سالفه حيرتني القطه واذان المغرب

يـاربي أنتو مو من صجكم لحين معـاها

حبيباتي اللي ردوا وحبيبتي صاحبة الموضوع
أنا اربي اقطاوة من 5 سنين
ومر علي مثل موقفج وانـا قلت لج القطـاوة كسوليـن
النهـار ينأمون والمـغرب يشتغل عندهم النشأط والحيوية
إتيـج اللي تطلب تزاوج وشكله القطوة اللي عنـدج عنـيده
أحـسن لج زوجيهـا قطو مخصي عشان تسكت وماتجيب عيـال

أنا عنـدي قطوه مثل قطوتج بس الفرق انها أوقات اتمـاوي ف النهار واوقات لاء
وعنيده عادي اتم 6 شهور تطلب تزاوج
وانا عندي قطو مايسمع فديته خصيته وخليته ف البيت وكل ماتطلب تزاوج يتزوجها هي تسكت ومافي كتينز

مشكلتنـا ..؟

أنه احنا انجـوف المسلسلات وأفلام انه القطاوه هي اللي تدخل فيها الجن بالذات السود
وانه لها علاقة بالسحر وربعه حتـى تفـاسير الاحلام
وانا انـفي هالشي من تجربتي الشخصيه مع تربيتهم
انا ماقول انه تفسير الاحلام كذب لا صج والدليل انه فيه اشياء احنا نعتبرها حلوه ف الدنيا وف الحلم يكون معنها مضره لنـا والعكس صحيح

الحـــل ...؟؟؟!!

إختـي نصحيتـي لج تثقفـي ع القطط وعن سلوكياتها يمكن هـي مريضه
اذا انتي لاحضتي انها تقعد ف اللتربوكس حقها يعني فيها شي " مريضه"
الاكل شلون عندها الماي شلون اطلعينها ف الشمس او تفتحين لها الدريشه ..؟
كشفتي ع إذنها .. تحك اذنها واايد ؟ لو لاحظتي في شي اسود ف إذنها ذي سوس لازم يتنظف بسرعة يعني هو زاعجها
متـى أخر مره ودتيهـا البيطـري ؟
لاحظتي انها اذا تقعد ترفع المؤخره << اذا سوت جي يعني تزاوج
لاحظتـي انهـا تتبول برع ..؟
اذا كان بول كثير كانها ف التربوكس معناتها انها اتنبهج هي مو بخير
واذا شي بسيط يعني تزاوج

أخر شي ..

تذكري أحديث الرسول صلى الله عليه وسلم عن القطط

تأملي هالحيثين من الرسول صلى الله علية وسلم

عن كبشة بنت كعب بن مالك وكانت تحت ابن أبي قتادة أن أبا قتادة دخل فسكبت له وضوءا فجاءت هرة فشربت منه فأصغى لها الإناء حتى شربت قالت كبشة فرآني أنظر إليه فقال أتعجبين يا ابنة أخي فقلت نعم فقال إن رسول الله صلى الله عليه وسلم قال إنها ليست بنجس إنها من الطوافين عليكم والطوافات

عن داود بن صالح بن دينار التمار عن أمه أن مولاتها أرسلتها بهريسة إلى عائشة رضي الله عنها فوجدتها تصلي فأشارت إلي أن ضعيها فجاءت هرة فأكلت منها فلما انصرفت أكلت من حيث أكلت الهرة فقالت إن رسول الله صلى الله عليه وسلم قال إنها ليست بنجس إنما هي من الطوافين عليكم وقد رأيت رسول الله صلى الله عليه وسلم يتوضأ بفضلها
* ( صحيح)

لو صج القطط أذية هل كـان الرسول صلى الله عليه وسلم بسوي هالاشياء ..؟

إستـغرب !!!

أستـغرب انه في عضوات يقلون اوقفي جدامها وقولي " ........."
أو وحده تقول دليل حسد
لا والثانية تقول دليل سحـر
واللي تقول فيها جـني شدراج متقويه معـاها وشكت لج فيني جـي ..؟


نصـايحي لـج عزيزتـي

1- دام سورة البقرة لها حس ف البيت اقولج تطمنـي
2- الاذكـار يأحلوه الصباح + المسـاء + أذكار النوم
3- مو كل شي تسمعينه معنـاه سحر وحـسد أول شي حطي أسباب علمية
4 - لازم + لازم + لازم تثقفين عن الحـسد + السـحر + القطاوه بتجوفين القطاوة ف عالم والسحر والحسد ف عالم


تـجربتـي ..

عن تجربة شخصيه طويله القطط حيوانات حساسه
تخيلي كل مامرض ولا اجيني صداع قوي ما أوعى الا قطاوتي كلهم حولي سبحان الله
اذا طلعت اجيب ماي ولا اروح الحمام الله يعزج هم يطلعون يشربون ماي ياكلون ويرجعون
يدزون الباب ويقعدون حوالي
بس أهم شي إنا نفهم سلوكياتهم

إسمحـيلي طولت علـيج
بس إنقهرت من تفكير بعض البنات شكله المسلسلات والافلام ماثره فيهم وبقوه

سبحـان الله صرنـا انصدق كلام أجدادنا اكثر من كلام الرسول صلى الله علية وسلم

كـأن هم كلامهم دايمن صح .. مع احترامي لاجدادنا

لو لحد الحين نمـشي ع كلامهم .. اقل مثال الزواج+ النظره الشرعية اللي ع قولتهم " عـيب "

أو ع قولتهم بخـور السويده يطرد العين والحسد << وطبعـا ذي من المعتقدات الخـاطة

ذي كمثـال فقـط

الله يهـدي الجمـيع وثبتنـا ع طاعته وطاعة رسوله عليه الصلاة والسلام