كل البنات وخاصة الليبيات اعطينى رايك فى فيلوا هدا

معقولة ولا رد وينكم يا بنات العرب

بصراحة انا ماعجبنيش هلبا هدا رائي

والله حبيبتي انى من رائي انه عادي انحس مازال ادوري اكتر

معقولة 'à مشاهدة و" ردود بنات ويييييييينكم مو بس الليبيات الى تدخل ترد بليز

حبوبه الموديل متكرر هلبا
تقريبا كل العرايس توا يلبسو نفس الموديل هذا لو تشوفي خيارات تانيه احسن

السلام عليكم اختي
شوفي هي حكاية أذواق وبما انك مترددة شوفي خيارات أخرى
انا عن نفسي نحب الستيل الناعم وهذا الستيل لبسوه بزاف في السنوات الي فاتت ومتكرر
نعرف انه الدارج هو المشغول بالدانتيل موديلاته كثيرة وناعمة وتبقى طول على الموضة ودايما الوحدة تبان مميزة فيهم لانه ميتلبسش بزاف
ومن رأيي اللون الأبيض أفضل من الأوف وايت لانك تقدري تعملي سواري أوف وايت بصح الأبيض مخصص ليوم واحد بالعمر ومتقدريش من بعد تلبسيه
وفي النهاية القضية متعلقة بالذوق انت شوفي راح تلقاي أحسن
ومبروك ربي ييسر لك

الحق انى مترددة هلبة لكن فات فيا حجزته وقعدت انخمم فيه باهى الى حطيت عربون شوية هههههه ومرات انحسه حلوا ومرات انقول خاطرى فى واحد احلى ويكون ابيض الحق انى ليا 8 شهور حاجزاته من قبل الاحدات بالله بنسالكم زعما يعترف بيا المحل توا ؟؟؟؟

دكرتينى والله في موقف حبيبتي لو المبلغ مش هلبا مش لازم ترجعيله الان مااضنش انه يترد

انا عن نفسي الموديل ما راق لي ابد حسيته قديم يا قلبي
انا احب موديل السندريلا يعني التنورة تكون منفوووشة ويكون الذيل طويل

احس لو تشوفين موديل غير احسن

up up

والله هو كلاسيكي بس عاجبني قوي لكن لفيلك لفة تاني لو انتي مش مقتنعة المهم تكوني انتي مرتاحة
لكن انا عاجبني ماشاء الله

هدا انى هدا القيته فى فيبراير بى 1800 وبعدها قالى بنسكر برى للفرع التنى متعنا فى بوسليم واجرته بى 590 طبعا دفعت فيه عربون 50 جدينار وشكلى بنفوته وبندور غيره بصراحة لان اغلب الى انوريهوله ميعجباش وانى مش مقتنعة بيه هلبة

والله انا انحب موديل سندريلا ونحبه مشغول دانتيل وكريستال افضل من هكي يعنى نحبه بسيط في الكشاكش ومنفوخ زي سندريلا وهدا ابدا ماراح نعرف اتقولك حلو او لا لان بصراحة مش مقنع كفيلو لا منظر لالون بصراحه

ميمى كيف يكون مشغول بالدانتيل حطيلى صورة اتكون قريبة من الى قلتيه لان الاغلبية يقولوا الفيلوا حلوا لما يكون فيه دانتيل

تعرفي حبوبة هذا اني كنت بنحجزه في عرسي من محل عبير في شارع اول سبتمبر سابقا (17 فبراير حاليا) وعلى فكرة اني اكثر واحدة نقدر نفيدك بخصوصه لاني فحصته بالمللي وكانت عندي صور ليه في كومبيوتري ...المهم هو قماشته راقية راهو مش معفن زي اللي في سوق الترسانة او غيره وذيله حاجة واو بمعنى واو والقونة لو تبيها منفوخة اكثر مع اني نشوف فيها منفوخة البسي تحتها ساطاجونة حتى الصديري شغله متقن ولمعته رهيبة غير الصور ظالماته ...والله نتفكر انه اكثر فيلو عجبني فيك يا طرابلس وكان خاطري فيه وحتى حجزته لكن امي لما مشت معاي البروفة قالتلي ما تلبسي الا ابيض كان هذا لا بنتي لا نعرفك ..فالله غالب اخترت فيلو ثاني ابيض من نفس المحل بس من فرعهم اللي في بو سليم تخيلو في اسبوع العرس قعدت نلود على بضاعة الفيلو الابيض بعد ما كنت موتية كل شيء للفيلو هذا من تاج و لينجري و شخشير وكندرة و شنطة الخخخ
المحل راهو عنده هلللبة فيلوات راقيات انجليزيات وتركيات حاجة صح حتى الصديريات متعهم واو واو ...
ملاحظة حبوبة الفيلو هذا يبي واحدة طويلة يعني لو انتي طويلة احجزيه و بقوة

ان شاء الله ربي يهنيك عروسة وتطلعي زي ما تبي في عرسك.........لكن بصراحة مش حلو الفيلو ...عاااادي هلبا ....وفي هلبا موديلات ارقى واحلى منه .... ان شاء الله تلقي حاجة حلوة ...غير اطلعي ودوري ...وما تحجزي شي الا بعدما تشووووفي وتقيسي وتتأكدي ان هدا هو الي بتلبسيه في ليلة العمر
ربي يهنيك ان شاء الله ويهني كل العرايس

لو تشوفي واحد تاني يا قمر

والله يتمم إلك على خير