شات حوامل مصر لشهر محرم .. كل عام هجري وانتو طيبين

اززيكم يا بنات وحشتوونى اوووى

انا بقالى اربع ايام مش بناام من وجع ضرسى وبيوجعنى فى العصب كمااان والدكتوره ببتقولى مالكيش غير بنادول عشان البيبى طبعا وانا فى اخر شهر

روحت للدكتور السنان كتبلى على مضاد حيوى مش بيضر الحامل واخده مع بنادول على اساس انه بيسكن بس مش بيسكن خاالص

بجد انا شوفت الويل والله من ضرسى بس الحمدالله استمريت على المضاد والبنادول خف شويه الحمدالله بس الى قلقانه عليه ابنى كل شويه بفضل مراقبه حركته وخايفه لا ياثر عليه ربنا يسترها ياااااااااارب

ازيكو يا بنات

انا جيت ومعايا عمر :) وقلت لازم احط قصتي زيكم:)

بس في حاجة لاحظتها من كلام ايمو , كلامها عن الرضاعة والنوم كانها بتتكلم عني بالضبط , الحياة بجد عذاااااااااب بالرضاعة وبقلة النوم وبالخوف على الولد , والهسهس كل شوية اقوم اشوف بيتنفس ولا لأ

يوم الخميس 17 كان اخر يوم ليا في التاسع , اخدت لبوس الطلق الصبح وبدا يشتغل مفعوله نص الليل , المهم استحملت الالم اللي استمر طول يوم الجمعة , بس جيت على نص الليل ولقيتني مش قادرة وروحي بتطلع من الطلق

علطول بابا وجوزي وخالتي اخدوني عالمستشفى ودخلت للدكتور وقال يكشف نسا عشان يشوف متوسعة كام سم , وجوزي كان معايا في اوضة الكشف , واول ما الدكتور حط ايده , فضلت اصرخ اصرخ , وبعد ما اخلص فضلت اصرخ من الالم , حاجة بشعععععععععععععة , جروزي قالي كنتي بتقطعي في قلبي وانتي بتصرخي

المهم الدكتور لقى التوسع باين نص سم او اقل , بس قال يحجزني ويبدا يديني حبوب طلق كل 4 ساعات , الطلق كان جامد اوي واستحملت لحد الصبح يوم السبت

المهم الدكتور جالي يكشف نسا تاني يوم السبت الصبح , قلتله مش هكشف الا ببنج نصفي , قال يمينفعش لازم اشوف انتي متوسعة اد ايه , جهزي نفسك وهجيلك تاني

انا بصيت لجوزي وبدات اعيط زي اللي بتعيط على ميت , عياط بشحتفة , اخدني في حضنه وقالي متخافيش ان شاء الله هيكون اسهل من المرة اللي فاتت , ولو مش قادرة دلوقتي هقول للدكتور بلاش يكشف , قلتله لا خلاص خلينا نخلص , المهم جوزي مسك ايدي والدكتور بيكشف واتالمت برده جامد وصرخت , بس فرحت لما قالي التوسع 2 سم

بعد شوية اخدوني على غرفة العمليات عشان اخد النج النصفي , بيقعدوني بطريقة معينة والدكتور قبل ما يعمل اي حاجة يقولي هيعمل ايه عشان متخضش ومتحركش , بس الحمد لله محستش بالم خالص وهو بيركب البنج, هو عبارة عن انبوبة بتبقى في الضهر ومتوصلة بكانيولا بيزود فيها الجرعة كل شوية لما احتاج


المهم كل شوية ييجي دكتور يكشف نسا , وطبعا مكنتش بحس لاني متخدرة , وبرده التوسع كان بطيء جدا , يعني بتوسع 1 سن كل كام ساعة , رغم اني اخدت حبوب ومحلول طلق

اول ما وصلت ل 5 سم توسع الدكتور جاب اداه بلاستيك رفيعة ودخلها جوايا وفرقع كيس المايه :) وحسيت بحاجة دافية مغرقاني , ومن ساعتها بدا الطلق يحمي والتوسع بطيييييييييييييء

