عريس متزوج وكثرة التفكير

25 سنه كبيره وفي مجتمعنا العربي نهايت قطارها

لو البنت محد يتقدم لها من وجهت نظري توافق

البنات الي يقولون لاء وليش ولماذا ؟

علي فكره الزواج حلال (معلةمه لو ماتعرفونها )

من رايي تتزوج والله يستر عليها

الافضل انها تستخير
ومنو احنا جنب زوجات الرسول عليه السلام
خديجه وعائشه وام سلمه الخ
كانت الاولى والثانيه والثالثه والرابعه
والشرع حلل 4
الرجال لما يشوف النقص يدووووره عند حرمه ثانيه
رجال متزوج يصوم ويصلي ويخاف ربه
افصل من رجال مو متزوج ويلعب من وراها ويسافر وخرابيط استغفر الله يارب
قدوتي بالحياة زوجات الرسول عليه الصلاه والسلام
وانا لست افضل منهم
ولا احب اتملك حاجه
لان كل شئ لله انا وزوجي وكل ما عندي هو من الله

ولاتقولون يجيها غيره
ونعم بالله هو الرازق المعطي الوهاب
متأكدين بيجي غيره
كل هذا علمه عند الله
يمكن بس هالمره تنخطب
البنات كثر مشاء الله ملياااانه البيوت بنات
تنتظر من يدق بابهم ويقول نطلب ايد بنتكم
الزمن تغير صار يخووووف
صارت البنت تطلب الله الستر والعافيه بس
شنو نريد من هالدنيا

فالافضل تستخير وتشاور الام والاب والاخ والاخت
والله يوفقها يارب

انا انصحها تتأنى والله في حريم شالوا هم الزواج ومن تزوجوا قالوا ليتنا عند اهلنا مرتاحين ولا هالزواج

ولا وحدة تتزوج وبعدين تطلق وبدل لقب العانس اجاها لقب مطلقة !!

الافضل تتريث ولاتتعامل بمشاعرهااااااااا ابدا خل تفكر بعقل ويمكن يجيها الاحسن

وطالما اهلها مش متسرعين بزواجها ....

ولاتستمع لكلامه وخل تاخذ موافقة زوجته لان ممكن تسوي لها مشاكل وتطلقها بعد

خلها تنتبه اذا الرجال فيه خير ممكن زوجته مافيها خير وتأذيها

اختي اول شي تصلي الاستخاره ثاني شي ليش اكثر الردود ماتتزوج واحد متزوج الشرع محلله اربع على ماعتقد صح ولالا يمكن يكون رزقها مايجيها احد غيره اختي اذا هي من داخلها مقتنعه خلاص تعرف الاسباب ليش يبي يتزوج ثانيه وخلاص يعني محد يدري عن رزقه يمكن ربي كاتبلها تتزوج واحد متزوج صح ولالا خلكم واقعين اكيد مب اي واحد بس انا اقول تعرف الاسباب لازم قبل والله يوفقها ويكتبلها الي فيه الخير
اكيد حبايبي لو زوجته فيها خير ماراح الرجال يدور غيرها ويستقر سامحوني على صراحتي ماحب اجامل واحمدالله على النعمه هذي ويمكن فيها خير بس الرجال يبي حرمه ثانيه
اقولكم قصتين واسفه على الاطاله واحد متزوج اربع ماشاالله اعرفه من اقاربي مبسوط وكل وحده في بيت مب لازم يكون فيه سبب ترى عايدي الشرع محلله
والثانيه تقربلي رفضت واحد عشان ساكن مع اهله تقول ابي بيت لحالي والرجال ماشاالله مافيه شي سبحان الله لين الحين ماحد خطبها وتحسفت تقول يمكنه كان رزقي اذا فات الفوت ماينفع الصوت واقولك اختي هي انتي اوصديقتك تئكدي من السبب

بنت الشيوخ اختي مو شرط زوجته مو زينة انبهك

والله في رجال فيهم حالة نفسية فوق مو الحرمة متحملته بعد هو اللي مايبيها

انا زوجي تزوج وانا مو مقصرة عليه بشي بشهادة الناس ... تزوج واللي اخذته ابشرها بعيوب الدنيا اللي فيه

يخدع الناس بالصوت الهادي والنظرة الخجولة والكذب وهو الله اعلم ان اسوء رجال يمكن

حتى من تقدم لي كان مطلق ومثل علينا البراءة هو واهله وصدقناه وبعد الزواج انسان مختل نفسيا ماتطاق العيشة معه

