عنايتي الشاملة+صور+طلب

اللي ما تطلع لهم الصور يقدرون يحملون الملف المضغوط
فيه كل الصور اللي ماتطلع:rolleyes: ..

اليوم راح اكتب لكم عنايتي الشاملة لكل شي بجسمي + طريقة علاجي لمشاكل بشرتي ..

طبعا هذي العناية ما ابتديت فيها .. بس من باب قوله تعالى
( وأمرهم شورى بينهم) .. حبيت استشيركم قبل
ما اروح اشتري الاغراض واخسر فلوس وبالاخير اكون حاطة فبالي شي غلط او خطر علي ..

طبعا الاشياء اللي انا مختارتها.. اخترتها بعد بحث وتجارب دامت تقريبا سنة ونص او سنتين ...

راح اقسم الموضوع الى اربع اقسام ..

1- قصتي مع مشاكل بشرتي وايش جربت ..
2- اغراض ناقصتني بعنايتي >> حبيت اعرضها لكم عشان تنصحوني قبل لا اشتريها ..
3- عنايتي اللي ان شاء الله راح اقدم عليها بعد شهر او شهرين .. يعني بعد ما اتاكد من المحتويات وتوفر المادة ويتطمن قلبي ..
4- ثلاث طلبات منكم ..

هو صح الموضوع شوي طويل .. بس حبيت افيدكم واسسستفيد منكم بصراحة ...
هذا اول موضوع لي فإذا ما كان هذا القسم هو المناسب ! اتمنى ينقل للقسم المناسب
عشان ياخذ يحقه .. >>> ماتحب تزاحم :D

على بركة الله :

1- قصتي مع بشرتي :

طبعا انا بشرتي لونها حنطي .. مو دهنية ولا جافة .. بس انها اقرب للجفاف لاني ما اشرب موية كثير ..
الحمدلله الجسم متناسق بس للاسف اني نحفت بعد ماكنت مليانه وصارت لي ترهلات كثير ..
راح ألخص كل مشكلة وايش سببها ..

* ترهل الثدي والارداف >> نحف بعد امتلاء
* خشونة الركب والاكواع واسمرارها >> اهمال
* علامات تمدد الجلد اللي هي الخطوط البيضا والحمرا >> نحف بعد سمنه واهمال ترطيب الجلد
( على الارداف واسفل الظهر والافخاذ والركب وبطة الصدر والقليل منها على الصدر )
* اسمرار المنطقة الحساسة + الارداف >> اهمااال وعدم استخدام الادوات بطريقة صحيحه
* ذبول الوجنتين (الخدود)>> نحف بعد سمنة ..
* حبوب حمراء وبيضا صغيره في المنطقة الحساسة >> عدم المعالجة بطريقة صحيحة
* حبوب تحت الجلد على المؤخرة .. تختفي ثم تظهر وهكذا >> مدري وش السبب :hysterical:
* الاسنان صفراء نوعا ما ومحيوسة والاضراس مسوسة >> اهمال طبعا ..
* شعر فروة الرأس خشن جدا وجاف ومتقصف وباهت وحالة اممممه صعبة >> الفرد والاستشوار
والكاوية والفير والاهمال واالفلاحة الزيادة ايام المتوسط والثانوي :celebrate:
* خشونة شعر المنطقة الحساسة >> الموس حبيب القلب خخخخ :lol:
* ترهل الاشفار الكبيرة في المنطقة الحساسة >> النحف والشيل بالحلاوة ..

* جفاف الشفايف >> اهمال

طبعا اغلب هالمشاكل على ما قال كنت غافله عنها لان ماكان فيه احد يوعيني زي كثير من البنات ..
اللي مانكتشف هالبلاوي الا لين نوصل سن الزواج لا ونتكشف من انفسنا بعد ..
انا راح اكتب طرق العناية اللي ممكن انها تكون غلط او خطر .. يعني مو عنايتي بحذافيرها .. لان فيه اكثر واكثر ;)..
بس حابة انزلهم بالتفصيل بمواضيع مستقلة ان شاء الله ..

2-نجي عند الأغراض اللي ناقصتني وأفكر أشتريها وأبي شوركم :L: :

1- من الصيدلية :

* ماركة جيليت :
أمواس فينوس (نسائية+بكيني)+رغوة satin care

*سيباميد :
كريم ضد الالتهابات+غسول حميمي+كلونيا+مناديل زيتية

*جونسون :
الكريم الوردي+زيت اللوز والصويا+بودرة بدون عطر

*فرش أسنان (صغيرة+كبيرة)+ معجون أسنان

*زيت جنين القمح تعبئة وادي النحل

*سيريلاك بالقمح

* حليب ovltine بالشكولاته

2- من العطار :

* الزيوت :
زيتون بكر+عنبر أزرق+لوز مر+لوز حلو+خروع+خزامى+جلسرين

*أكل:
حب العزيز+بابونج+ماء ورد ( طبعا البابونج وماء الورد ماراح اشربهم)..