كنت بموت في الطلق وكل شوية الدكتور ييجي يزودلي البنج , بس تاثيرة نص ساعة واطلب زيادة تاني

جيت للساعة 10 بالليل والتوسع بقى 8 سم وفضل ثابت لحد ما روحي طلعت , لما جت الساعة 11 تقريبا , الدكتور كشف نسا , قلتله ابوس ايدك قولي 10 سم و قالي خلاص يا ستي هتدخلي العمليات

فرحت فرحة ما بعدها فرحة لاني هخلص اخيرا مكنتش عارفة اللي هيجرالي


عايزة اقولكم اني طول فترة الطلق وانا الولد متشعلق عند ضلوعي وضاغط عليها ومبقتش قادرة اخد نفسي ورجعت من كتر الوجع وقلة الاوكسجين , وبقيت اصرخ من وجع ضلوعي , ودي كانت المشكلة القاتله في ولادتي

اخدوني على العمليات وانا ماشية على رجلي ومسندودة ب 2 ستات عشان رجليا منملة من البنج , كان منظري زي اللي بيجروه على الاعدام بالضبط , اهلي شافو منظري وانا رايحة وجالهم ذهول , بابا انهار وقعد يعيط , جوزي دخل الاوضة بسرعة عشان ميعيطش وقعد يقرالي قران , وقالي في اللحظة دي قلت يارب مش عايز الولد بس قومها بالسلامة

دخلت اوضة العمليات وقعدت نص ساعة او اكتر , قلتلهم مستنيين ايه انا تعبان بموت , قالولي في حاجة لسه مستنيين تنزل في الرحم , مفهمتش حاجة منهم , بس كنت بصرخ من الم ضلوعي واقولهم هموت يا ناس خد يلحقني ضلوعي بتموتني , قالولي هنعملك ايه بس لازم تانمي على ضهرك عشان تسعري نزول البيبي , وانا اقولهم مش قادرة هموت

وبعد شوية جه الدكتور اللي هيولدني وبدا يركبلي قسطرة , وبعدين قال للدكتور المساعد يضغط على بطني و مطلبش مني اعمل بوش, الدكتور ضغط على بطني وطبعا ضلوعي كانت بتموتني , ورحت صرخت صرخة هزت المستشفى

بعد شوية ركبولي ينج كامل , ودا كان اسوا حاجة ممكن الواحد يجربها في حياته , بتدخلي تجربة موت , سامعة وحاسة وفنفس الوقت مش عارفة انا مت ولا لا, وبقول لنفسي انا مت ولا ايه , ايه الموتة الوحشة دي , هو انا مين , هو انا هرحع طبيعية تاني , ايه اللي انا فيه دا , ليه مش بموت , ليه مش شايفة وعينيا مزغلله , ليه الاصوات مش واضحة حواليا


يااااااااااااااااااااه الولاده كلها كوم واللحظة بتاعة البنج كوم تاني , بنهار منها كل ما افتكرها

يعد حوالي ساعة جوا العمليات , الدطتور خرج وقال فين جوزها , جوزي راح دخل للدكتور قاله روح بنك الدم احجز دم لاننا احتمال نولدها قيصري !!!!!!!!!!!!!!

جوزي كانه اتخبط في دماغه , قال يارب معقول بعد كل اللي شافته تولد قيصري , وطلع لاهلي يقولهم الخبر , بيقولي مكنتش عارف انا بكلم مين ولا برد على مين , ومرات خالي بتقولي جوزك وشه اسود , والدنيا لفت بيه , والعيلة كلها انهارت

جوزي راح مع اخوه بنك الدم وهو بيقول , افرض ملقتش الفصيلة او الدم ملوث , وراسه بتلف , بعد شوية جاله اتصال من اخته , بتقوله تعال بسرعة ايمان ولدت , قالها طبيعي ولا قيصري قالتله طبيعي


انا بئة بعد ما فقت نص فوقة من البنج , سمعت صوت عياط طفل , قلت في نفسي معقول ولدت , طب ازاي , وامتى , وكنت ساعتها حاسة بالم الخياطة بس مش قادرة اتكلم , شاورت للدكتور يزودلي الجرعة بتاعة المخدر , وعمل كده بعدها شال انبوبة البنج

