فكره حلوووه حق ريلج

سلام عليكم
هى صدق فكره بسيط بس وايد تعجب ريلى
صدق ساعات احصل هزبه بس احس من داخله مستانس
المهم
خذي تلفون ريلج الصبح من غير ما يشوفج
وضبطي على المنبه الا في التلفون على ساعه معينه يرن عنده
واكتبي له صباح الخير وكلام حلوووو يستانس عليه في الدوام ويفتح نفسه على الدوام ...
انا سويتها هل الحركه صدق انه فول عليه اونه لاني استخدم تلفونه من غير ما يدري بس من داخله احس انه مستانس :)

ومره سويت له حركه بعد .... قبل ما اسير الدوام طبعا هو يطلع قبلى ويرد قبلى .... حطيت في الكبت (المكان الوحيد الا ينتبه عليه) ورده حمره و جنطه اصغير في كاكاو باتشي وورقه مكتوبه عليها زهب عمرك الساعه 1:30 انت معزوم ....طبعا اتصلت فيه قلت له الحينه طالعه من الدوام اترياني امر عليك طبعا انا الا وصلته وسقت السياره وهو ما يدري وين بوديه وديته مطعم اول مره يسيرها وكنت حاجزه باسمه ... احس انه وايد استانس وكيف :)

وحاطه في بالى ان شاء الله اسوي له نفس الحركه بس اعزمه على سينما ال VIP طبعا بيكون مفاجاه له لانه ولا مره سارها :)


شو رايكم .... ان شاء الله عجبتكم الافكار

وربي يسعد كل وحده معا ريلها امين يا رب