انا وخطيبي ( زوجي ) متملكين لنا سنة واللي عائق فرحنا هو المادة لكن الحمد لله على كل شيء
وضع اهل زوجي المادي جدا سيء بالاضافة االى انه مو لاقي احد يوقف معه لا عمي الله يهديه ( والده ) ولا عمامه ولا خواله وهالشيء مأثر على نفسيته جدا ..
هو بمدينة وانا بمدينة زياراته نادرة بسبب ظروفه المادية ..توصلنا الحالي عبر جوال او ايميل ..
كنا سمن على عسل الين قبل كذا شهر بدت بيننا مشاكل :'(
والمشاكل من الايميل ..انا اتكلم كلام وعزة الله وجلاله ماقصدي منه شيء وهو يفهمه غلط وربي
ويحسب اني اعنيه اخرتها بعد العيد قبل ايام يحسب اني احتقره واسفهه :'(
انا احبببه بجنون وهو بعد كنا نتكلم على الايميل عندي عام لقرايبي وفيه خاص لي وله
كنت انا وياه نتكلم على العام بعدها رحت المطبخ وقمت سجلت دخولي عالخاص وارسلتله مسج عالجوال اني عالخاص وقفلت العام ولاني بالمطبخ ماقدرت اقوله من الايميل الثاني اني انا هنا موجودة على طول سجلت دخول واضطريت اروح المطبخ وانا حسبت مسج الجوال وصله اثاري الجوال مقفل ..
وهو قعد يتكلم هناك على الاول في النهاية جيت مالقيته لا على هذا ولا هذا ..
قمت اتصلت عليه كذا مرة مارد انقبض قلبي عليه :'(:'(:'(:'(
لين رد وهو معصب واتهمني اني منافقة ومخادعة في حبه واني حقاره واسفهه واني واني واني :'(
وقعدت احلفله بالله ولا صدقني يقولي مو جديد ..:'(
عصبيته جدا جدا جدا عالية صاير يشك في حبي له وانا وربي احبببه وامووت فيه وهو بعد يحبني ويموت فيني بس مشكلته العصبية ووضعه هذا يقول اسووأ فترات تمر عليه:'(
للحين شايل وزعلان مني وكلامه معي جاف :(...
قولولي كيف ارضيه والله حاولت اتصل وترددت خفت يكسحني لانه سواها كذا مره :'(
تكفون بنوتات ابي آرائكم