دعاء الوالدين على الابناء

اخواتي العزيزات
امي وابي الله يهديهم لديهم عادة جدا جدا سيئة وهي الدعاء علينا نحنا ابناهم لي اتفه الاسباب وهذا الكلام منذ نحنا صغار يعني من نحنا في عمر 6 سنوات افتكر هذا الكلام.

يعني مثلا لو سبكتي شي بالغلط يقوللك الله يهدر دمك ’ لو ما نمتي نامي نامت عليكي حيطة, قومي قامت قيامتك, الخخخ

لكن الي خلاني اكتب الموضوع هو انه لما كان عمري 17 سنةكنت قاعدو سهرانة انتظر نتيجة الثانوية العامة ومتوترة جدا خصوصا انه الوالد كان مراهن على عدم حصولي على درجة جيدة.

وانا سهرانة في المجلس طبعا ما نمت من التوتر جات الوالدة وكانت تاكل طلع اخوي عمره 8 سنوات الي وهو اخويا من ابويا وجلس يؤذيني وانا متوترة المهم جلست اصيح عليه وهو ما زال يستفزني وقمت ضربته طبعا عشان امي موجودة رمى نفسه في الارض جلس يبكي وبشدة مع انه الضربة خفيفة.

قامت الوالدة زعقت عليا وصرخت ودعت عليا قالت انتي عمرك ما حا تتصلحي زي اخوك الكبير واذا اتصلح حالك (تعالي بولي على قبري)
انا طبعا زعلت جدا وقعدت ابكي وقلت لها هذا بدل ما تخففي توتري ان طول السنة شادة حيلي عشانكم تدعي عليا عشان موضوع مايسوى بعدها جات وقاعدت تقولي سامحيني وانا احبك...وبعد ما طلعت النتيجة و ما عجبت الوالد جاء وقالي (الله يسود وجهك)

حاليا مر على هذا الكلام 4 سنوات وحاليا يابنات بشهادة الكل جدا رضية ودايما يدعولي بالتوفيق لاني رضية وبارة الحمدلله

لكن اشعر انه في حالة من الا توفيق مرافقتني والله يا اخوات لدرجة انه اشعر انه هناك لعنة فرعونية تلحقني
فهل تعتقدو بان دعواتهم هي السبب بالرغم من انهم تبدل حالهم واصبحو يدعولي بالتوفيق والحظ :'(