تجربتي مع الخياطه التجميليه (التضويق) للفائدة

السلام عليكم

بحثت كثير عن موضوع الخياطه التجميليه وفعلا كان ودي اني اسويها

مابي أطول عليكم أنا كنت حامل وبعد ماولدت كنت احس الله يعزكم لين ادخل الحمام بحرقه من تحت

هذا رابع طفل لي لكن قلت يمكن يكون عادي المهم قريب بخلص الاربعين رحت جبت المرايا وقلت خلني أشوف مكان الخياطه أنا جداً خوافه وكنت خائفه حتى المس مكان الخياطه المهم يوم شفت انصدمت وجاني احباااااط
خياطه اي كلام وفوق هذا الجرح مفتوح نصه :thumbs_down:

وواضح انه يحتاج خياطه من الاول أنا هنا تشجعت وقلت بسوي مره وحده تجميلية

كل شي تيسر وفي نفس اليوم رحت المستشفى الاهلي عند الدكتوره زينات رزفي وحددت لي يوم العمليه اليوم اللي بعده على طول

سوتلي العمليه بنج نصفي بس عطوني حبتين ومع الأكسجين رحت بعالم ثاني ماصحيت الا وهم يطلعوني من غرفه العمليه

الخياطه بلاستك بتشيلها بعد أسبوعين من العمليه

كلفتني 7500 تقريبا لأني طلعت وماكملت يوم عندهم لو كملت يوم بيطلع ب 8000 تقريبا

الألم عقب مايفج البنج شي غير طبيعي يعني اللي بتسوي لازم تكون صبوره بس راح الألم مع المسكنات

الحين احس المنطقه مشدوده بشكل مب طبيعي للحين ماشلت الخيوط واحس بالم مره باليوم وأخذ مسكن ويروح

الخياطه من داخل ومن برع وعلى قواتها اني الحين مثل البنت اللي ماتزوجت

لين شلت الخيوط وجربت بعلمكم بالنتائج:thumbs_up:
[COLOR="Red"]
أنا حبيت افيدكم بتجربتي

لي عوده [/COLOR]