الدكتور قالي تحبي تشوفي عمر شاورتله لا

راج جابه وقربه من بقى رحت بوسته وقلت زي القمر , بس كنت في عالم تاني دايخة وعينيا مزغلله

حطو الولد على رجلي وطلعوني على الترولي , وانا طالعة شفت جوزي بيبتسملي , واول ما دخلوني الاوضة , الكل سلم عليا وانا انهرت في بكاء صامت , دموع بتنزل مني وانا ساكتة , بابا باسني وهو بيعيط وجوزي باس ايدس وخدي


جوزي بيقولي روحي رجعتلي لما طلعتي , وشفت الولد قلت دا شبه ايمان خالص لانه ابيض, بس بعد كده الولد بئة قمحي وكل اللي شوفه يقول نسخة من جوزي

حماتي جت وباست ايدي وراسي وقالتلي حمدالله على سلامتك وطول ما انا في العمليات هيا كانت بتعيط


ولدت الساعة 1 بالليل , ومنمتش من وجع الخياطة اللي كان اصعب من الطلق والله , كنت بموت , استنيت للساعة 10 الصبح لحد ما الدكتور جه وقلتله عايزة مسكن بموت , اداني حقنة فولتارين ارتحت عليها شوية


روحت البيت وبدات معاناتي مع الرضاعة , اولا مفيش لبن , ثانيا مفيش حلمة والولد قطع صدري وخر دم , ثالثا , مش قادرة اقعد خالص ارضع , الم الخياطة كان بشششششششششع, وبيحرق موت

الولد كان ميت من الجوع , اديته جلوكوز واعشاب ومكنش بينام من الجوع وجابلي انهيار عصبي

بدات بعد يومين اديله لبن صناعي بالسرنجة , وبعدين لقيتها شمروع فاشل , ودلوقتي بديله صناعي بالبيبرونة لان صدري مولع نار وبيوجعني وانا نايمة ولما امشي


من يومين جاتلي بنت عمي , قالتلي الولد اصفر شوية , قلتلها انا لاحظت فعلا انه اصفر بس قلت يمكن الاضاءة وحشة في اوضتي , بس قلت لجوزي وقالي نروح للدكتور ونكشف

الدكتور قالي روحي المستشفى قيسي الصفرا لان الولد عنده صفرا , رحت وقالولي النسبة 9.4 وطلي الاحظه في اليومين دول وارضعه كتير , واديني بلاحظه وربنا يستر , هقيس الصفرا تاني يوم الخميس , وربنا يشفيه يارب

يا الله ياامونه والله العظيم عيني عماله تسح دموع وقلبي وجعني اوي ع حكايتك مش عرفه ليه........ معلش انتي اكيد الحمدلله دلوقت بقيتي احسن شويه كل ده ف ميزان حسناتك
بس بالله عليكي حاولي تعالجي النيبلز عندك وترضعي طبيعي حطيه ع صدرك واستحملي وحده وحده والله مش هتحسي بالوجع انا كنت بعيط وانا برضع ومش قدره من الوجع ومتعوره بس كنت كل شويه بحاول عشان لوجي كانت بتصعب عليا اوي
والحمدلله ياحبيبتي انك قمتي بالسلامه ربنا يخليلك عمر وابو عمر ياررررررررررب

انتي عرفه ياامونه انا دلوقت بقول مش مشكله وجع الرضاعه وعدم النوم بس اهم حاجه بنتي تكون كويسه وشبعانه لانها بتقطع قلبي لما تقعد تصرخ ومش ببقى عرفه مالها
انتي بس لما تشدي حيلك كده ان شاء الله هتعملي كل حاجه لعمر وترضعيه طبيعي بأذن الله

فلتي يافلتي الف سلامه عليكي ياحبيبتي معلش هي المناعه ف الحمل بتضعف وكل حاجه فينا بتتعب وان شاء الله الدواء مش هيأثر ع البيبي ولا حاجه
بس لما تبقى كويسه بطليه طبعا افضل وربنا يقومك بالسلامه ياحبيبتي يارب