وماشفت اي سعادة معااااه ماابالغ لو اقولك من اول شهر واكتسبت لقب مطلقة وانا بعدني بعز شبابي والحمد لله لعله خير

وعمرها 25 سنة صغيرة امي وخالاتي تزوجوا 29 و30 والحمد لله تزوجوا عزابية مو متزوجين

واللي تتكلم عن زمن الصحابة ترى انتبهوا اللي يتقدمون مو باخلاق الصحابة وحريمهم مو باخلاق الصحابيات بعد التعدد شرع الله لكن له شروط

ومش الكال يقدر يطبقها ...واذا زوجته فيها عيوب ترى سنتين صار له معاها وبس يعني المفروض يصبر عليها

واذا ماعنده عيال المفروض يطلقها ... اما حالة سنتين ويتزوج !! شذنبها المسكينة زوجته

لا شدعوا ترى تو عمرها 25 سنة

و مهما قالوا لها الناس انتي كبيرة و انتي و انتي ...

الناس ما ترحم معرووووفة

يعني لو نقول ان عمرها 40 كان قلنا اوك ما في مشكلة
اما انها تاخذ رجل متزوج انا اقول بصراحة ما في سعادة مع الرجل المتزوج

دايم تكون هناك مشاكل و بعدين ليش توهق عمرها في ذا الزواج
خليها تقوم الليل و تدعي ان الله يكتب لها احسن منه و ما تدرين يمكن الرجل المتزوج غضب عليها و على طول فكّر يتزوج عليها

صدقيني مو من صالحها انها تاخذ رجل متزوج
بنات عمي او بنات عمتي متزوجين طيب هم ربي كتب لهم نصيب و ما بعد الله يكتب لك و محد ماخذ إلا نصيبه

استخيري يا بنت و خلك واعية لا تورطين نفسك
وش نقول للي اعمارهم فوق الـ 40

اللي وافقني معاه ترا انتم مو عايشين معاهم وسال بنت الاجواد وبنت الشيخ نشوف لو قالج زوجج بيتزوج عليج وانتي مو مقصره عليه وقالج بتزوج الا ساعتها بتقلبون البيت بس اللي تحبوه لنفسهكم حبوه لغيركم بسنيتن بس بس انتم ماتحسون للاسف يعني تبونها تنقد نفسها من شبح العنوسه يعني انتم خايفين عليهم وتبونها تخرب بيت وحده ثانيه ماصار لها سنتين متزوجه وش هدا ماصبر على زوجته سنتين فرضا لو تزوجته صاحبه الموضوع وش يضمن انه ما يتزوج عليها بفتره قصيره انا مو قايله توافق اخاف على نفسي بعدين ربي يبتيليني لاني قلت لفلانه تزوجي فلان متزوج ويمكن تنحل مشاكله ترا على فكره من قبل كم يوم سمعت قصه وحده تزوجت واحد متزوج كان مع زوجته مشاكل وكان عمرها صغير باول سنه رجع لزوجته وعلق بنت الناس عشر سنوات منعها من حقوقها وحتى من الانجاب وجات تشتكي وش استفادت يوم صار عمرها 29 رجعت لبيت اهلها مطلقه والناس قالوا عنها عقيم وماحطوا اللوم عليه وترا غلط نجيب الانبياء والصالحين وهم كانوا غير وما راح نوصل مثلهم ههههههه لو كل ملتزم باخلاق الصحابه كان الدنيا بخير بنت الاجواد الزواج لمعلوماتج مو بس للستر يعني هي ببيت اهلها مو مستوره مو منطق هالكلام الزواج استقرار وتكافؤ وموده وصبر مو ما صبرت على زواج وصرنا بمشكله رحت دورت غيرها اعتبره قله وعي لانه ماصار لها الا سنتين بس هي وش اللي يجبرها توها بعز شبابها 25 ماعلينا من كلام الناس والمجتمع لللاسف تخلف وصلنا ل 2011 واحنا بعدنا البنت لا ماتزوجت وهي توها بالثانويه والا المدرسه بها العمر والا لصارت 25 عدينها عانس وفاتها القطار ياكثر من تزوجوا وهم صغار وماهم مرتاحين والزواج قسمه ونصيب يعني اي واحد يدق بابنا بس نخلص من كلام الناس وخوفنا نعنس ونخلل بييوت اهلنا قبلنا باي واحد بغض النظر كفو مو كفو خاين متزوج سكير راعي مخدرات خدينه انتم ماتسمعون القصص الماسويه لللاسف ب همكم يعني تصير بعداد المتزوجات على حساب سعاده غيرها ويمكن تكون سعيده ويمكن لا

