قصة ولادتي بابني لوكاس

سمعوا قصتي ويارب تكون ولادتكم مثل ولادتي
يوم الجمعة المصادف 2-12-2011 الصبح
كمت وفزيت على شد عضلي برجلي بحكم اني بس يوم واحد اترك الحليب رجلي يصير بيها شد عضلي المهم صارخت وفز زوجي عليه كال شكو كتلة رجلي رجلي الحكني كام خطية وسوالي مسج وراحت بيني وبينكم تكاسلت اروح الحمام كلت شوية الالخ علما يروح الالم
ورة شوية غفيت وكمت ساعة 6ونص ورحت للحمام تكرمون اول مارحت جان تكوع السدادة المخاطية وهم جان اسهال ودم وعلة كولتهم ماادري افرح ماادري اخاف ماادري شسوي المهم كعدت زوجي وكلت كذا وكذا السالفة
كال بدلي نروح المستشفى لان اول طفل واخاف
بدلت ورحنا على السبعة و10 دقايق وصلنا بس مكان عندي الالام
وشلون جو مطر وثلج باردة هوواية
نزلت ورحت الطوارءى جيكوني كالو مفتوحة 2سم
ورة ساعة نيجي نجيك كلناهم اوكي وبعدين بدات الالام بس خفيفة موقوية وركبولي اجهزة الضغط والنبض للبيبي والالام
الالام داشوفها تصعد 30 40 وتنزل وتصعد لل 50
كتلة لزوجي يخابر مرت اخو تيجي يمنا وجتي وضلينا نسولف وجوي جيكوني ورة ساعة كالو 2 وشوية يمكن طلعي
اني خفت
بس خابروا الدكتورة كالت مالتي اللي جانت تراقبني طول الحمل
كالت ماطول نزل دم ومفتوحة 2وشوية خلي تبقي وحولها غرفة ولادة هسة
وحولني ورة نص ساعة صارت تقريبا بل 11 اجتي هم اخت زوجي ونسولف سوية ومرت اخو زوجي
جوي جيكوني كالو 3سم االساعة 11ونص الصبح
وراها اخت زوجي كالت لاتضربين الابرة ديري بالج كتلها لالالالا اذا الالام هواية اضربها
بعدين هية راحت على الكنيسة دكولي اروح اصلي الج الضاهر شغلتج مطولة
وجوي على ال 12 جيكوني كالو 4 يالله
وبدات الالام اللي مو طبيعية من تيجي الطلقة تروح روحي والممرضات احن شكد مااكولكم شلون جانت حبابة ماجيكني هية والدكتورة الامن تروح التقلصات
وبعدين بل وحدة الضهر مااستحملت الالام اخذت ابرة الضهر واللي ضربها الي دكتور مختص عاشت ايدة
واو شكد ريحتني ولاحسيت بشي
وجوي كل شوية يجكوني كل ساعة وبعدني 4سم كامو خلوني شوية حت صناعى حتى تتقرب الالام وبل فعل تقربت ولاحسيت بيهم صاروا و5و6 واهنا خف الم ابرة الضهر لان من زمان ماخذتها اجة واحد بل 5 ونص وخلاها الي مرة الخ الدواء ويروح بل ضهر ورجعت ماحسيت بل الالام وعلى ال 6 العصر وصلت 9 ونص وحضروا كلشي للولادة
اهنا المشكلة وصلت 10 سم ويكولون ادفعي واحس البيبي دايطلع ويكولون اخذي نفس مرة ومرتين وال ثالثة احصري النفس وادفعي واسوي مثل مايكولون بس قبل لايطلع اختنك ويرجع النفس البيبي ظليت على هل ساعة ونص ادفع وداحس شي راح يطلع وماكدر وداتموت تعبت واكولهم شكو واكفين تباعون اريد عملية عملية ويضحكون واكولهم اي عذبوني عذبوني راح اشكي عليكم كلكم (الدكتورة وزوجي واختة والممرضة )ههههه واني بغير عالم
وصارت الثامنة الاربع وحسيت صدك اريد ادفع ودفعت وطلع النص من الجسم وراسا بنجتني على السريع وسوت شق صغير وجان ادفع وطلع حبيبي لوكاس الساعة الثامنة الاعشرة
وارتاحيت كلش كلش
وكالوا ها هسة راح تشكين علينا اكولهم لالالا سوري اعوذروني مجان قصدي يكولون عادي
وزوجي بجى واختة هووواية لان رادوا امهم وابوهم يشوفوا ويفرحون بي(امهم متوفية وابوهم بل مشفى سنتين صارلة خطية)
وبعدين الدكتورة طلعت الوسخ كلة وها على فكرة زوجي اللي قص المشيمة
ونسيت اكولكم كالت ب 8 اذا مااجة راح تسوي بل مكينة تسحب البيبي لان راح يتعب وربي ستر لان المكينة تعب هوايى للبيبي والام تتاذى

وبعدين خيطوني ماحسيت ولاشي لان بنجتني هواية وبعدين ارتاحيت ساعة وكمت سبحت وحولني غرفة الزيارا وبقيت يومين اهنا ومااحتاجيت ولاشي من اغراضي ولااغراض البيبي كلشي منهم
وسحبولة صور لوكاس تبخل بل مشفى
وطهور ثاني يوم راسا
وشلون مداراة زينة جانت بس وحدة ممرضة جانت شوية بخيلة هههههه
وجابولي سبري ارش على الخياط وية قطع من الكحول اوراق معقمة للجرح
وهم سولي منهم 2 اوردر للبيت وانطوني مشد لبطني وهدية جنطة بيها اوراق كيبونات (من اروح اشتري شي ينقصوني منها)
وهاي هية قصتي
واذا نسيت شي العتب على النوم هههههههههههه الصبح كلش عاقل وبل ليل كاعد
ياروحي ولمن ابدلة بس شكد يبجي لان تعرفون طهور خطية
ادعولنا الله يسهل امورنا واموركم