سمورتي النفخ شغاااااااااااااااااااااااااااااااااال يامعلّم ههههههههههه ربنا يعينا والله بجد ويخليهم لينا وينفخونا كمان وكمان :) بس يبقوا كويسين

انتي عرفه ياامونه انا اخدت 6 حقن فولتارين لاني كنت بموت من الوجع برده
اخدت 2 ف المستشفى واربعه ع 4 ايام ف البيت
واخدت4 حقن مسكنه تانيه في المستشفى ف يوم واحد اتهريت مسكنات

كاتو حبيبتي الف مبروك ع الحمل انا برده جاتلي فتره كان عندي هبوط جامد اوي والضغط نزل عندي مع انيميا طبعا
فانتي تابعي الضغط ع طول وشوفي نسبه الانيميا عندك وحاولي تضبطي الدنيا كده وربنا يقومك بالسلامه يارب

ازيكو يابنات

انا رحت للدكتورة وقعدت اقولها نفسي اعرف نوع البيبي بقا وكنت هعيطلها خلاص
طبعا انا مميزة ومتميزة والنونة بتاعتي لازم تبقي مميزة زيي بتقعد في اوضاع غريبه
الدكتورة فضلت تحاول يمين شمال تجيب الجهاز كده شوية يمكن تلقط حاجه وفي الاخر جابت زاوية بعيييده وقالتلي مش واضح اوي برضو بس احتمال بنوتة

يارب بقا تتعدل عشان اتأكد دي شكلها هتطلع بت رخمه اوي

هههههههههههههههه معلش ياهوبا انا بقى عكسك خالص بنتي طول الحمل وهيّ بتقول للأعمى انا بنت :)

ربنا يخليهالك ياايمو ويكرمك فيها ياااااااااارب ويوسع رزقها

احساسك ايه بعد التحول لماما فجأة
انا حايفه من اللحظة دي حاسه اني مش هصدق نفسي وفي نفس الوقت نفسي تيجي بسرعه اوووووي

سالي مبروك تركيب اللوب عقبالي بقى انا الدكتور كاتبلي حبوب بس انا اصلا جوزي مسافر والمشكله مش عرفه هينزل امتى يعني جايز ينزل نهائي ف خلال 0 ايام وجايز يقعد اكتر من 3 شهور ع ماينزل
لو نزل بقى قريب هاخد الحبوب لحد مااروح اركب لوب يارررررربي الواحد مش هيرتاح من الرعب ده ياترى بيوجع وهو بيتركب ولا ايه نظامه ؟

انا بقى ياسالي بعد ماتخنت حبه حلوين ف الحمل نزلتهم تاني للأسف :(

كان وزني قبل الحمل 43 كيلو ووصلت ف الشهر التاسع ل 60 كيلو دلوقت بقيت 48 تقريبا
من غير جيم ولا رجيم بس اجهاد ومفيش نفس للأكل ومفيش نوم
ووشي باين عليه الاجهاد اووووووووووووي مش عرفه اعمل اي ه عشان استرد صحتي كده

.. Hopes;15785392:
ربنا يخليهالك ياايمو ويكرمك فيها ياااااااااارب ويوسع رزقها

احساسك ايه بعد التحول لماما فجأة
انا حايفه من اللحظة دي حاسه اني مش هصدق نفسي وفي نفس الوقت نفسي تيجي بسرعه اوووووي

احساس ابن لذيناااااااااا ياهوبا محدش يقدر يوصفهولك ابداااا
ان شاء الله هتجربيه قريب وانتي فعلا مش هتصدقي وهتبقى مخضوضه شويه وكده انا بقعد كتير متنحه ل لوجي اقول انا بقيت ماما وعندي بنوته يلهووووويز :lol:
حاجه جميله بجد ونعمه كبيره ربنا مايحرم حد منها بس مسؤليه جامده اوووووووووووووي وعوزه صبر وطوله بال
ربنا يارب يقومك كده بالسلامه وتشوفيها او تشوفيه ف حضنك قريب ياررررررررب