من المشكلة انو ماناقشت اهلها
تستشيرهم ولاتطلع عن شورهم

ذبـכـنيــۓْ بــرد الأيــآميــۓ;15814341:
سمعت قصه وحده تزوجت واحد متزوج كان مع زوجته مشاكل وكان عمرها صغير باول سنه رجع لزوجته وعلق بنت الناس عشر سنوات منعها من حقوقها وحتى من الانجاب وجات تشتكي وش استفادت يوم صار عمرها 29 رجعت لبيت اهلها مطلقه والناس قالوا عنها عقيم وماحطوا اللوم عليه

كلامهااا صح 100% لانه اصلا بيرجع لزوجته الاولى حبا فيها و اهو ما اخذ زوجته الاولى الا يبيها وحابنها و لما تتعدل ضروف زوجته الاولى على حساب راحته من الثانية اقل مشكلة مع الثانية بيتركها يا معلقه يا بسيء معاملتها بدون عدل وراح يراعي الاولى :thumbs_down:
وبشكل عام الزواج من متزووووووووووووووج بلااااااااااااااء كله مشاكل

واااااااااااااااااااضح انه يبي يتزوج تأديب لمرته الأولى
لأنها عاندته في الإنجاااااااااااااب

ورجل يتزوج لأجل الأطفااال فلا تنتظرين منه حب او غيره لأنه يريد منك اطفاااال وانتي مربيتهم..

يعني اتوقع انه انسان عنادي ... وصارم... غير متفهم..

لا تتهووووور ..وتاااااخذه

متزووج لالالا احس راح تدخل نفسها في مششاكل هي في غنى عنها


ماجربت غيرة الضره

عليها بالاستخاره قبل كل شيء
وربي يكتب لها اللي فيه الخير

اولا الموضوع مشكوك فيه كيف عرفته

وخايفه اهلها يدرون
المفروض والطبيعي انه يجي من عند ا هلها
بعدين توة صغير وصارله بس سنتين يعني مو فترة كافيه للتقويم اي علاقه ادا كان انسان متفهم
الواضح اصلا ان صاحبتك المشكله مقنعه انها تتزوجه
بس خايفه من كلام الناس

استخيري بس لاتتوقعي انك راح تكوني الكل في الكل الحياة الزوجيه جدا اصعب مما تتخلين مو فستان ولا دلع وغنج ولا قمصان حرير
يعني ممكن اي خلاف بعد سنه مدامه مقتدر بيروح يتزوج الثالثه \

استخيري وافهمي ولا تستعلجي ياما ناس ندمت والله ما اقولك كذا عشانه متزوج بس لان الموضوع مشكوك فيه وحدة اعرفها تزوجت امام مسجد

كل الناس تشكر فيه وكانت الثانيه طلع يتاجر بالمخدرات
لازم تسالون الناس الي معاشرينه
ومع ان الزمن هذا صارو الناس للاسف قليلين ذمه

مازالت صغيرة جدا انا عمرى فى الثلاثين ومستحييييل افكر اخذ متزوج لانى معنها فتحت على نفسى باب من الغيرة والارهاق والمشاكل انا فى غنى عنها
انصحيها قولى لها لاتياسى لساك صغيرة والعمر قدامك

