هل انا حامل ؟!

السلام عليكم ورحمة الله وبركاته,,

عندي مشكله وهي تاخر الدورة,,
اتعالج في مستشفى خاص لانه الحكومي ابد ما فادني !!

اني من قبل الزواج وقبل الخطوبة ما كانت منتطمة وياي ,,

برغم متزوجة صار لي 5 اشهر تقريبا !
فبعد الزواج رحت انظمها ووصفت لي حبوب اسمهHYPONIDD و Aminor

حبوب امينور علشان تنزل الدورة والحمدلله نزلت بس كلش الدم خفيف ونزلت علي بس 3 ايام !ّ وما كانها فيني الدورة ! قالت لي الدكتورة هاي بسبب الهرمونات وانه ينزل من مبيض واحد !


الحبوب الثاني اشربه لمدة 3 اشهر مدري 6 اشهر ههه الموهم ,,

تعالجت من تاريخ 11 - 10 الى حد الحين ,,,

جيكت لي الدكتورة بالسونار قالت لي البويضات عندي ما تكبر ومو متساوية !
فعطتني موعد في الدورة ونفس الكلام وبعد الدورة ونفس الكلام ما تكبر البويضات ,,

قالت بتعطيني في هالموعد الجاي ادا ما كبرت البويضات ابر حق تكبر البويضات وتتفجر وتنزل الدورة ,,

طبعا وصفت لي حبوب وفيتامينات حمل !
والحين احس باعراض ما ادري من شنو !

احس بانتفاخ اسفل البطن وفي الخواصر ! وكلش ذابحني الالم !

احس كانه احد قاعد يعصر في خواصري واحس بثقل في هالمنطقة برغم نزلت علي الدورة بتاريخ 22 -10 وبالحبوب !!

فما ادري هل هالشي له علاقة بالحمل ؟
او مستحيل احمل وانا للحين ما كبروا عندي البويضات !!


السؤال الثاني !!

متى يكون فترة التبويض بالضبط ؟ لانه انا ما اعرف ! والدورة مو منتطمة وياي يا تجيني في نهاية الشهر او في بدايته وادا كلش كلش في نص الشهر

اللي صادها هالشي اتخبرني ضروري ,,:o