حبيت اعرض لكم صور لمنطقة الفيلاج بالمدينة اللي بسكن فيها .. هو مكان حلووووو كتتتتتتير رغم صغره وقليل الناس اللي بيدخلوه او بيتسوقوا منه لانه غالي بالمقارنة بأسعار المول عنا
انا بحب اتمشى فيه يوميا وفي مطعم بتردد عليه بشكل مستمر وكمان محل اكسسوارات مرتب وحلو واغلب اكسسواراتي من عنده ومحل احذية وشنط كمان بشتري منه بس لما يكون عامل تخفضيات اما بالايام العادية ما بقدر اشتري منه لانه سعره كتير مرتفع .. بالاضافة الى محل سيفورا موجود بالفيلاج
ببدأ بصورة المدخل ( طبعا المنطقة دائما الاشجار فيها مضوية وبالهافترة بزينوا للعيد المجيد الكرسمس ) اجواء رووووعة بحب هالمنطقة كتير ..
جيت بدي اعمل سهم طلع معي خربوشة :) قلت خلص خليه المهم محل هالخربوشة شايفين المبنى هدا ؟ هدا هو مطعمي المفضل بالمنطقة ( مكعم ايطالي اسمه برافو ) بيعمل باستا طيبة وعندهم شوكليت كيك يمييييييييي لو أكل منها كل يوم ما بقول لأ عندي ادمان عليها صلا :adore:
هون صور أوضح للمطعم ( bravo ) وعلى الاغلب لما يكون الجو دافي بقعد بره ..
محل ملابس كأنه فرنسي بس مو متأكدة .. على اي حال دخلته مرة وحدة وما رجعت له
هدا هو محل الاحذية والشنط اللي بشتري منه بالعادة ( ساكسون saxon ) فيه احذية وشنط نسائية وكمان احذية رجالية وقليل من الاكسسوارت وفيه قسم للأطفال
صورة أقرب لواجهة المحل .. بس من الداخل اشيئه حلى