السلام عليكم ورحمة الله وبركاته
اختي الغالية المرأة بطبعها كائن غيور
في البداية ستقول لاتوجد مشكلة سأقبل برجل لي ولغيري
لكن عندما يتحقق الامر ستبدأ المشاكل وستشعر بالغيرة وستعرف انها لو صبرت قليلا لربما اعطاها الله سبحانه رجل يكون لها وحدها فقط دون اي مشاركة
ثانيا انتي سمعتي كلام الرجل لكنك لم تسمعي كلام زوجته
الانسان لاتعرفيه الا بعد ان تعاشريه
قد يكون يعاني من العقم ويعرف ويكابر وبدال ان يقول الحقيقة ويتعالج يرمي بالذنب على المرأة
اصلا ان المرأة هي من تكون الغريزة للأمومة عندها قوية وليس الرجل
المرأة من تحمل وتلد وترضع لكن الرجل يتذمر ويتأفأف
هل ترضى صديقتك ان تكون سبب لحزن وهم والم لأمرأة لا تعرفها ولم تسبب لها هما وحتى لم ترها
قولي لصديقتك اعطني خاتمك الذهب ولاتقولي لها شيئا سوى انه اعجبك
هل ستقبل؟الجواب لا والف لا
لم ستعطيك شيئا من اغراضها الثمينة
اذن كيف بالزوجة الاولى لماذا ستعطي لصديقتك زوجها وببساطة
طبعا صديقتك لم يؤخذ منها زوجها بالغصب
فلن تشعر بالظلم
لكن الزوجة الاولى كل ذكريات الخطوبة والملكة والصور والذكريات وليلة العمر يوم الزفة ستتحطم بيوم واحد فقط هو يوم زواج زوجها من صديقتك (لاقدر الله)
سيتحول زوجها بسبب يوم واحد الى شخص غريب ستنظر اليه انه خائن انه غدار
ان كل كلمة احبك انتي حياتي هي كلمات زيف وكذب وخداع
وسوف تفقد ثقتها بكل الناس بصورة عامة وستكره الرجال
كيف وقد اعطت كل حياتها وشبابها ونفسها لرجل ثم استبدلها بأخرى
ان كانت لديه مشاكل مع زوجته فليذهب الى مختص بالعلاقات الزوجية وليحلها
ليواجه زوجته بما لايحب بها ليكلمها
لكن ليس ليتزوج عليها ويحرق قلبها وليس ليجعلها تندم لأنها تزوجته
اعرف امامي عائلتين تفككتا بسبب زواج الرجل على زوجته زوجة ثانية
كل الحب تحول الى كره ورغبة بالانتقام
ان كانت هذه طريقته بعلاج المشاكل بأن يصنع مشكلة اخرى
وان يجلب لشريكة حياته من تنغص عليها عمرها
فطمني صديقتك انها ستشرب من نفس الكأس وستشاركهم به ثالثة ورابعة وبعد ان يمل ويضجر سوف يعطي من فلوسه لأي وحدة تتنازل مقابل الفلوس حتى يتزوج الخامسة
وهكذا
يمر على النساء ويحرق القلوب ويزرع الاحقاد
قولي لها
لايؤمن احدكم حتى يحب لأخيه مايحب لنفسه ويكره له مايكره لها
عاملي الناس كما تحبي ان يعاملوك
من ترك شيئا لله عوضه الله خيرا منه
عسى الله ان يعوضها زوجا يكون لها وحدها
سلامي اختي

شوفي أي رجال في هالدنيا لما يفكر أن يتزوج فوق حرمته أول شي بيقوله ان ما مرتاح مع زوجته وان بينهم مشاكل وأنهم عايشين مثل المطلقين أو ان زوجته موافقه وعادي عندها وطبعا هذي كلها أوهام وكذب في كذب عشان يقنع الضحية الثانية ويتزوجها . خلي صديقتك تفكر زين قبل عن تاخذ رجال متزوج يعني حد يشاركها في عواطفها وفيه وفي ماله وخيره واهله ومناسباته وفي كل شي فهل صديقتك عندها استعداد انها تضحي بهالشي؟
صديقتك مو كبيرة عشان تخاف من العنوسه بعدها صغيرة والخير بيجيها وفي مثل أحسن القطار يفوتها ولا يدوسها . شباب هالأيام ماسكين بالتعدد لكن ما في واحد منهم يعدل أو يعرف أيش معنى العدل وخاصة لو زوجته الولى عدلت من نفسها وتغيرت للأحسن القلب كله بيميل لها وبتضل الثانية لا ثانية سبير أحتياط

اميرة عرائس ليبيا;16136438:
مازالت صغيرة جدا انا عمرى فى الثلاثين ومستحييييل افكر اخذ متزوج لانى معنها فتحت على نفسى باب من الغيرة والارهاق والمشاكل انا فى غنى عنها
انصحيها قولى لها لاتياسى لساك صغيرة والعمر قدامك

الله يكملك بعقلك أختي وبالفعل أختي أحسن القطار يفوت ولا يدوس عليك . وبإذن الواحد الأحد ما دام نيتك صافيه كذا ما تمر عليك هالسنة إلا وأنتي متزوجه أمين يارب يا قادر يا كريم.

تستخير وتعرف السبب زواجة ع زوجتة ... ووتتوكل ع رب العالمين

كلام الناس مو خالص

بصراحه عمرها صغير شنو الى حادها تتزوج واحد متزوج وتورط نفسها في مشاكل هيه بغنا عنهاا
ولو كان مطلق اي اوكي الامر مافي شئ بس متزوج وزوجته معااااا
الله يكتب الى في الخير

الزواج برجل متزوج رح يجيب لها كثير مشاكل