3- من عبدالصمد القرشي :
مكعبات المسك ..

4- من محل مستحضرات :

*بالمرز :
كريم شعر+تونيك شعر+مرطب شفايف

*كريمات :
نيفيا+ريينول من فازلين+زبدة الكاكو والشيا من فازلين

*فرشة ومشط خشب

*قطن

5- من أبو ريالين :

*بلاستيك:
2 بخاخ فاضية+7 علب فاضية+ملاعق+صحون+كاسات

* أخرى:
مناديل رول+فوط بيضا 3 حبات

6- من السوبر ماركت:

*بيكربونات الصوديوم

*مشروبات:
حليب الصويا بالشكولاته+عصير مانجو المراعي+حليب أبو قوس

*مأكولات:
بطاطس+كرز

*معلبات وكذا :rolleyes::
بطاطس أكياس+صدور دجاج+أندومي كاسات+شكولاتات

انا حسبت الميزانية طلعت تقريبا حول 1150 ريال سعودي :sick:
والمبلغ بالنسبة لي مو بسيط خصوصا اني بنت
وراح ادفع المبلغ مرة وحدة :confused: .. بس ان شاء الله
ماراح تروح هدر .. بإذن واحد أحد ..

تبون تشوفون صورهم أدري :D .. لاتستعجلون باحطها هع ..

3- عنايتي الشششاملة تقريبا:

راح أقسمها عشان تصير أوضح ..

1- عناية لكامل الجسم :

واللي راح تكون عبارة عن :

تقشير+تعطير+ترطيب ليلي ونهاري+ترطيب الوجه+ترطيب الطوارئ :D

التقشير :

الخلطة :

زيت زيتون

سكر طعام أبيض

الكمية :
اللي يكفي جسمي بس السكر يكون
اكثر من الزيت ..

الطريقة :
أخلطهم مع بعض :D

وقت الاستخدام :
وقت الاستحمام قبل ما أغسل شعري
مرة بالاسبوع ..

طريقة الاستخدام:
بدون ما أبلل جسمي ع طول أفرك بالخلطة
كللللللل جسمي بدون استثناء ..
مع مراعاة الفرك الذكي ( بسرعة وبدون ضغط شديد)
إذا خلصت تفريك أخليها وأروح أغسل شعري
بعدين أغسل جسمي بشاور جل ديتول الأخضر..
بعدين لو حبيت أخذ كمية قليلة من الخلطة أفرك فيها
سريع سريع وأغسل بمويه أو أخذ فوطة بيضا صغيره

وبيكنج صودا

ابلل الفوطة موية واحط شوي بيكنج صودا
وأفرك جسمي واتشطف.. وأتنشف ..

خلصنا من التقشير ..

التعطير والتفتيح :
بعد ما أطلع من الحمام وقبل ما أدهن جسمي
أدهن من هذا البخاخ اللي هو عبارة عن :

علبة بخاخ فاضية

مغلي البابونج(قبضة يدي في كاسين موية واغليهم واصفيهم)

ماء ورد

مكعب مسك

ماء

الطريقة :

اجيب البخاخ اعبي نصه موية عادية
وربعه مغلي بابونج والربع الثاني ماء ورد
ارمي نص مكعب المسك بالبخاخ واسكره
وارررجه واخليه لين يذوب المسك ويتفتت..

وقت الاستخدام :
بعد الاستحمام ..

ملاحظة :
أقدر أستخدمه ع المنطقة الحساسة

خلصنا من التعطير

الترطيب الليلي
( يكون بعد الاستحمام + كل يوم قبل النوم)
(ما أحطه على الوجه ولا المنطقة الحساسة)
..

الخلطة عبارة عن :
علبة فاضية

2م\ك زيت جنين القمح

2م\ك زيت زيتون

2م\ك زيت اللوز المر

1م ك زيت الخزامى

نص علبة فازلين رينول البنفسجي من فازلين (اللي لتجديد البشرة)

الطريقة :
أفرغ نص علبة الفازلين في العلبة الفاضية
أحط كل الزيوت بالتدريج .. وخلاص ..

وقت الاستخدام :
بعد كل استحمام بالليل
قبل النوم كل يوم ..

