شخباركم عروسات
اتمنى تكونون كلكن بخير وصحة وعافية
حبيت اشارككن معاي في موضوعي
كانت عندي علبة عطر حبيتها فاحتفظت بيها
وصارت عندي مناسبة قلت بخلي الهدية نقدية
وقلت انها العلبة المناسبة علشان اخلي فيها النقود
وهذا شكل العلبة
وهذا الاغراض اللي زينت بيها العلبة
شرايط فضية وحدة عريضة والثانية رقيقة
وصمغ مسدس صورت الصمغ ونسيت اخلي المسدس معاهم بالصورة
وكريستالة صايرة مربعة مع وردات فضية وباقة اوراق فضية
ونبتدي الشغل
اول شي قطعت من الشريطة الرقيقة وربطتها على شكل فيونكة
ولصقتها على العلبة
وقطعت اربع ورقات من باقة الاوراق واخذت الكريستالة
لصقت الورقات على الفيونكة وخليت الكريستالة بوسطهم
واخذت الوردات الفضيات ونثرتهم على العلبة
وهذا شكل العلبة النهائي
وطبعا علشان تمتلي العلبة خليت النقود فكة
ولفيت كل ورقة نقدية لحالها ولفيت الشريطة العريضة على مجموعة العملات الورقية
وخليت النقود في العلبة
وان شاء الله يحوز موضوعي على اعجابكم
وإلى اللقاء
