Bossy22;15783106:
كل سنة و انتو طيبيين و سنه هجريه سعيده يارب
نور ورقة اللحمة تحففة انا جربتها كتييير بس عايزة لحمة بتلو عشان تستوى بسرعة انا كنت بعملها بالبتلو بس حاليااا مفيش هنا بتلو فاللحمة بتاخد سنين على النار عمال ما تستوى فبقالى مده معملتهاش
و اعملى بكرة ممممممممممممممم ايه رئيك
كشرى لسه عاملاه امبارح و سميته كشرى التحرير
لازم كلنا نعمل كشرى التحرير يا بنات عشان نشارك فى الثورة :lol:
مسقعة
عدس
شيش طاووق و رز او مكرونة
فراخ فى الفرن او الكيس الحرارى بالخضار و رز
سمك
مكرونة بالبشاميل
ابعدى عنى جوعتينى و انا عايزة اعمل ريجيم:lol:
ههههههههههههههههههه حلو كشري التحرير ده
عملت عدس اول امبارح وكملناه امبارح وعشان بقالنا كتير قوي معملتهوش فكانت حفلة هههههههههه
إن شاء الله هاعمل محشي كرنب ولحمة، عشان عايزة نعزمو صاحب جوزي بس هيتعزم في بيته، يعني اعمل الاكل هنا ونبعتوه للراجل
مراته سافرت وقال لجوزي انه قاعد في مجاعه فصعب عليا بصراحة فقررت من 5 دقايق لما شوفت مشاركتك اعمله
تـيـولـيـب;15783115:
كل سنة وانتوا طيبين يابنااااااااااااااااااات
انا عملت السينابون بطريقة بيرق امل بس مع الاسف فششششششششششل فشل ذريع وده طبعا بسبب الخميرة قولولي نوع خميرة حلو انا بستخدم بتاع حلو الشام وفاشل فاشل
عملت النهاردة كباب حلة بطريقة ام بودي وطلع تحفة تسلم ايديها
طول ما الخميرة ملقيتيهاش نفشت وبقت اضعاف وتتكي عليها تحسي انك بتتكي على هوا يبقى مش نافعة الخميرة فعلا
بصي هي معلقة كبيرة على الكمية ماشي، ومعرفش انواع خميرة انا مش فاكرة اللي كنت بستعمله
nanoo99;15783951:
كل سنه ونانتو طيبين يابنات
نور قولى كدا الرز بالكركم ايه نظامه
بصي يا ستي عملت شوربة دسمة على عضم بس شوربة لحمة
تجيبي رز تغسليه عادي على جمب
تجيبي الحلة تحطي فيها سمنة على معلقة زيت وتفتحي 3 فصوص حبهان ارميهم حمريهم فيه وبعدين انزلي ببصلة تخرطيها رفيع قوووووي وتشوحيه وتدبليه بملح وفلفل اسمر ولما يبدأ يصفر انزلي بكبشة زبيب ولما يتنفخ انزلي بالكركم كبيرة وقلبي قلبي هيتشوح تروحي نازلة بالرز وتقلبي كام تقليبه وعايري المية بالشوربة اللي عملتيها وتضبطي الفلفل الاسمر وارمي قرن فلفل اخضر حامي فيه واضبطي الملح وسويه زي الرز العادي
لو مش عايزة خطوة الزبيب انزلي بالكركم على طول واتعاملي
L O L Y;15784708:
السلام عليكم ورحمة الله وبركاتة وكل سنة واحنا بخير ويبعد عن بلدنا كل غمة يارب ويجعلها بلدا امنا ويرحم شهدائنا يااااااااااااااااااااااااارب انا عملت كيكة النهلردة حلوة ومظبوطة الحمد لله بس انا ليا سوال حلزونى شوية اية الفرقبين الكيكة ام زيت والكيكة ام سمن واليكة ام زبدة بالنسبة للطعم والدسامة والنافاشة وانهى الاحلى عموما وهل ينفع ام اعمل كيكة ممكن احط سمن وزيت او زيت ووزبدة او او العكس حد فاهم حااااااااااااااجة
بصي انا معرفش الفرق بصراحة بس انا عمري ما عملت كيكة بسمنة بس او زبدة بس
لازم لو المعيار تلاتربع كباية بخلي نص سمنة او زبدة واكمل الباقي زيت ومرة عملت سمنة على زبدة على زيت كملت بيهم المعيار