ملاحظة :
ما أتعرض لأشعة الشمس

خلصنا من ترطيب الليل

ترطيب النهار :

الخلطة :
2م\ك زيت جنين القمح

2م\ك زيت زيتون

علبة حجم كبير من كريم فازلين بزبدة الكاكاو والشيا

الطريقة :
أفتح علبة الفازلين .. أحط عليها الزيوت
أخلطها وخلاص ..

وقت الاستخدام :
العصر أو الصباح ..

ملاحظة :
ما أحطه لا على الوجه ولا على المنطقة الحساسة ..
ولا أطلع بالشمس ..

خلصنا من ترطيب النهار ..

ترطيب الوجه + الخدود(للنفخ)+الشفايف :

الوجه :
الخلطة :
زيت جنين القمح+زيت الزيتون + شوي فازلين العادي

الكمية:
اللي أبي مافيه كمية محددة ..

الطريقة :
أخلطهم سوا وبس ..

وقت الاستخدام :
أي وقققت ..

خلصنا من ترطيب الوجه ..

نفخ الخدود :
الخلطة :
م\ك زيت جنين القمح
نص م\ك زيت زيتون
م\ك زيت العنبر الأزرق

الشفآيف:
التقشير :
احتاج فرشة أسنان صغيرة

فكس

الطريقة :
أدهن شفايفي بالفكس واخليها دقيقتين ..
بعدين ادعكها خففففيييف بالفرشة ..
بتطلع قشور اروح اقشرهها باصابعي ..

بعدها أحط المرطب اللي عبارة عن :

عصير كم كرزه ( اعصرها خفيف بيدي)

مرطب الشفايف من بالمرز

وربع ملعقة من زيت جنين القمح

الطريقة :
أفرغ المرطب بصحن واحطه بالمكرويف
لين يذوب بعد ما يذوب اطلعه واحط عليه عصير الكرز
وزيت جنين القمح .. اخلطهم سوا وأحط منه ع شفايفي ..
واحتفظ بالباقي..

وقت الاستخدام :
أي وقت ..بس قبل النوم افضل اني احط فكس لحاله
مرة روعة الفكس .. طبعا التقشير مرة وحدة اسبوعيا..

ترطيب الطووارئ :
وهو اني راح استخدم مناديل سيباميد
باي وقت احتاج ترطيب للاحتياط يعني
وراح يكون بالشنطة معي دايما وين مارحت ..

2- عنايتي بالركب والأكواع :

اللي راح تكون تفتيح .. والترطيب من اللي فوق ..

لتفتيح الركب والاكواع :
خلطة :
شوي زيت الجلسرين

شوي عصير ليمون

الكمية :
اي شي بس اهم شي الليمون أكثر من الجلسرين
بشووي ..

طريقة الاستخدام ووقتها :
ادهن ركبي واكواعي
واخليها ساعتين واغسلها ..
طبعا كل يوم احطها ..
واليوم اللي باستحم فيه احطها قبل ما استحم
بساعتين ..

3- عنايتي بشعري ..

شعري زيادة ع مشاكله ما يطووووول أبدا
فاعتمدت طريقة صح أنها تحوم الكبد بس هي الوحيدة
اللي طولت لي شعري الحمدلله ..

أظفر شعري مثل هذي لمدة شهر

أظفره بعد أسبوع أفكه أخليه يومين يرتاح
يعني أظفر يوم الجمعة أفكه يوم الاربعاء ويوم الجمعه ارجع أظفره
مع العلم اني ما أغسله لمدة شهر كاااامل ..
الا اذا جتني الدورة وخربت علي ..لازم اغسل شعري
بعد الطهر ..
هذي أكثر طريقة فعالة تطول الشعر ..

طيب يوم غسل الشعر :D وش أسوي ؟!

أقص أطرافه

أدهنه بأحد هذي الزيوت :
زيت الجدايل الأحمر

زيت النارجيل الأخضر

وفيه زيت عندي مدري عن اسمه وعلبته
للاسف مو عندي اهو لونه أحمر وريحته فكس

طريقتي في وضع هالزيوت وحدة :
أسخن الزيت وأدلك فيه فروة راسي
وأحط عليه كيس لمدة أربع ساعات
بعدين أروح أغسله بالمجموعة هذي

مجموعة اللوز والافوكادو من شركة أفون
كلمة روعة قليلة عليهم وما أقدر أغيرهم أبد

الشامبو :
أرغيه واحط ع شعري وافرك واشطف

البلسم :
بعد الشامبو اعصر شعري خفيف واحط البلسم
واغسل جسمي باالصابون بعدين اشطف شعري

حمام الكريم :
احطه دقيقة بعدين اغسله ( وهو الاروع ع الشعر)

بعد ما اخلص استحمام اجفف شعري بالفوطة
بعدين أبخ عليه من هذا البخاخ :

علبة بخاخ فاضية

ومغلي البابونج

واترك شعري لييييييييين ينشف مرة مرة
بعدين أدهنه بهذي الخلطة الروعة للشعر الجاف الخشن

الخلطة :
كريم نيفيا

كريم بالمرز

زيت اللوز الحلو

زيت الخروع

تونيك بالمرز

الكمية :
اللي يريحني بس احاول اخلي قوامه كريمي
وما احط كريم بالمرز كله .. بس نيفيا احطه كلللله ..

