كادت ان تحدث مصيبه بسبب أبنتي اتمنى المساعده..

الله يهديها ..

طيب جربتي تمسكينها لحالها بغرفة وتصيرين جدية شوي بكلامك معها .. وتهددينها انك بتحرميها من شي تحبه لو سمعتيها قالت شي ..

احس الضرب بمثل هالموقف ما راح ينفع .. اخاف تروح تشتكي منك عند أهل ابوها ولا أهلك .. وتكبر المشكلة بزيادة .. !!!

الله يسهل امورك ويهديها

نفس المشكله مع بنوتي

إن شاء الله الأمهات يفيدونا

عزيزتي

حاوزلي ماتخليها تجلس مع الكبار واحاديثهم

تكون تلعب مع الصغار افضل واشغليها بالعاب الكترونيه مناسبه لعمرها

وماتخليها تروح لاي مكان بدونك او بدون مراقبه ابوها حتى لاهل زوجك


موفقه

لازم اذا جلستو تشغلينها تخلينها تروح مع الاطفال لغرفة الالعاب واذا حسيتي انها منتبه
لازم تهاوشينها علشان تعرف ان هالشي خطاء
وصدقيني راح تخاف بعدين

الله يصلحها انشاءالله ويخليها لك يارب

وابله هاذي مشكله ربي يساعدك والضرب موحل لهالمشكله الا بتزيد لأن الأطفال فيهم العناد بس الحل الوحيد ماتجلس عند الكبار

ربي يعينك و الله مررره صعبة وممكن بكذا تسبب مشاكل اكثر بس

الافضل انك تقولي لاهل زوجك ما يتكلموا قدامها لأنها طفلة و مابتفهم المزح من

الجد و كمان حاولي تخوفيها ان الله ما يحبها و مابيدخلها الجنة لو نقلت الكلام ،،،

حاولي تحكيله قصة تفيد ان اللي بينقل الكلام مو حلو و ربي ما يحبه و هيك اشياء

انا بلاحظ ان القصه طريقة توصل المعلومة بطريقة غير مباشرة لطفلك

الله يصلحها

تسلمون اخواتي..

والله كلمتها وهددتها وحرمتها ... وابعدها كثر ما اقدر عن الكبار وسوالفهم ..... لكن الا ما تكون بعض العزومات جميع الاطفال والامهات موجودين مع بعض..

وعنفتها اكثر من مره وخبرتها انها مابتروح الجنه... وقصيت لها القصص.... وترجع حليمه لعادتها القديمه.. وهالشي مصيبه فعلاً وخصوصا لمن ابي يكون عندي موضوع ماحب احد يعرفه لا اهلي ولا اهله ..

يعني احيانا تصير شغلات بالبيت على طول تنقلها تقولها لامي والعكس صحيح .. واتفاجأ امي تسألني عن موضوع انا ماحبيتها تعرفه...وانحرج وابرر ويكون الغضب ماليني.. لكن ماعرف شنو اسوي

اادا بنتك ماشااء الله تبارك الله تحسينهااا تفهم كفهم الكبار


مافي الا تسوين لها التعديب النفسي


اللي هو تحقرينها يوم كامل مادرين عليهااا


اادا كلمتج اسفيهااا لاتحاولين تردين عليهااا


كل شي مهم تسوين في نفس اليوم

لانها بتحاول تسوي اشياء تلفت الانتباة عشان تكلمينههااا


بس لاتردين عليها بجيبج نهاية اليوم تبكي ليش ماتردين عليهااا


وبعد اخديها واحتويها وكلميها وانتي ماسكة يدها وعينج في عينها


قولى لها ياماما البنت الحلوة الشطورة المودبة ماتقول الكلام اللي يقولونة الكيار حق بعض نقول حق ناس ثانينن اوانتي صيغي الجملة بكلمات تفهمهااا


ووانا ادا تكرر التصرف منهااا راح تزعلين عليها افترة اطول والمفروض البنت الحبوبة ماتزعل امها وابوها وادا احسنتي التصرف ومانقلتي الكلام اللي نقول حق حد ثاني بعد فترة بنوديج رحلة او نوديج مطعم او بقعد معاج يوم كامل تلعب الالعاب اللي تحبينهااا

وانتي شوفي المكافاة الانسب لج

وان شااء الله ينفع معها التصرف احيان يجيب مع بناتي التطنيش

ليست هناك اية مشكله , الحل هو أن تهدي امك وتخبريها بالعكس يا أمي هم تكلموا عنك

في شئ جميل , لماذا تغضبين , المفروض تفرحين - وحينما تتكلمين معها , تكلمي معها

بكل حب - وابنتي مازالت صغيره وهي لا تفهم , هكذا تتصرفين , لا تلقي اللوم على ابنتك

اما بالنسبه اذا نقلت ابنتك ما يحدث بينك وبين زوجك وهذا هو المهم , هنا كل ما يدور بينك

وبين زوجك اجعليه في غرفتك ,حتى الحوار بينك وبين زوجك يكون في غرفتك واغلقي الباب

كي لا تسمع وحتى لو زوجك كان في غرفة ابنتك تحدث اليك , اخبريه أنك ستحدثينه في

غرفتكما .

البنات كفوا ووفوا جابوا حلول ماتخطر على البال

الله يهديها و يصلح الحال ما شاء الله البنات ما قصروا

الضرب مايجيب نتيجه

والله يعينج على هالعاده السيئه ان شا ءالله تتخلص منها بنتج
وحاولي تدورين لها حل

صدقيني يا ام جنى بنتك ماتعلمت نقل الكلام في احد من الكبار يسألها عن اي شي
الطفل ما يتعلم النقل الا ادا احد استفسر
منه يعني يصير عند هواية نقل الكلام للي كان يسألو وغيره من غير ما احد يسأله افهمي منها مين يسالها دائما عن اش الي صارفي بيتكم او او او
وبعدين ادا عرفت ادبي الكبير قبل الصغيريو
الله يهديها

جزاكم الله خير اخواتي ..

وان شاء الله اطبق الي قلتوه ... وراح اشدد على نقطه من يتسألها .... ويسحب منها كلام..

وراح اتصرف مع الموضوع بحزم ان شاء الله ...

الغاليه أشواك هي ما تجي على كلام بيني وبين ابوها ...

اي شي يصير حواليها في عزايم يمعات .. اي شي .. تنقله على طول...

شاكره لكم مره ثانيه ..

تحياتي

ام جنى