جمعتنا السورية مع أحلى صحبة أردنية لشهر محرم ... اتفضلوا البيت بيتكم***

كيفكم ياحلوين الله يجعل هالسنه خير وبركه ع الكل والله اليوم الدنيا شتت عنا شو مطره والكل مبسوط وستبشروا خير بهل السنه

ترجعي بالسلامة وانا كمان بهالوقت تقريبا راجعة علبنان ...

كل عام وانتو بخير ان شاء الله بتكون سنة خير عليكن ...

السلام عليكم
كيفكن؟ طمنوني عنكن وعن اوضاع الشام
حابة دردش واحكي شو عملتو وشو طبختو.....الخ

الله يسعد اوقاتكم
ومبروووووووووك التجمع الجديد وكل عام وانتوا بألف خير وصحة وعافية بمناسبة السنة الهجرية يااااارب تكون سنة مليانة بالخير والسعادة وتفريج الهم للجمييييييييييع
دمشقية الله يسلم ايديك على افتتاح التجمع وعلى الرز بالحليب بدي قول لحماتك تساويلنا ياه خخخخخخخ
لولية الله يسعدك يارب ويهنيك انتي وابن عمك ماقصرتي بهالروحة
عروسة ان شاء الله بترجعي لأبن عمك بالسلامة اشتقتيله ;)
بنوتة اهلين فيك نورتينا والله اشتقنالك وانتي بألف خير يارب الله يسمع منك وتكون سنة خير
سلامي لكل الصبايا الغايبين عنا بس حاضرين بقلوبنا

هههه سورية تسلميلي والله اشتقتلووووووو كتير اسبوع وبكفي الشهر ...

عروسة الميدان أهلا وسهلا فيكي أول مرة بشوفك معنا ازا جديدة عرفينا عن حالك

ياسلام ياسلام الله يجعل هالشات عامر بوجود الحبايب

لولية ست الكل الله يجعل ايامك فرح وسعادة وان شالله تنبسطي مع زوزك وترجعي بالسلامة لبيروت

&&&&&&&&&&

بنت الشام نورتينا ياقمر والله يبعت الخير يارب عليكم وعلى الجميع نحنا لسى بجدة ماشفنا المطر وماحدا متشجع كتير لالها استغفر الله من اللي صار السنة الماضية
واللي قبلها ... بس ربك رحيم بكل الاحوال
للمرة العشرين بسئلك بنوتة شو جبتي انتي ماخبرتينا زمان بنت ولا ولد

***********

عروسة ابراهيم ماشالله عنك والله انتي مناضلة يعني بعدك عروس وابعدتي كل هالمدة عن زوجك بصرااااحة احيي صمودك ههههه
ياستي يالله انبسطي هالاسبوع واشبعي من اهلك قد ماقدرتي وان شالله بترجعيلو بالسلامة

&&&&&&&&&&

سوريتي يارب هالسنة تكون حاملة الك كل الخير والفرج ياااااااااااااااااارب ويحقق ربي مناكي
وكل مين قال امين
اجى زوجك ياترى ولا لسى ماوصل ؟ ان شالله بالسلامة

&&&&&&&&&

عروسة الميدان نورتينا ياقمر واهلا وسهلا فيكي معنا
نحنا هون كلنا مغتربات عن سوريا ويارب تكون الاوضاع بخير ومو متل اللي عم نشوفه والله يفرجها على الجميع

الدمشقية صامدون قولي أنا هينة أهلي عوضو عليي بس هوي العترة عليه يلاا بعين الله ...

عروسة يالله الله يعينك ويعينه هي هالفترة وبترجعو لقواعدكم سالمين ههههه
وابقي المرة التانية جيبيه معك لا تتركيه لحاله

************

اهلين عروسة الميدان سامحينا العتب على الذاكرة
نورتي من جديد ياقمر والله يخليلك الحلوين اسم الله عنهم
على علمك الحدود من الاردن مسكرةعلى سوريا ؟ ولا مابتعرفي

والله انا بعرف انو مفتوحة ومافي اي خوف مرت عمي بتنزل عالشام كتير ونزلت قبل فنرة والامور عادية جدا على قولها ونازلة مرة تانية كمان اسبوع خاطبة لابنا من هنيك وبدن يجيبوا العروس
بتعرفي شي مقشر للجسم بينحط بعد خلطة التبييض؟ طبيعي بس.

ايوا يعني الحدود مفتوحة مو متل ماعم نسمع
يارب تكون الاوضاع بخير نوعا ما والله يفرجها

بخصوص المقشر والله انا بعرف بس مقشر العسل بتحطي ملعقة كبيرة من العسل مع ملعقة كبيرة من السكر وبتخلطيهم مظبوووط وبتدهني وجهك فيهم مدة خمس دقائق
دع التدليك بشكل دائري وبعدين بتشطفيه بماء فاترة
اذا بشرتك جافة بتحطي بعد هالمقشر اي كريم مرطب وبس

اتشرفنا عروسة الميدان ...

ههه الدمشقية التووووبة ... رجلي ع رجلو مشان أنبسط أكتر

حتى أختي بدا تنزل ع سوريا بالعطلة الجاية قالتلا ماما يمكن يعملو حصر جوي ويوقفو الطيران ع سوريا الله يستر ...

ههههههههه اي منيح عروسة التوبة حلوة

بخصوص السفر وحظر الطيران اليوم استثنوا حظر الطيران يعني بتقدر اختك تنزل عاادي
وانا والله قللي زوجي حتى لو بدهم يعملوا حظرمننزل عن طريق بيروت لان لبنان مو مع القرارات الحمد لله ومن بيروت للشام ساعتين يعني بسيطة
ومافي شي بوقف بطريقنا باذن الله

الله يسعد الحلويين
عروسة الميدان اهلين فيك نورتينا
عروسة ابراهيم يالله الله يجمعك بزوجك على خير واكيد اللقاء بيكون حلو :o
دمشقية ربي يسعدك ويخليلي ياكي ويسمع منك ربي الله كريم

شو سيرة الحب عندكم اليوم انا ان شاء الله رح ساوي بطاطا بالفرن على دجاج وجنبها رز ابيض

(سورية وبفتخر) انتي وين بجدة تقريبا؟؟

سورية خانم ان شالله هنا وعافية على البطاطا يارب
انا عملت اليوم مسئعة باتنجان

وان شالله نسمع الاخبار الحلوة يارب عنك وعن كل البنات هون هههههههههه

&&&&&&&&&&&&

عروسة الميدان هنا وعوافي على السبانخ اكلة حلوة ومفيدة صحتين يارب

والعفو بخصوص المقشر ,,, العسل حلو بكل شي وفوائده رائعة انا كنت جيب ماسك العسل من نيفيا كتييير حلو وبيعطي نعومة تحففة

مسكين ابن عم امك الله يصبر اهله وحسبي الله على اللي كان السبب والله يفرجها عليهم يارب