مصراتية لشرقاوى;15781948:
سامحونى ياعريسنا على غيابى لانى حايسة شـــــــــــوية
جـــــــــــــــــــواب لعروستنا روزة الحلــــــــــــــوة....
هوة بخصوص رفع الحوايج زى ماقالولك البناويت وعرايسنا كفوو ووفو وماقصروو ...
انه فيه يوم للتفـــــــــــــــــــــريش ...بس فى اغلب البناويت وبدات بعد ثورتنا المباركة
كل وحدة صارلها ظرف غيـــــــــر كل شئ الواحد امرتبه قبل ...
بس انى انقولك بالنسبة لية فكرتى اللى درتها وماشية عليها .. مش عارفة خودى منها اللى انت يصلح بيك وترتحيله
انى بما ان العرس فى مدينة بنغازى ودخولى فى مدينة تانية ...
فــــــــــــــامن توة بديت نبعث فى حوايجى الحق لانه سفر وهكى ..بس عارفة شن درت :-
"صورة لبداية حوستى فى تجهيزات حوايجى هذى البداية بس :|:confused::o:o..."
ستفت كل حوايجى طبعا المفروشات وحاجات الحمام "حشاكم والكوجينة فى كراتين كبيرة ...
المهم فى واحد من الكراتين حطيت ورغان الدخول هوينا فى صندوق جاى الورغان كامل هلبة قطع المهم جبت صندوق اكبر منه وحطيت داخلة صندوق الورغان وطاقم اضافة انصولات كنج سايز 4 قطع ابيض سادة طبعا وطاقم انصولة امتاع السترتش ابيض حتى هوة علشان ايحطوهولى تحت الورغان علشان نوعيته زى الفوطة وماتزحلقش انصولة الورغان ..المهم معاه تانى فى الصندوق عدد مفارش 2 صغار للكمادينو وواحد للسكماجة و2 ذيادة و4 اغلافات زيادة لمخاد العزقة صغار وحطيت شدادة الستارة وساعة وافريم دجتل للفوتو امتاع العرس بالميمورى
هذووو هما مصورتهم "ورغان الدخول واللى حاطتهم امعاه "
طبعا هدووومة كلهم فى صندوق واحد وكتبت عليه رقــــــــــم (1) ... وقلت لخطيبى هذا الوحيد اللى حاينفتح على يوم الدخول
يعنى حطيت فى بالى الصندوق الوحيد اللى حاينفتح الحق "مسمومة زيك ههههههههه " المهم وهكى رقمى كل كرتونة وانى دايرة مذكرة كتبت كل رقم من الصناديق شن فيهم ..وحطيت صندوقين فيه بس المخاد وكوبيرطة يعنى ماتخلطيش لحوايج فى بعضهم علشان لما مثلا مع الورغان بيحتاجووو لمخاد مش يبقوو يفركسو فيهم انت على طول
سبقى لخطيبك ان الصندوق رقم (1) مثلا زيى فيه ورغان الدخول و2 و 3 فيه امخاد و4 فيه ورغانات وبطاطين وهكى ابدى بالحاجات الرزينة فى الترتيب ...وبعدين الحاجات الصغيرة والصغيرونة مادابيك فى كراتين صغيرة حتى هية ولصقيها علشان لما تحطيها مع حاجات تانية تبقى عارفة انهم مايتحوسوش وريحو وادوخى انت فى الفركسة عليهم ..وبعدين تبقى اتخممى وين حطيتى هذه وهذى
وبعدين انى هالفكرة الحق درت علشان انريح روحى من الدرجة الاولى زى ماقلتى حاجاتى الخاصة مانحبش حد يفركسهملى وبعدين حتى تبقى مفاجئة لما يشبحوها وانت قاعدة غير لما يشبحوها قبلك ..وبعدين انى اختى انى رتبتلها انى وقريباتى بس راحوو منها كم حاجة صغيرونة الحق وماتقدري اتسرقى حد الحق عيب ..وبعدين اختى كل مرة تتصل بية واتقولى وين الحاجة الفولانية يعنى يانارى داخت وهى ادور واتفركس الحق مع انى حاولت انى انحط كل شئ فى مكانه ..
