جايبلكم النهارده طريقه عمل البيكاتا اللحم بالمشروم وهيا طريقتها سهله وسريعه
المقادير : لحم مقطع شرائح ( انا استخدمت لحم بوفتيك ) - مشروم - 1/2 ك كريمه طهى - 3 م ك دقيق - ملح - فلفل اسمر - بصله صغيره - 2 ك ماء او حسب الحاجه - سمن وزيت
نقوم بتتبيل اللحم بالبصل والملح والفلفل وملعقه خل قبل بيوم عشان اللحم تاخد نكهه التتبيل وتكون اطعم :thumbs_up:
ونحضر صينيه ونضع فيها ملعقه سمن وقليل من الزيت
نحمر فى الصينيه اللحم لحد ما ياخد اللون الدهبى ونرفع اللحم من الزيت ونضعه جانبا وهنرجعله تانى
فى صينيه تانيه نقطع البصله الصغيره الى قطع صغيره مع ملعقه صغيره سمن وقليل من الزيت ( انا دايما بستخدم الزيت والسمن مع بعض عشان اكسر الدسم شويه )
ونقلب البصل لحد ما يدبل ونضيف اليه المشروم ونقلب لمده 5 دقايق لحد ما المشروم ياخد نكهه البصل والسمن ويتشوح شويه
نرجع تانى للصينيه اللى حمرنا فيها اللحم ونضيف لها الدقيق ونقلب لحد ما الدقيق ياخد اللون الدهبى
وبعدها نضيف الماشروم ونقلب لدقيقتين ونضيف فوقها الكريمه والماء ونضبط الملح حسب الزوق ورشه فلفل اسمر
ثم نضيف اللحم الى الخليط ونقلب ونتركه على النار حوالى 10 دقايق الى 15 دقيقه
ولاحظى ان قوام البيكاتا ثقيل شويه بس مش قوى يعنى لا سايله قوى ولا ماسكه قوى
وده شكلها النهائى وبيتعمل جنبها أرز بالشعريه وسلطه خضرا
بس انا مالحقتش اصورهالكم لأن جوزى كان جيه من الشغل وكان مستعجل قوى على الاكل ومالحقتش اصورهالكم :lol: صورتهالكم تانى يوم
وبالهنا والشفا على قلوبكم حبيباتى
:L::L::L:
ويارب يكون عجبكم موضوعى ومستنيا ردودكم وتقيامتكم
الموضوع والصور مجهودى الشخصى وحصرى لمنتديات عروس ولا احلل نقله بدون ذكر اسمى واسم المنتدى
F:F:F:F:F:F:
