التجمع السابع لاحلى امهات..امهات مايو 2011 لشهر محرم/ديسمبر

هلا بك أختي

سيتم فتح التجمع بشرط إختيار مشرفة فيما بينكم تكون مسؤوله عنه....

و عليها مراسلتي على الخاص لأعطيها الصلاحيات...

هلا فيج اختي مرموم

انا ان شاء الله باصير المشرفه

ارسلت لج رساله خاصه

وينكم يا امهاااااات ماييوووووووو


ها برادنين


:)

هلااا
حلوو افتاح التجمع
اي ولله بررررررد
شخباركم شخبار عيالكم؟

هلاا بنات
شلوونكم شخباركم ؟؟

اي والله برررد :090:

شخباركم ......اخيرا فتحوا تجمع

شنو الجديد

بنات متمللة هالايام شسوي

ابي اروح اشتري شيء جديد لطفلي بس محتارة

سللااام امهات
شلونكم
وشخبار اولادكم مع البرد؟

ليش التجمع خااااامل ؟

كل وحدة تخبرنا عن تطورات طفلها
شنو تأكله ؟
كم ساعة ينام في اليوم؟
شنو تطورات الحركة

ابي استفيد واجوف الي اسويه حق بنتي عدل او لا

السلااااااااااااااااااااااام عليكم

انا ولدي كله صدره كحه ما تفارقه:(

وكلش ما اطلعه عشان مايمرض اكثر

وعن الاكل اعطيه 3 وجبات

غداء ساعه 12

وشي خفيف ساعه 5

والعشاء ساعه 9

اعطيه دجاج وخضره وعيش

الحين يقول ببببببببه اااابه ويخربط شوي

وللحين مايقعد بروحه

وطلع له ضرسين تحت

ويحب يلعب ماشاءالله عليه

بقايا من شنو محتارة ؟؟
اني كل مرة اطللع اشوف شي يعجبني اخذه
اخر مرة الجمعيه لي طافت طلعت طلعه سريعه وشريت شوي


عن الاكل للحين ماعطيها لحوم عدل لان لي يطبخونه كله بهارات
اني مالي زاغر اطبخ لحومات
فاكتفي بس بالنباتات
اكلتها روب مرتين
اعطيها الكستر الجاهز لي يبيعونه الجاهز في العصريات

طبعا للحين ماحبت تحاول تاخد اللشي لي قدامها يعنيي تحاول تبي تحبي
اوقات ماوتعي ليها الابشدختها ههههه

بتي صار ليها جم يوم مريضة وامس صارت احسن شوي.. وكانت كلش ماتطيق تاكل ولاشي.. حتى خدودها راحو
اني لحين مادخلت ليها اللحوم في اكلها ..بس الخضروات والفواكه
واذا شافت شي قدامها تذبح روحها عشان توصل ليه .. طريقتها وهي تزحف تضحك خخخ :adore:
ترفع روحها بعد تحاول تحبي بس لحين ماتعرف

انا ولدي مايحاول يحبي

لان ما اخليه على الارض

يا في الكرسي او الارجوحه او المشايه

:)

وينكم يا امهااات

هلا شخباركم


انا حاليا اعطي عيالي 3 وجبات

الصبح والظهر والمغرب :thumbs_up:

اليوم عطيتهم بخصم وحليب صناعي وفي الخلاط وعجبهم :)
والعشا روب او كستر جاهز

الغدا خضرة وعيش واحيانا دجاج .. وساعات لين بغيت اغير الطعم احط وياهم تمر ..

بنتي ماعجبها الروب :confused:. بس يوسف اوكي ..

بعد شنوو ؟

اي عن الحبي يوسف بدا يحاول وهو قاعد يفر روحة ويفلت روحة على الارض ويزحف على ورا وساعات يصيح خخخخ

شهد خايبة ماتبغي تتحرك من مكانها ..


انا الحين محتارة اخد سرير 2 او شنوو اسوي ؟؟ السلال صغار عليهم والسرير لين باخد 2 بتصير غرفتنا النوم كلش ضيفة لانها صغيره :( .. يعني حدنا نروح ننام فيها .. لا ومابيكون في مجال لولددي الكبير ينام معانا .. وهو للحين ماتعود ينام في غرفته بروحة يخاف .:thumbs_down:..


جنه قلت قصة حياتي:worn_out: ..


وعن الثياب احس يبغي ليهم ثياب .. والميزانيه كلش ماتسمح .. واصلا لين بطلع اتورط مافي احد يجودهم لي :( .. والين حصلت احد يجودهم اسوي حفلة :D:lol::celebrate:

من ولدت ماطلعت :'(


في موضوع ثاني

انا من ولدت الدورة ماجتني :o مادري بسبب الرضاعة او لهرمونات تخربطت .. والحين بعد ماكملوو 7 شهور قام ينزل علي خيوط دم وافراز بيج واحيانا بني :o ومادري شالسالفة هي الدورة بتنزل او شنوو :confused: وساعات اخاف اكون ....... :hysterical::badly: مابغي افاول على نفسي .. انا احاسب زين واساسا مافي وقت لهالسالفة وياعيالي .. فهمتوو شي :worn_out:


من مثلي ماجتها الدورة ؟؟ واللي جتهم شلون اول مرة ؟؟ في احد صادها مثلي

طمنوني :'(

ام شهوده

الله يحفظهم ويخليهم

يوسف وشهد

حلووة طريقه البخصم والحليب الصناعي باسويها حق خالد

انا اقول اذا عندج حجره ثانيه خلي الياهل ثلاثتهم في حجره ثانيه

عنكم وعلميهم يرقدون بروحهم الحين مدام اهمه

صغار عقب يصير صعب..

ولازم تشترين سريرين..لان الياهل يتحركون وجذي واهمه نايمين ماتدري يمكن يوسف يرفس شهد ههههههههههههههههههه

اختي عندها توام بنت و ولد يوسف ونور..

حلووو التوام

وعن الدورة انا يات لي نزيف عقب النفاس بشهرين تقربيا

هلا احبك

المشكله ان يقعدون وايد بالليل :(

لين بخليهم ينامون بروحهم لازم انام معاهم او كل شوي بروح وبرجع ليهم :(

انا قلت لين كملوو سنتين اخليهم ينامون في غرفتهم .

انتي تخلين شواقة واخوها في غرفة بروحهم ؟؟

هي حلوة الفكرة بس انا وايد يقعدون بالليل حق الرضاعة

مرحبا شخباركم
شكلهم الامهات اكثرهم ع الwhatsapp والتجمع فاضي!

حبيبتة شخبارج شنو تطورات بنتج

حابة اسألكم عن الروب والكستر اي نوع تستعملون

أحبك: ممكن تصورين لنا الكرسي والارجوحة افكر اخذ للحلو مثله

وكالعادة سهرانة ويا البطل وبداية التسنين والألم والأرق

ومو عارفة شلون اعوده ان يقعد بروحه بدون ما يصيح اذا اكون مشغولة او يصيح يبيني أحمله وأوقف ((مشكلة))

عندي مكتوب في الكتيب مال التغذية ان يصير نأكل الطفل العدس والحمص المطبوخ والروب المبستر واللحوم وصفار البيض ...شنو رايكم في هالكلام؟
اني سألت ناس قالو لي ان العدس ثقيل على معدتهم ! وطبعا بعدي ما جربت ولا شيء من هالأكلات

دعواتكم لطفلي ان ما يكون فيه ثلاسيميا ان اليه تحليل على الشهر التاسع بيتأكدون اذا فيه او لا

مرحبااا
شخباااركم


ام شهوده اني جتني يزعم مرتين على 3 ايام فقط ..
وماشفت ليها خبر حتى خفت وسويت تحليل حمل ..

واكتشفت انه من الرضاعه .. واتوقع حالي من حال امي واختي ماتجيهم بعد الولاده الا اذا عيالهم خلصوا 9 شهور




ام مهدي اني اعطي ولدي روب الصافي احســه واجد يحبه لانه جربته وياه ندى والمراعي كلش ماعجبــه ..

بالنسبه للاكل اعطيه بطاطس ودجاج وعيش

وبصراحه مااعطيه الا وجبتين فقط ظهر وليل ..

موعد ولدي بعيد مال بو 9 شهور

2_2_2012

ولدي قعد ..

متى يحبون الاطفال كل من يعايير ولدي انه خايب وماحبى يبطون الجبد هالاوادم ..

ام شهوده

انا الحمدلله اخليهم يرقدون بروحهم

لان حجرتي صغيره وماتكفي اسره

في البدايه تعبت كل شوي اقوم بس عادي تعودت