت شيه بتدلع زياده وشوي شوي بدى يقتنع ... وخاصه يوم صرت اخليها عنده وأطلع بغرض أرتاح شوي...والله صدق كلامي يوم شاف شطانتها معاه... :shy:

حبيبتي الأطفال في هذا السن يحبو يكتشفو كل شي ويحبو يلعبو بأي شي فبدل ما تعصبي على الأمورة الحلوة ديري بالك عليها لا تتعور أثناء كسرها لشي أو لعبها بشي .

أنا عندي بنت الحين عمرها سنة و4 شهور ما تتصوري كيف أنا بعد تعبانة معاها إذا كانت في غرفة النوم بتفتح كل الأدراج وبطلع كل اللي فيها الحين أنا فضيت كل أدراج تسريحتي عشان خاطرها بس الحين الحلوة جالسة تطول مثل حبة الفول يعني الأغراض اللي فوق التسريحة لازم بعد تنشال:D2:D2 .

الوحدة لحد ما يكبرو عيالها ويعرفو الصح من الغلط لازم ما تحاول تجذب إنتباهم مثلا تخلي غرشة العطر والمكياج بمتناول أدينهم أو أي شي تحسية خطير .

أزيدك من الشعر بيت أحسن لعبة لهم في هذا السن أنه يطلعو محتويات الكبت كلها ومن يفضي يروحو يجلسو في المكان الفاضي داخل الكبت.

شو أحكي لك أختي وما أحكي لو تريدي عندي موسوعة كاملة عن الأطفال خذيتها من اولأد وبنات خواتي قبل الزواج والحين من بنتي فهذا الشي جدا عادي بس انتي طولي بالك .

ولازم تعرفي أن البنت دلوعة أبوها وهذا شي معروف 100%

والله يا ام رهف كانك تتكلمين عني والله اني صرت اهاوشها وابدا اعد الين ثلاثه اذا ما سمعت الكلام اقوم اضربها ضربه بسيطه بس لانه بنتي دلوعه مررره تبكي وتدلع على بس ولا همني ولعلمك ترى كل الرجال كذا في الاخير قلت لزوجي مو انت اللي بتتفشل قدام الناس انا وما لك دخل لما اربيها على العلم اني احن عليها واحبها اكثر من ابوها وكمان هي تحب تقعد معي اكثر من ابوها

والله اخرها امس كنت في المطبخ احظر العشا قامت وطلعة علب البلاستيك من الدولاب وقمت وطالعت فيها وبدات اعد قامت ورجعت كل شي مكانه وقمت :D2 بس ما بينت لها عشان ما تعرف اني امزح معاها ..........

والله يعينا عليهم وعلى تربيتهم التربيه الصحيحه والدينيه ......

وبالله بوسيلي بنتك شكلها اموره :z_bye:

اختي

+**+**+ ام رهايف +**+**+

ما أدري لو كانت نصيحتي راح تنفعك أو لا لأني لسه ما عندي اطفال بس عندي اخت صغيرة اعتبرها مثل بنتي

عزيزتي

رهف الله يخليها لك لسة صغيرة وحرام عليك تحاسبينها على شي هو من طبع الأطفال يعني حب الاكتشاف وتحريك الأشياء وحتى التكسير شي ما يدل على شخصية الطفل خاصة في المرحلة العمرية المبكرة هذي

لمن تسوي شي غلط قولي لها لأ يا ماما وأشري لها بيدك ان هذا غلط او امسكيها وقولي لها ليش خربتي هذا يا ماما بس بطريقة حنونة هي صحيح صغيرة بس راح تفهم عليك من نظرة عيونك

بعدين انتي ليش تعطينها فرصة للتخريب ليش ما تخصصين لها مكان للعب او تحطينها في حاجز الألعاب وارفعي الأشياء الملفتة والقابلة للكسر بعيد عنها عشان تجنبيها خطر الجروح او الكسور لا سمح الله

وانتي بعد بالك راح يرتاح

بالنسبة لأبو رهف فأنا عاذرته لان ابوي يسوي كذا مع اختي الصغيرة والبنت دلوعة ابوها مافي كلام

يعني المفروض لو واحد من الأهل شد الثاني يرخي بس مو من الحين

وبعدين يا ستي خليها تكبر وتعيش والله يخليها لك وتكسر اللي تبي مو هذي رهايف اللي تحبيها وتموتين فيها ؟؟

طولي بالك اختي مرحلة وتعدي وابدأي عوديها على اللعب بلعبة معينة احسن من انها تنشغل باكسسوارات البيت

تحياتي لك وبالتوفيق ان شاء الله

ما شاء الله البنات كفوا و فوا....


أنا معاهم في كل كلمة قالوها....


الله يخليلك رهف و والد رهف و ينعم عليكم بالسعادة إن شاء الله...



تحياتي...

السلام عليكم ورحمة الله وبركاته

بالضبط مثل ما قالت رومي عروس ركن الديكور
بس ابعدي عنها الاشياء الثمينة و الخطرة...خاصة الزجاجية
أما الاشياء الغير مؤذية خليها تلهي فيهم..
لأنهم يحبون الاشياء ا لغريبة000 مو شرط لعب خاص للاطفال
لأنه الاطفال تراهم فاهمين إذا شافتك معصبة عليها أكيد بتحس انه أبوها أحن منك عليها و بتتعلق بيه اكثر و اكثر

و الله يخليلك رهوفه و أبوهها:up:

السلام عليكم ورحمة الله وبركاته

تحياتي لكي أم رهف ....زوجة أخوي وأخوي يعانون مثل معاناتك عندهم بنت وعمرها بعد سنه وثلاثة شهور وياساتر من شطانتها هذي مو بنت الله يهديها تصوري اذا تجي معي غرفتي ثواني تقلب لي الغرفه فوق تحت تبند وتشغل في الكمبيوتر وبالتيلفون وطلع الأغراض من الغرفه وتاخذ ويبي لي ساعه أنظف الي خربته في ثواني وحتى الأطفال أولاد عمها الي هم أكبر منها تسطرهم والله تراها تسحبهم من ثيابهم ودحنهم بالأرض والي تشوفه عندهم تاخذه منهم بالقوه واذا طلعت مع أبوها وأمها مجمعات أو السواق ماترضى أحد يمسكها تبي كل شي على كيفها وتصارخ وتسحب في الناس وتلفت النظر وأبوها وأمها يركضون وراها ما يصيدونها ولا يقدرون عليها الله يستر من هالبنت ويهديها شكلها وتصرفاتهاصبياني متوحشه هههههههه.
أحنا بس أنقول الى أبوها هذي بنت شذي صايره اذا جاكم ولد شنو بسوي فينا حشا والله يمكن ننطرد من البيت حتى أمها المسكينه ماتقدر تتحملها .
هذا حال الأطفال كلما تطورنا وصرنا بعصر التكنلوجيا والأنترنت زادت شقاوة الأطفال وذكاءهم وأحنا الي طايحين بالطوشه خخخخخخخخ .


:D2 :D2 :D2 :D2