جبنيه رووووووووووووعه انصحكم جربوها

كل عام وانتم بخير يااغلى حوائيات .. واعز منتدى على قلبي

من زمان عن تنزيل المواضيع واعتذر كل العذر لاني مشغووووووووووله .. الله لايشغلنا الا بطاعته ..
حبيت انزل لكم شي مميز وفريد من نوعه بس يستاهل التجربه ويستاهل التعب ولو انه مافيه تعب ..
اليوم بنزلكم جبنية جربت طريقتها من وحده الله يجزاها الجنه وادمنت عليها ..

طبعا العذر والسموحه من القصيميه على عنوان الموضوع .. حنا مانستغنى عن طبخاتك لا خلى ولا عدم .. ولكي كل ودي واحترامي ومحبتي ..
مالكم بالطويله ندخل بالموضوع مباشرة .. << اقول اخلصي علينا بس
انا جربت كذا جبنيه يابنات بس والله العظيم مااحس بطعم الجبن فيها ولا بنكهته مع ان اسمها جبنيه ..
تحسين كنك تاكلين خبز مقلي .. آسفه عالوصف ..
لكن بعد ماجربت هذي الطريقه عرفت فعلا ان الجبينه من دون طعم الجبن لاتسمى جبنيييييييييه !!

ندخل عالمقادير ومابغى غير دعوه بظهر الغيب تفرج همي انا واهلي وعيالي بهالشهر الفضيل ..

المقادير :

فوق النص بشوي كأس جبن شيدار المراعي مبشور ( ضرروري شيدار)
نص كاس ماء دافي
بيضه
نص ملعقه كبيرة خميرة فوريه
نص ملعقه كبيرة بيكنج باودر
نص ملعقه كبيرة ملح
ربع كاس زيت
رشة فانيليا اذا تبين بالاخير تحطين عليها شيرة او نستله .
رشة حبه سوداء للي يحبها .
كوب ونص دقيق كويتي منخول او حسب ماتحتاج العجينه .

الطريقه :
1/نضع بالخلاط الجبن الشيدار والمويه والخميرة والبيكنج باودر والملح والبيضه والزيت والفانيليا وتخلط حتى يذوب الجبن .
2/ نسكب اللي بالخلاط في زبديه ونضع الحبه السوداء ، ونضيف الدقيق الكويتي المنخول بشويش ونضرب بمضرب البيض لين ماتقرب توصل العجينه للتماسك نبدأ نعجن بيدنا .
نتركها ترتاح ساعه بمكان دافي .. انا اخليها بالحوش بالضل وتطلع تمام التمام .
3/افردها مره وحده كامله على سطح مرشوش بالدقيق ومااخليها لارقيقه مره ولا سميكه مره واقطعها بالرول حق البيتزا مربعات

4/ واسخن الزيت واقليها واللي تحب تشيرها او تحط نستله على كيفها واللي تبي تاكلها كذا هم بعد لذيذه جدا ،وعوافي على قلوبكم .. باذن الله بتدمنون عليها مثلي بس لاتنسون تدعون لي .

شوفوا كيف من جوا

وهذي بعد

ولاتسوني من صالح دعاكم يابنات .. فمان الله