لعيون عرايس ليبيا
ولعيون عرايس عروس
احلا صباحو علا احلا عرايس
هالقسم له وحشه وعارفه ان هلبا منكم راسلوني ومقصره معاكم بس حظ هكي هالفتره مافي تايم ابدا :hysterical:
الموهم
من المهم لكل عروس عنايتها بتعطير شعرها بشكل مايكونش فيه ضرر
في عدة طرق للتعطير الشعر بشكل طبيعي
طريقتي
شطفه بماء الخزامى . . اللافندر
وتخلي الخزامى فيه لين يمصها الشعر الشوي وبعدها تشطفي
ماء الخزامى عباره عن كوب ماء عذب+كوب ماء ورد مقطر =مخلوط الماء مغلي ساخن جدا
قبل تطفيه تحطي فيه حفنه خزامى
وتخلي تواني وتطفي النار وتغطي البكرج=ابريق للغلي ;)
وتخلي لين يتنقع ساعتين وبعدها تستعملي المحلول هادا تدفيه شوي حين استعماله لاننا ف موسم شتاء
الزبده :Dيجهز قبل الحمام بساعتين
وبعد غسل شعرك بشامبوك المفضل وت شطفيه تحطي عليه المحلول هادا واتلهي نفسك بسنفره جسمك او اسنانك او دعك رجليك بحجر الاقدام
الموهم تخليه ديما 10 دقايق وثم اشطفيه
وهادي اني ندير فيها
الخزامى متوفره ف العطارين الكيس بدينار = ف ليبيا... يكفيك اياااااااام
المنطقه الحساسه;)
نفس المحلول نستعمل فيه لغسل المنطقه الحساسه مع البابونج = الفليه
او القميله
نفس المحلول نستعمل فيه لغسل المنطقه الحساسه مع البابونج = الفليه
او القميله
ووووايام مابعد الدورة يوم الطهاره نجلس فيه ساخن مع مغلي البابونج ونحط فيه شوي ملح بحر = ملح خشن للتعقيم
وملح البحر تستعمل فيه:L: النساء الليبيات :L: ف النفاس اثناء الشطف بخلطه مع الماء لانه يعقم المنطقه والجرح
متوفر ف العطاره بي دينار او 2
ملاحظة :study:
ياعرايس انا اعمل كمية الي استعملها ف نفس اليوم يعني يكون =فرش=طازه ولا اخلي المنقوع يطول اكثر من 24 ساعه
ياعرايس انا اعمل كمية الي استعملها ف نفس اليوم يعني يكون =فرش=طازه ولا اخلي المنقوع يطول اكثر من 24 ساعه
وخصوصا للمناطق الحساسه :clock:
وفي النهاية رابط حلو حبيت كل العروسات يشووووووفنه
خصوصا انه مجرب وانا عندي تجارب مع الريحان لتعطير الشعر
تفضلو
طبعا لريحه ولا اقوى
بعد مشط الشعر وتجفيفه بالمنشف ممكن تبخيره بي اي بخور تحبيه
بعد مشط الشعر وتجفيفه بالمنشف ممكن تبخيره بي اي بخور تحبيه
عن نفسه انحب البخور الليبي العادي بريحة ماء الزهر
الموهم التبخير يكون علا بعد لا يقل عن 10 سانتي من الشعر موش قريب هلبا منه
وف امكانية استعمال رشه من معطرات الشعر الفرنسيه ف الطلعات والمناسبات الخاصه بس الاكثار منها موش صحى
عطور الشعر الي تجي في ماركات العطور زي عطور شانيل مثلا
وفي معطر بنك شوقر للشعر وهو زي عطر بنك شوقر ريحته علا سويتي ومجربته يهبلللل
وتوتة توتة خلصت الحدوثه:-#
لو سطوري نالت رضالتكم رضونا بالتقييم
الموضوع تجارب شخصية لعروسة ليبيا لا احلل نقله دون مصدره .
