زوجي تزوج ولسة ماكملنا .... الله المستعان

لا حول ولا قوة الا بالله
وجعني قلبي عليك
بس ربك كريم
ربي يفرج همك و ينصرك
حسبي الله ونعم الوكيل

حياكم الله اخواتي وبارك الله فيكم

اخواتي بتكلم بالعامي اطلع اللي في قلبي الحمد لله بداخلي احس بطمأنينة لاني عانيت مع هالرجال كثير
تخيلوا كان دائما يقولي انو المرأة اذا تزوج عليها زوجها تصارخ شوي وتسكت
وبعد يقولي انا اربطج بالولد .. حتى جا مع ولد عمه وقالي انا غلطت انتي تحملي عشان ولدك حسبي الله ونعم الوكيل قلت له انا مالي خص باخطائك
ولااتحمل شي منها .. قلي عشان ولدك تحملي قلت له ماتربطني بالولد هو اصلا مايحبه ادري فيه انسان مريض
كان يفكر يحطني ابقى اخدم امه واخته واربي ولده وهو حضرته يعيش عادي .. وهو انسان يعني مايعترف بالخطأ ولايفكر مثل الناس
يني حياتي كان جحيم معاه يعاملني باحتقار كل مرة امر من عنده يطالعني من فوق لتحت وهذي من ست شهور زواج الى الان
يعني هو على باله انا حبيته لدرجة الجنون لاني كنت اراعي مشاعره واحترمه هو مااعرف قيمة المرأة الصالحة وظن بتحمل كل شي ممكن يسويه
وتخيلوا احاججه قلت له انت من فكرت تعدد ماقلت لي حتى ولااحترمتني وفوق هذا حتى مافكرت تعدل ماخفت ربك يقولي انتي ملتزمة شلون تدورين مظاهر ؟؟!! ههههههه يعني الحقوق مظاهر عنده يعني هو مايحس انه غلطان بالمرة
والله احس مو سنة واربع شهور احس كانها اربعين سنة والله انا الان عند اهلي وكثير ارتحت منه وماابي ارجع له
وهذا ابتلاء زواجي والحمد لله على كل حال الله يعوضي خير يارب

الله يصبرك ياقلبي قظعتي قلبي عمرك بعمري وزوجك بعمر زوجي حسيت قلبي تقطع والله توك ماشفتي شي من الدنيا
ربك يعوضك يارب
ادعيله ياقلبي واحتسبي الاجر ربك ماينسى احد ادعي دايم
وحاولي تقرين سورة البقرة كل يوم والله ماتاخد ساعه منك
الله يصبرك ياقلبي

اختك

ام صبا

هلا اخواااااااتي حياكم ربي وجزاكم كل الخير

اخواتي انا مااقدر ابقى معه هو كل ظنه اني اصارخ شوي واعصب وبعدها ارضى بكل شي حتى عدم العدل
وهذه افكار صديقه يقوله امي تزوج عليها ابوي وعصبت ونست ههههه وهو مصدقه وصديقه ماشاء الله مايفكر بس بسعادة زوجته وبس يفكر
حتى في اخت زوجته اللي تعدت سن 32 سنة واللي عندنا ليته تعلم من صديقه كيف يسعد زوجته واهلها لا ضحك عليه وصدقه
هو مصدوم اني طلبت الطلاق وهو عنده امل الى الان اني ارجع له اهدا وارجع له هههههههه هذي افكاره البايخة حاطها براسه
بس اسأل الله سبحانه يقويني والله اني مرتاحة عند اهلي ... انسان مريض لايخليني اتواصل مع صديقات ولا في النت حتى ممنوع دخول المنتديات الا كم منتدى
حتى يمكن تضكون كان يمنعني ادخل قسم قضايا وحلول بعروس هههه وفقط قسمين ثلاث مسموح ادخلهم بعروس والباقي ممنوع حتى قسم الجوالات هههه
وانا بعيدة عن اهلي يعني غربة وظلم وتعدد وماصار سنة ونص شنو ذي بشر مااقدر اعيش معاه بالمرة ولااتخيل مستقبلي معاه
الله يجازيه وحسبي الله ونعم الوكيل
واحمد ربي عندي ولد واحد منه مو اكثر ابقى معه ويصير عندي اثنين وثلاث وين اروح فيهم بعدين وابوهم مختل نفسيا

السلام عليكم
كان الله في عونك أختي و احتسبي الأجر من الله
حسبي الله في ناس مثل هاذ الأهل