يا حبيبتى يا اموووووووونه يابنتى انا مش عارفه اقولك ايه بجد
ربنا يجعله فى ميزان حسناتك ياااارب
بصى الرضاعه فى الاول صعبه و صدرك هيوجعك جداااا بس والله صدقينى بعد كده مره على مره هتبقى زى الحلاوه
صدرك عشان تطلعى الحلمه جربى تطلعيها بالسرنجه بصى هتصوتى وتعيطى بس بجملة
هما يومين او 3 بالعدد وهتلاقيها زى الفل
واللبن فى الاول بيبقى ضعييييف ما تقوليش مافيش لبن حطى عمر على صدرك وهو هينزله رزقه باذن الله
انتى لو جربتى السرنجه وسحبتيها هتلاقى نازل لبن وهتفرحى اووووووووووووى
هيبقى حبه قليلين صحيح بس هيشبعوه
معلش يا امونه انا اللى كان بيهون عليا الفتره دى انى افتكر مآسى البنات بتاعة الرضاعه واقول كله كده مش انا لوحدى وانا احسن من غيرى
فانتى افتكرى ان كلنا عانينا جدااااااااا فى الرضاعه
وحطى بانتينول على النيبلز واعمليلهم كمادات مايه دافيه انا عارفه انهم حارقينك ومش طايقه حتى البرا يجى عليهم
بس معلش استحملى بجد الموضوع محتاج اراده جامده وادعى ربنا كتيررررررررررررررررررررر اوى يا امونه طول مانتى قاعده ادعى ربنا والله هيهونها عليكى كتير واللحظات القاسيه دى هتمر بسرعه معلش اول الولاده فعلا بتكون ايام صعبه جدا و الواحده مش بتلحق ترتاح من تعب الولاده تدخل فى تعب جسدى ونفسي اكبر منه بس والله هترتاحى جدا قداااام وهتعيشى حياتك
ربنا يثبتك ويرزقك الصبر وحسن الخلق وطول البال يارب

emoooooo;15785396:
سالي مبروك تركيب اللوب عقبالي بقى انا الدكتور كاتبلي حبوب بس انا اصلا جوزي مسافر والمشكله مش عرفه هينزل امتى يعني جايز ينزل نهائي ف خلال 0 ايام وجايز يقعد اكتر من 3 شهور ع ماينزل
لو نزل بقى قريب هاخد الحبوب لحد مااروح اركب لوب يارررررربي الواحد مش هيرتاح من الرعب ده ياترى بيوجع وهو بيتركب ولا ايه نظامه ؟

انا بقى ياسالي بعد ماتخنت حبه حلوين ف الحمل نزلتهم تاني للأسف :(

كان وزني قبل الحمل 43 كيلو ووصلت ف الشهر التاسع ل 60 كيلو دلوقت بقيت 48 تقريبا
من غير جيم ولا رجيم بس اجهاد ومفيش نفس للأكل ومفيش نوم
ووشي باين عليه الاجهاد اووووووووووووي مش عرفه اعمل اي ه عشان استرد صحتي كده

الله يبارك فكيى يا ايمووو انا ماحستش اذا كان اللوب بيوجع ولا لا لانى اخدته ببنج كلى الحمد لله:D
بس هو الى الان عاملى نزيف وباخد ادويه عشان الدم يقف بس اعتقد ان ده طبيعى
انتى ما شاء الله وزنك تححححفه جدااااا
بس اتغذى شويه يا ايمان:study:
على فكره الحبوب ممكن تنفخك شويه لانها نفختنى حبه حلوين
وبحاول انزلهم دلوقتى
انا بحب الرشاقه اوووى والله وزنك حلو جدا يا بنتى انتى طولك كام ؟
و تستردى صحتك بالتغذيه الكويسه كلى سلطه على طول وخضار وفاكهه وبروتين وان شاء الله هتبقى زى الفل واهتمى جدا بالفايتامينز لانها بتزل للوجى فى اللبن وهتفرق معاكى موووت

ايمووووو يوم جوازك قرب يا جميل استعدى بئه من دلوقتى لازم تعملى حفله ما حصلتش هههههههههههههههههههههه
لا بجد حاولى تنبسطى اليوم ده وان شاء الله هيبقى يوم حلو