وبعدين بخصوص لحوايج الملابس حتى هما خليهم فى كراتين ...
ماعادا احوايج الدخول وكم حاجة حاتلبسيها فى ايام الفرح وبعده يعنى لعند اسبوع حاولى هذومة طبعا اتوتيهم ويمشو يوم دخولك انى هكى مدايرة ..يعنى مثلا قفطان النوم ولوازمه مثلا حطيتهم فى بوكس مثلا مزين بشرايط ..يعنى هكى انى مدايرة وحانحطلكم ان شاء الله صورهم ..وكل طاقم من القفاطين والجونات مثلا بالكندرة ولوازمهم حتى هما كل واحد فى بوكس مزين حتى لما بتمشى يبقى منظرهم حلووو "مش عارفة انى مش مع فكرة السوابيت الحق لحوايج تبقى باينة ومافيهمش مفاجئة ...
وبخصوص فكرة الشناطى ومعاها اقفال ومفاتيح مش حلوة الفكرة ياعرايس ماديروهاااش راهوو صعبة لما يشبحها حد فى عيلته ايقولو مسرقتنا قبل ماتجى فالافضل جيبى الضروريات امعاك ومزينات ...
المهم قبل ماننسى هذه الساعة بس مش امتاع دار النوم لانى مش حاندير فيها ساعة حيط بس على الكمدينو ..انى واخدة كم طقم وواحد منهم طالع فى الصورة مع الساعة على شكل موف بس ..لان ورغانى احمر ومطعم بالابيض فافضلت تحف الكمدينو ايكونو اقل شئ جلد او لون عاجى او اى لون محايد ويكسر يعنى من درجات البنى والقهوى نفس الموبيلية "ياخسارة ماصورتهمش " ..والساعة هذه للصالة بس حطيتها علشان اكيد حانحتاجها حتى لو بعيدة عن الدار النوم لانى اصلا مانحبش صوت الساعة الحق "تك تك تك " يزعج فية فالاصل ديما لو تلاحظو فى غرف النوم ماتنحطش الا ساعة الكمدينو امتاع الفياق بس اما الساعة على الحيط ماتنحطش الا فى غرفة الجلوس او كرديورى وهكى لانها دوشة بالذات فى هدؤ الليــــــــــل والرومانسية ...:o:o:o
وهذه شدادة خشب بامبو ملون احمر غامق لستارة زى توكة الشعر اليابانية بس خاصة للستاير
"لو بتجوجلوها اكتبى الكى وردس وحدة منهم
Bamboo Curtain Tie-Back
Wooden Curtain Tie-Back
ان شاء الله كل مااندير حاجة انساعدكم يااعرايس وانضيفلكم تجربتى حتى يسهل على كل وحدة بلكى تنسى حاجة او اسرع ليها فى التجهيزات
ان شاء الله ربى يسهل سترتى ويعجلها ادعولى ياعريسنا الحلوات..وماتنسووو لو عجبكم ردى وتجهيزاتى وترتيبها ......... قيــــــــــمونى:o
جواب المخالفة
سلمــــــــــــــــــــــــــــــــــــــــــــــــــــــــــــــــها :thumbs_up:ياربي ههههه مشاءالله عليك حلو منظمة حتى انا نحب التنظيم زيك وكل شي انخططله ونرتبله بروحه ياعطيك الهنئ ياعسولة شكرا
وبالنسبة لشنطة الدخول اول ليلة نبي لمه نروح لحوشي خوي ينزلهالي من السيارة
وباقي حاجاتى نرفعهم قبل العرس بيوم او يومين بس هوا في العادة لمه يرفعوا حوايجك يابتعتى حد يرتبهملك او همه يرتبوهملك هوا عادى مش عيب بس انا زي ماقلت احويجاتى ومانبيش حد يشوفهم لانه حاجاتى الخاصة
توة بنشري اشناطى وبنحط فيهم حوايجى وبنديرهم بنلف عليهم بالتول بحيت صعب ينفتحوا:worn_out: شوية وفي نفس الوقت اشنطيـــــــــــــاتى وامزينتهم توة انصورهم لمه انديرهم
خطيبي قالي عادى توة انرتبهمك انا :o:Dهههههه