بعد ما ادهن شعري ارجع اظفره وهكذا ..طبعا امشطة
بفرشة ومشط خشب ..

خلصت من فروة راسي .. اجي لشعر رموشي :

شعر رموشي قصير :hysterical:
فرحت سويت هالخلطة احطها كل يوم قبل النوم :

الخلطة :
نوى تمر محروق ومطحون .. محروق يعني مفحححححححم بقوة بعد

زيت زيتون + فازلين العادي

الكمية :
عشر حبات من النوى
والزيت والفازلين اللي ابي بس انا احبه ثقيل
زي العجين ..

وقت الاستخدام وطريقته :
قبل ما انام .. احط على الرمش من فوق
من جهة الجفن العلوي واناااام ع طول ..

4- عنايتي بالمنطقة الحساسة:

آآآه ياقلبي من هالمنطقة ...

مدري من وين أبدا خخخخخخخخخخخخخخخخخ :| :worn_out:

طبعا عنايتي راح تكون نفس عناية الاخت نوني ماني آني
بالضبط .. بس فيه بعض التغييرات ..
والنصائح تبعها الحمدلله انا اسويها من زمان..
هذا رابط موضوعها للي تبي تلقي نظرة :!!:
http://forums.3roos.com/showthread.php?t=632162

خلطتها أنا زدت عليها بعض الأشياء وقللت بعض الكميات:
2م\ك كريم سيباميد ضد الالتهابات

م\ك زيت زيتون
م\ك زيت جنين القمح
م\ك زيت اللوز المر
نص م\ك زيت العنبر الأزرق
نص م\ك زيت جونسون باللوز والصويا

م\ك ملح خشن

عصارة ليمونة
علبة فاضية

الطريقة :
كلهم اخلطهم واحطهم بالعلبة ..

وقت الاستخدام :
بعد اي غسلة اتنشف واحط
وبرضو راح يكون هو المرطب تبعي ..

وبالنسبة للنتف والحلاقة وهيك ..
انا قررت اقسم المنطقة شي للنتف وش للحلاقة كالتالي:

طبعا الاشياء اللي قبل النتف والحلاقه :
التقشير بزيت الزيتون والسكر ..
اخليهم ثلاث ساعات بعدين ارش عليها نشا
بعدين ابدأ الشغل بدون ما أغسل ..

النتف :
طبعا اما اني بانتف بحلاوة أو بشرائح فيت

راح اقسم المناطق اللي بانتفها الى
* العانة ( الجزء العلوي)
* منطقة البكيني ( حول فتحة الشرج)
* جوانب الاشفار الكبيرة
* منطقة التقاء الاشفار الكبيرة من الأعلى
( اللي تكون أعلى البظر)

الحلاقة :
باقي قسمين اللي هم :
* الأشفار الكبيرة (فضلت بالموس عشان ماتترهل)
* الأشفار الكبيرة من الداخل ..

وفيه قسم احتياط اللي هو :
منطقة البكيني أذا ماقدرت عليها بالنتف
باحلقها بامواس البكيني ..

طبعا مو هذي الماركة .. باستخدم ماركة جيليت

طبعا باحلق قبل ما انتف لاني باستخدم
رغوة الحلاقة .. بعد ما احلق ابدا انتف
لاني اخاف انتف واحط الرغوة واروح خبر كان :biggrin:

بعد النتف والحلاقة :
اكون مجهزة محلول عبارة عن
نقطة خل ابيض+نقطة مويه
اخلطهم سوا
بعدين عليهم نقطة ديتول
وادهن المنطقة بحذر .. واتركه ينشف
واحط الخلطة تبع كريم سيباميد اخليها
ساعتين بعدييييين اغسلها ...
تقريبا خلصنا من المنطقة الحساسة :

6- التغذية ..
وهي أهممممم نقطة بالسالفه كل ابوها ..
طبعا بأقسمها إلى
وجبات رئيسية+وجبات خفيفة+مكملات غذائية+ماء
طبعا انا أبي أسمن وأكبر مؤخرتي وصدري وغذائي
راح يعتمد على تلبية حاجتي ...

