شوفوا قصتي واستفيدوا

السلام عليكم ورحمة الله وبركاته
اخباركم بنات ؟؟
انا من زمان مادخلت للمنتدى بسبب ظروفي
انا بقول لكم قصتي عشان يمكن تستفيدون منها وخاصة للبنات اللي ماعندهم صبر او بالاحرى ايمانهم ضعيف بالله
يعني انا من لي 4 شهور كنت بحاله مايعلم فيها الا الله صارت لي مشكله خاصه قسم بالله اني كنت بحزن ماتتوقعون كيف كنت بس الحمدلله على كل حال
لدرجة اني ماكنت انام الليل من كثر التفكير كل اللي انام 3 ساعات ودايم اصحى على قبل صلاة الفجر يعني كذا اكون شبعانه نوم وقلق بنفس الوقت وابقى عليها الى الليل
المهم بالوقت هذا انا لجأت لربنا سبحانه وكنت اصحى قبل الفجر بساعه ونص واجلس اصلي وادعي ربي وانا ابكي من كل قلبي حتى ماكنت اعتمد على دعاء معين لان اهم شي تكون الدعوه من قلب وبخشوع ووقتها كنت متيقنه ان الله بيفرجها واهم شي التوكل على الله واقرا قران واستغفر كثيرررررر واقول الكلمات اللي يحبهم الله سبحانه من عبده <سبحان الله والحمدلله والله اكبر ولااله الا الله >

كنت مستمره عليها طول فترة الاربع شهورر
وكنت اتحرى اوقات الاجابه يعني بين الاذان والاقامه والسجود وبعد الصلوات

ااااااه لو اوصف حالتي والله مايكفيني شي ولو بيدي كان قلت المشكله بس والله ماقدر لانها خاصه

والحمدلله اكيد مانسى دعوات الوالده لي ويكفي وقفتها معاي


والحمدلله اليوم جاء الفررررررررج وحمدت ربي وشكرته الف مره لان فعلا ماعندنا غير ربنا نشكو اليه حالنا وهمومنا
وانا وقتها كنت حالفه اذا انحلت مشكلتي وفرجها ربي اني لاقولكم عشان تستفيدون ونلجأ لربنا في كل وقت مو بس في المشاكل

الحمدلله الحمدلله الحمدلله على كل حال
كل ماتذكر حالتي دموعي غصب تنزل حسيت اني فعلااااااا ضعيفففففه ماقدر اسوي شي غير الدعاء حتى الماء لما اشربه احس فيه مراره من الهم

الله لاوريكم مكروه يارب

انا كل اللي ابيه منكم انكم ماتنشغلون عن ربكم بااي شي صدقوني بتتحسن حياتكم بقربكم من رب العباد حتى سبحانه ارحم على عبده من الام على رضيعها


وبالاخير اتمنى لكم التوفيق يارب وادعووولي ان الله يحقق اللي ببالي