الوجبات الرئيسية :
ماتخلو من الخضار والفواكه والبروتينات و
لازم تكون ثلاث وجبات او وجبتين باليوم

الوجبات الخفيفة:
ماراح امشي عليها بانتظام يعني كل ما اشتهيت او تذكرت
راح اكل منها وراح تكون الوجبات الخفيفه منوعه بين هذي الاشياء:

البطاطس المقلي :

حليب الصويا بالشكولاته:

حليب ovltine بالشكولاته:

سيريلاك بالقمح :

اندومي كاسات:

صدور دجاج:

م\ك حب العزيز+كاس حليب من اللي فوق:

شكولاتات وأفضل ام أند امز الصغار:

عصير منقا المراعي+حليب أبو قوس
على علبة وحدة صغيره عصير منقا احط شوي حليب واشربهم

وعشان أنفخ خدودي .. بطاطس نئ اكله بقشره بعد :confused:

المكملات الغذائية :

فيتامينات ومعادن كلها بهالعلبة طبعا اللي نصحني فيها
اخو صديقة اختي متخرج دكتور صيدلي والحين يكمل ماجستير اتوقع

وكبسولات زيت كبد الحوت اللي غنية بفيتامين (د)
وبرضو مافكرت اخذها الا لمن استشرت هذا الولد ..

طبعا انا طلبت منه يختار لي حبوب
اقدر استخدمها بدون ما يكون فيه جرعات زيادة وكذا
وكنت ابيه يختار لي شي فيه معادن وفيتامينات بوقت واحد
وقالي خذي هذي الفيتامينات وزيت كبد الحوت مرة وحدة
كل يوم قبل النوم ..

اخيرا وليس آخرا الماااااء ..
طبعا انا ما اشرب مويه كثير .. بس بحاول ..
طبعا راح اشرب فقط لترين .. يعني
علبتين موية صحة ام ريال باليوم ..

7- الرياضة:
طبعا الرياضه تجي بعد التغذية في الاهمية ..
وهذي رياضتي :

شد الصدر :
طبعا عشر مرات لكل رياضة..
والاثقال اللي استخدمها واحد كيلو ونص لكل يد
وكل شهر ازيد عدد المرات وازيد الثقل نص كيلو .. وابدا ما اجهد نفسي
عشان ما احرق سعرات حرارية كثير ..

وفيه تمرين اخير مالقيت له صورة ..
اللي ارفع يدي اليمين واقدم رجلي اليمين
بعدين ارفع اليسار واقدم اليسار بسرعه بسرعه
كاني ارقص او اركض طبعا عدد المرات مو محدد

وفيه جهاز شد الشد وتكبيره الوردي
مخططه اشتريه ان شاء الله

رياضة تكبير المؤخرة وشدها ..
طبعا عدد المرات اللي ابي يعني مو محدد..
اول تمرين اللي اخذ شهيق واشد مؤخرتي وارخيها مع الزفير
وثاني تمرين اللي اسوي نفسي اجلس بعدين اوقف
وانا شادة المؤخرة والافحاذ والساقين والبطن
مثل هذا

وبسسس ..طبعا هالتمارين
تقققريبا كل يوم اسويها بس ما اجهد نفسي مثل ماقلت ..

مممم ..
هذا كل اللي عندي تقريبا ..

باقي الطلبات اللي أبيها منكم :
1- اتمنى تدعون لي بظهر الغيب مو بالردود
ان ربي يسكني ومن احب الفردوس الاعلى ..

2- اتمنى ما تتضايقون لاني تكلمت عن اشياء
ممكن يكون فيها جرأة ..

3- أتمنى لو على الاقل وحدة منكم تحط يدها بيدي
ونسوي نفس النظام سوى ..
ونجيب نفس الاغراض ونسوي كل شي مع بعض ..
يعني نحمي الشغل شوي وتصير منافسة شريفه بيننا ..
وننزل موضوع بهالشان ونتابع فيه اذا مو يوميا اسبوعيا ...

ملاحظة
( ترى انا غذائي يختلف شوي ايام الدورة
وتقريبا هو يشبه نظام اختي نوني ماني آني
هو اصلا منتشر بالنت بشكل فضيع )

F::o

وتراني جالسه ع الموضوع من امس ..
كتبته مرة لمدة اربع ساعات وانمسح
بس رجعت كتبته يمكن خذا مني
خمس ساعات ثانيه غير التنسيق ..
يعني افهم يافهيم ;)

سبحانك اللهم وبحمدك أشهد أن لا إله إلا أنت
أستغفرك وأتوب إليك ...
:L: